Свет
80- годишна жена исфрлена на улица
Штипјанката Катарина Кочиева(80) вчера со судски извршители и со асистенција на полицијата била иселена од станот во кој живее целиот живот
ШТИПЈАНКА СО ПОЛИЦИСКО-СУДСКА ФИНТА ИСЕЛЕНА ОД СТАН ВО НАСЕЛБАТА СЕЊАК
Катарина Кочиева вчера беше иселена од дома откако надлежните и рекле дека треба да дојде со нив во полиција и во Суд за да се договорат
Штипјанката Катарина Кочиева(80) вчера со судски извршители и со асистенција на полицијата била иселена од станот во кој живее целиот живот. Судските извршители на помош повикале и жени- полицајки за да можата полесно да се справат со старицата, која на првото судско извршување не сакала да излезе од станот. Сепак, Кочиева вчера била иселена без употреба на сила. Нејзе и рекле дека треба да дојде со нив во полиција и во Суд за да се договорат. Кога таа ги послушала и излегла надвор, судските извршители кои дошле и со работници, набрзина го изнеле немештајот и работите од станот: еден шифоњер, кревет и алишта и ги оставиле надвор пред зградата, а дел и пред подрумот од станот. Бравата веднаш била сменета.
На ваквото иселување реагирале соседите. “По иселуваењето Ката замина како што знаеме ние, во полиција, која рекла дека таа најпрвин ќе биде кај нив, а потоа ќе видиме каде ќе биде сместена. Се плашиме од таму таа да не замине кон реката Брегалница и да не направи нешто лошо оти е премногу разочарана. И сега не знаеме каде е”, велат нејзините најблиски соседи. На иселувањето не присуствуваше нејзиниот адвокат, кој како што дознаваме барал одлагање на извршувањето заради тоа што до Републичкиот јавен обвинител покренал постапка за заштита на законитоста.
Ката Кочиева е поранешна работничка на ТК “Македонка”, но станот го добила од модната конфекција “Астибо” каде работел нејзиниот сопруг. По неговата смрт, Ката, која нема деца, останала да живее сама во станот од 42 квадратни метри во населбата Сењак. Со оглед на тоа што здравјето и се нарушило, пред 10 години склучила договор со семејството Трајанови од Штип за доживотна издршка. Брачната двојка Силвана и Јоцо Трајанови тогаш се вселиле во нејзиниот стан и живееле заедно со неа. Подоцна, кога се продаваа општествените станови, Трајанови за сметка на Кочиева, која немала пари, вложиле 6.000 германски марки и го купиле станот на Ката. Тие со неа се договориле, по нејзината смрт станот да им припадне ним, со оглед на договорот што го склучиле за доживотна издршка. Меѓутоа, по шест месеци од познати причини бабата се премислила и решила да го прекине договорот. Трајанови си ги барале парите назад, но откако старицата не можела да им ги вратитие ја тужеле. Но и таа поднела тужба со која барала нивно иселување и наплата на кирија. Судот донел одлука и ги задолжил двете страни да си ги извршат обврските. Но, откако бабата не можела да си ја исполни својата обврска, Трајанови повеле постапка за присилна наплата преку продажба на станот. На првото наддавање не се јавил никој, но на второто учествувало само семејството Трајанови, кое веќе има и извршно решение. По вчерашното извршување Катарина Кочиева, која нема ниту деца, ниту роднини, се најде на улица исфрлена од станот и без никој да знае каде е сега.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.
Свет
Либанскиoт министер: Ќе бидеме во тешка позиција ако Хезболах продолжи да се коцка
Либан ќе биде во многу тешка позиција доколку Хезболах „продолжи да се коцка“ во конфликтот со Израел, изјави министер од либанската влада за „Скај њуз“.
Како што расте стравот од ескалација, министерот за економија Амин Салам, кој како член на либанската влада не ја претставува шиитската милитантна група Хезболах, поддржана од Иран, рече дека Либан е веќе „во центарот на бурата“ и дека „се случува војна со потенцијално страшни последици“.
„Потребна е одлука дали сакаме да го вовлечеме Либан во понатамошна ескалација и мизерија или дали сакаме да донесеме мудра одлука“, вели Салам.
„Многу е јасно, ако решиме или ако Хезболах одлучи да преземе голем ризик и да се коцка повеќе во оваа војна, ќе платиме многу висока цена што ќе го стави Либан во многу тешка позиција и ќе бидат потребни многу години за да се врати назад“, предупреди Салам.
Тој посочи дека економијата на земјата е во „ужасна ситуација“ со „десетици илјади луѓе кои бегаат“ во потрага по засолниште.
Свет
Германија нема да ги укине ограничувањата за употреба на западно оружје со долг дострел
Германскиот канцелар Олаф Шолц потврди дека Германија нема да ги укине ограничувањата на Украина за напади од западно оружје на руска територија.
„Јасно е дека ние секогаш сме многу фокусирани да го поддржиме она што навистина помага и што е неопходно… Ова го подразбира и фактот дека Германија нема да ги укине ограничувањата за употреба на западно оружје со долг дострел. Ова не зависи од мојот личен став. Тоа нема да го направиме, а имаме добри причини за тоа“, им рекол Шолц на новинарите непосредно пред средбата со претседателот на Украина Володимир Зеленски во Њујорк, пренесува Тагешау.
Истовремено, тој ја повика ЕУ итно да и ја обезбеди на Украина ветената финансиска помош од 35 милијарди евра.
„Ова е важно за да можат да придонесат и пријателите во Канада, САД, Велика Британија и Јапонија“ додаде германскиот канцелар.
Шолц рече дека неговата позиција нема да се промени дури и ако САД ги укинат ограничувањата.