Свет
ЕУ бара од Македонија објаснување за кредитот на Рамковски
На политичкиот дијалог меѓу Македонија и Европската комисија на дневен ред ќе се најдат вкупно 13 точки
Откако американскиот Фонд за медиуми го информираше Брисел за ажурноста на македонските судови
На политичкиот дијалог меѓу Македонија и Европската комисија на дневен ред ќе се најдат вкупно 13 точки
Европската комисија на претстојниот политички дијалог со претставниците на македонската Влада ќе бара објаснување за блокирањето на судската одлука во врска со кредитот што американскиот Фонд за развој на медиумите (МДЛФ) му го дал на сопственикот на скопската телевизија А1, Велија Рамковски.
Политичкиот дијалог што ќе се одржи во вторник во Брисел е последната официјална средба на македонските претставници со надлежните во Европската комисија во пресрет на добивањето на мислењето од ЕУ на 9 ноември годинава. На политичкиот дијалог меѓу Македонија и Европска комисија на дневен ред ќе се најдат вкупно 13 точки. Во делот посветен на реформи на судството, како потточка е најавена можноста да се дискутира и за кредитот во износ од 1,4 милиони долари што американскиот Фонд за медиуми му го дал на Рамковски уште во 1997 година, а овој до денес не го вратил, односно зошто целиот случај повеќе од пет години се влечка во македонските судови.
Официјално, никој во Владата не сака го коментира прашањето. Портпаролот на Секторот за евроинтеграции, Валентин Нешоски, вели дека не е сигурен дали проблемот со кредитот на А1 ќе се најде на дневен ред на состанокот кој, според познавачите, е клучен во пресрет на конечното изјаснување на Комисијата. Неофицијално, владини извори велат дека од Брисел им било најавено да подготват информации за проблемот со судската разрешница на спорот меѓу МДЛФ и Рамковски, кој веќе пет години се влече во македонските правни лавиринти. Министерството за правда, кое е надлежно да ја подготви информацијата што ќе се најде на маса на разговорите во Брисел, уште на 12 овој месец испратило допис до Основниот суд Скопје 2 во кој барало информација за одолжување на судската одлука, но до вчера оттаму сў уште не добиле одговор. Во Министерството потврдуваат дека барањето до судот било испратено поради претстојните разговори со ЕУ.
Американскиот Фонд за развој на медиумите, во обид да си го наплати долгот од Рамковски, минатиот месец одлучил да се обрати до Европската комисија, односно директно до комесарот за проширување, Оли Рен, како и до Стејт департментот, Светска банка, ММФиnbsp; и други светски институции и да ги информира за проблемот. За неможноста да си ги наплатат парите Американците со писмо ја информирале и македонската Влада и притоа претставниците на МДЛФ порачале дека проблемот ќе има “сериозен негативен ефект врз меѓународната позиција на Македонија”.
Како што веќе пишувавме, станува збор за кредит наменет за подобрување на квалитетот, техничката опременост на телевизијата и набавка на трансмитери, кој МДЛФ го исплатил во 1997 година. Наместо техничко опремување, Рамковски, односно неговата фирма купиле пилешки копани од компанија за извоз на месо од Бостон, САД. На МДЛФ до денес не му била исплатена ниту една рата од кредитот, а поради неажурноста на македонските судови фирмата повеќе од пет години не може да си го наплати долгот. Спорот меѓу А1 и МДЛФ моментално го разгледува Апелациониот суд, а претходно со години беше блокиран во Основниот суд Скопје 2.
иnbsp;Директорот на компанијата, Кенет Андерсен, во писмото уште пишува и дека оваа фондација инвестирала повеќе од 42 милиони долари за развој на медиумите на четири различни континенти. Од 1997 досега во регионот на Југоисточна Европа, МДЛФ издвоила повеќе од 12 милиони долари за развој на медиумите, но Македонија не добила ништо од таа сума поради проблемите со спомнатиот кредит.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Големи протести во Франција: судири меѓу учесниците и полицијата
Околу 3.000 луѓе ги започнаа денешните големи протести во Франција. Полицијата веќе уапси околу 200 учесници во насилните демонстрации.
Средношколци исто така се придружија на протестите, блокирајќи го пристапот до образовните институции, според француските медиуми.
Déjà des images terribles de chaos.
L’ultra-gauche transforme la rue en terrain de bordelisation.
