Премиерот Никола Груевски денеска ја предаде својата Изјава со која потврдува дека не соработувал со органите на државната безбедност во периодот опфатен со Закон, до Комисијата за верификација на факти

Според премиерот Никола Груевски, многу порано требало да почне овој процес, по независноста на Македонија, но како што рече, веројатно тогаш немало доволно политичка волја.„Со задоволство ја предадов изјавата до Комисијата за лустрација којашто денеска официјално почна да ги прима овие документи, така што сакам да изјавам дека сум задоволен што започна овој процес. Мислам дека требаше многу години порано да биде започнат некаде на почетокот на формирањето на нашата држава, можеби во првите две, три, четири години, меѓутоа, за жал, тоа не се случи, но ете и сега можеби не е толку доцна“, рече премиерот Груевски, по предавањето на изјавата.Според него, добро е што процесот започнал, со што ќе се затвори едно, како што рече, темно поглавје од нашата политичка историја.Од разговорот со претставниците со Комисијата за лустрација, премиерот бил информиран дека просториите во кои треба трајно да биде сместена Комисијата се во завршна подготовка.„Од тој аспект Владата стои на располагање целосно да помогне за доуредување на сите работи коишто не се средени, но важно е дека тој процес започна“, рече Груевски. На новинарско прашање, дали Владата ќе помогне во процесот за добивање на досиејата, кои како што информираа вчера, се наоѓаат во белград, соседна Србија, премиерот рече дека ќе направате се што е во нивна моќ за да помогнат.„По сите меѓународни правила, меѓудржавни можни договори, ќе покренеме иницијативи и ќе побараме соработка. Дали тоа ќе биде по пат на сукцесија или по некој друг пат со меѓудржавни договори со разговори. Ќе ги искористиме сите можни начини кои ќе ни ги советуваат правниците и експертите да издејствуваме тој проблем да биде надминат“, рече Груевски.Тој се надева дека процесот на лустрација ќе има некаков успех.