Македонија
Судскиот совет ќе одлучува за екс претседателот на Апелација
Судскиот совет денес треба да одржи седница на која ќе се расправа за работата на поранешниот претседател на Апелациониот суд во Скопје, Јордан Митриновски.
Судскиот совет денес треба да одржи седница на која ќе се расправа за работата на поранешниот претседател на Апелациониот суд во Скопје, Јордан Митриновски. Тој не е повеќе на функцијата поради одлука која заедно со друг колега ја донесоа за ослободување на босот Бајруш Сејдиу од притвор. Преку позната адвокатска канцеларија Сејдиу поднесе голема гаранција за пуштање од притвор. Митриновски одлучи да го пушти, но обвинителство ја оспори одлуката. Врховниот суд одлучи одлуката да ја промени и Сејдиу да остане во притвор, но истовремено за Митриновски да поднесе барање за разгледување на неговата работа пред Судски совет. Митриновски е поканет на седницата на советот за да даде појаснувања или нови детали околу случајот. Судскиот совет треба да одлучи дали Митриновски ќе биде казнет или пак разрешен од судија./крај/км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нови канцеларии на Левица во Могила и Росоман
Претседателот на Левица, Димитар Апасиев, и Носителот на ИЕ4, Сашко Јанчев, вчера присуствуваа на отворање на две нови канцеларии на локални ограноци на Левица во општина Могила и општина Росоман.
„Народот сè повеќе ги препознава идеологијата и вредностите на Левица, изградени на темелите на нашите предци кои го дале животот за Македонија и на кои почиваат вистината, праведноста и еднаквоста“, велат од Левица.
Претседателот на Левица, Апасиев, како и носителот Јанчев, во своите говори нагласија дека ова е историски момент пресуден за зачувување на интегритетот на Македонија.
„Постојаниот раст на партијата е доказ дека народот ги препознава АСНОМ-ската идеологија и бескомпромисноста на Левица, како нова идеја чие време допрва доаѓа!“, се додава во соопштението на Левица.
Македонија
Постапката за екстрадиција на Палчо ќе биде спроведена преку МВР, на осомничениот веќе му е определен притвор
Јавното обвинителство на Република Северна Македонија е известено дека Министерството за правда добило официјална информација од Република Турција дека се одобрува екстрадицијата на лице осомничено за две кривични дела грабнување, како и за две убиства на свиреп начин.
Постапката за екстрадиција ќе биде спроведена преку Министерството за внатрешни работи.
По предлог на Основното јавно обвинителство Скопје на осомничениот веќе му е определена мерка притвор која треба да започне да се применува веднаш по неговото испорачување, се додава во соопштението на Јавното обвинителство на Република Северна Македонија.
Македонија
Дозволена екстрадицијата на Љупчо Палевски Палчо
Министерството за правда преку писмено соопштение информираше дека е добиено официјално известување дека екстрадицијата на Љупчо Палевски е дозволена.
Претходно министерот за правда Кренар Лога на социјалните мрежи потврди дека е дозволена екстрадиција на Палевски.
„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“
Љупчо Палевски е осомничен за убиствата на 14-годишната Вања Ѓорчевска и велешанецот Панчо Жежовски.