Le mouvement #NicolasQuiPaie a été phagocyté.#10septembre2025 n’a rien à voir avec les #GiletsJaunes :
la France des ronds-points, des oubliés, réveillés face au mépris politique,… pic.twitter.com/aot1YVMiYV— Naïma M'Faddel (@naimamfaddel) September 10, 2025
Исто така, полицијата спроведува операции за деблокирање на главните патишта, железничките и автобуските станици и кружните текови, изјави денес францускиот министер за внатрешни работи во заминување, Бруно Ретажо.
Според него, станува збор за мобилни мали групи, често маскирани, со качулки и облечени во црно, во кои всушност можат да се препознаат ултралевичарски движења.
🇫🇷 Radical far-left extremists launch major riots across France. pic.twitter.com/7ocG4R2pLB
— Visegrád 24 (@visegrad24) September 10, 2025
„Веќе има насилни акции“, додаде Ретажо.
Протести се одржуваат од раните утрински часови денес на околу 80 локации во Франција, а полицијата објави дека „користела ресурси за растерување на непријателски демонстранти кои го блокирале сообраќајот“.
Според последните информации од француската жандармерија, повеќе од 3.000 демонстранти се на улиците на Франција, а 10 патишта се блокирани.
Протестите се многу интензивни во градот Рено, каде што сообраќајот на кружниот пат беше блокиран од демонстрантите, објавија локалните власти.
Исто така, според соопштението, имало конфликт меѓу демонстрантите и полицијата.
Според неколку локални медиуми, автобус се запалил во близина на Порт д’Алма, а се собрале околу 300 демонстранти.
Неколку големи групи демонстранти се собрале во Лион, каде што околу 100 луѓе го блокирале кружниот тек Фејсин откако блокирале близок пат, пренесува BFM.
Портпаролот на Националната жандармерија, Ерван Коифард, изјави дека тензиите се поголеми на западот од земјата и дека „значајни акции“ се спроведени во регионот Бретања.
„Тие се движат од оштетување на камери за брзина, до проверка и блокирање на операциите. Ако станува збор за проверка, ние даваме приоритет на дијалогот, ако станува збор за блокирање, ќе продолжиме со деблокирање“, рече тој.
Фото: принтскрин
Свет
Песков: ЕУ и НАТО ја обвинуваат Русија секој ден без докази
Портпаролот на руското претседателство, Дмитриј Песков, денес изјави дека раководството на ЕУ и НАТО секојдневно ја обвинува Русија за провокации, најчесто без да се обиде да изнесе какви било аргументи.
Песков го кажа ова пред новинарите, одговарајќи на прашање дали НАТО и ЕУ ја обвинуваат Русија за провокации со беспилотни летала во Полска, пренесува РИА Новости.
Полскиот премиер Доналд Туск тврди дека опасните беспилотни летала соборени над Полска биле руски, но, според руската агенција, тој не доставил никакви докази за ова.
Како што изјави за РИА Новости вршителот на должноста руски амбасадор Андреј Ордаш, Полска не доставила докази за наводното руско потекло на беспилотните летала соборени над нејзина територија.
Фото: принтскрин
Свет
Орбан: Штета е што Фон дер Лајен мора да се грижи, листата на недостатоци на ЕУ им е позната на сите
Унгарскиот премиер Виктор Орбан денес изјави дека е штета што претседателката на Европската комисија, Урсула фон дер Лајен, морала да се грижи и да се бори додека ја презентирала состојбата на ЕУ во својот годишен говор до нацијата бидејќи листата на слабости на Унијата им е позната на сите.
„Урсула фон дер Лајен денес ја оценува состојбата на Унијата. Штета е што мора да се грижи“, напиша Орбан на својата страница на социјалните мрежи, објавува унгарски „Немзет“.
Тој додаде дека листата на недостатоци им е позната на сите – бавна економија, влошување на конкурентноста, миграциска криза и насилство, изгубена војна, бесмислена зелена политика.
„Народите на Европа се презаситени од ова. Затоа патриотските сили стануваат посилни во цела Европа. Затоа француската влада постојано пропаѓа, затоа Навроцки победи во Полска и затоа Андреј Бабиш ќе победи во Чешка“, напиша Орбан на „Фејсбук“ со забелешка дека „срамно е што Урсула фон дер Лајен мора да страда“, пренесува „Танјуг“.
Денес, претседателката на Европската комисија, Урсула фон дер Лајен, го одржа својот годишен говор до нацијата во Европскиот парламент, прв во нејзиниот втор мандат, и изјави дека само обединета и повторно обединета Европа може да биде независна Европа, дека поголема и посилна Унија е гаранција за безбедноста на сите и дека иднината на Западен Балкан, Украина и на Молдавија е во ЕУ.
Фото: принтскрин
Мицкоски: За прв пат на месечно ниво имаме базична инфлација во негатива
„Тоа е месечната ставка, вклучително и годишната ставка ако се гледа споредено со јули имаме намалување од 4,9 на 4,4...
(Видео) Зошто бил сменет шефот на внатрешната контрола, дали полиграфистот си дал отказ: Петровска побара декласификација од АНБ
Не знам дали Агенцијата за национална безбедност ќе има слух да изврши декласификација или делумна декласификација сѐ во интерес да можеме...
Со 2,5 милиона денари интервентно ќе се заштитува „Македониумот“, а странски експерти ќе работат на трајна заштита
Споменикот „Македониум“ над Крушево до крајот на оваа година ќе биде итно заштитен од пропаѓање, а за в година Владата...
Али и Мали, Мицкоски подолг период го моли „превоспитаниот” Ахмети да влезе во Владата, вели Жерновски
ВМРО- ДПМНЕ дојде на власт врз основа на две ветувања. Прво, дека ќе го поништи “штетниот” Преспански договор, со што...
Фон дер Лајен: Европа ќе го брани секој квадратен сантиметар од својата територија
Претседателката на Европската комисија (ЕК), Урсула фон дер Лајен, го одржа своето традиционално обраќање за состојбата на Европската Унија пред...
ЛДП: Новите регистарски таблички за службените возила ќе значат крај на злоупотребите
По иницијативата за намалување на банкарските трошоци, уште еден предлог на Либерално-демократската партија (ЛДП) добива реализација, службените возила добиваат посебни...
Дали Македонија станува третата српска република, прашуваат од ДУИ
Демократската унија за интеграција е загрижена и алармира до јавноста дека Северна Македонија се соочува со отворена офанзива на злогласниот...
Завршена полската воена операција
Полската војска ја заврши својата воена операција откога собори беспилотни летала што влегоа во полскиот воздушен простор во текот на...
(Видео) Трамп прашан за дроновите во Полска додека излегуваше од ресторан, не одговори
Полската војска рано утрово објави дека соборила беспилотни летала што го нарушиле нејзиниот воздушен простор за време на рускиот напад...
Украина предлага нов пристап по упадот на дроновите во Полска: „Путин продолжува да ескалира, да ја проширува својата војна и да го тестира Западот“
Упадот на руски беспилотни летала во полскиот воздушен простор покажува дека „чувството на неказнивост на Путин продолжува да расте“, предупреди...
Катарскиот премиер: Преговорите со Израел во моментот нема да дадат плод
Премиерот на Катар, шеикот Мохамед бин Абдулрахман ал-Тани, вчера изјави дека напорите за медијација се дел од идентитетот на Катар...
(Видео) Полската војска за руските дронови: Тоа е чин на агресија
Полскиот воздушен простор беше повеќе пати нарушен од руски беспилотни летала за време на синоќешниот напад врз Украина, потврди Оперативната...
(Видео) Пристигнуваат снимки од Полска: „На ‘Флајтрадар’ можеше да се види сè во реално време“
Полската војска рано утрово соопшти дека соборила беспилотни летала што го нарушиле нејзиниот воздушен простор за време на рускиот напад...
Туск: Операцијата е во тек
Полскиот премиер Доналд Туск потврди дека е во тек операција „поврзана со повеќекратни нарушувања на полскиот воздушен простор“. Во објава...
Дронови влегоа во полскиот воздушен простор, Полјаците ги соборија
Полската војска рано утрово соопшти дека соборила беспилотни летала што го нарушиле нејзиниот воздушен простор за време на рускиот напад...
Постои сомнеж дека пожарот во Дрисла е подметнат
Скопската противпожарна бригада со сити сили се обидува да го локализира пожарот во депонијата Дрисла. Направен е противпожарен појас за...
Пожар на депонијата Дрисла, Ангелов смирува дека не е алармантно, но е сложено поради хемиските процеси
Пожар избувна на депонијата Дрисла. Директорот на Дирекцијата за заштита и спасување, Стојанче Ангелов, рече дека пожарот не е алармантен,...
(Видео) Филипче во Франција: Резолуцијата е гаранција за заштита на националните интереси
Македонија мора да продолжи по европскиот пат, активно, со резултати и визија, порача претседателот на Социјалдемократскиот сојуз на Македонија, Венко...
Нема казни за институциите што до 29 септември нема да стават црвени таблички на службените возила, ќе го направат тоа при регистрација
Институциите што до 29 септември нема да ги сменат табличките на службените возила за да се спречат приватни и партиски...
Поскапуваат бензините и дизелот
Од ноќеска на полноќ цените на бензините и на дизелот ќе се зголемат за еден денар, соопшти Регулаторната комисија за...
