Македонија
Ставрески ја претстави завршната сметка од Буџетот
Завршната сметка на Буџетот за 2009 година покажува дека вкупните приходи достигнуваат 128, 4 милијарди денари, а расходите 138,3 милијарди денари, што подразбира дефицит од 2,7 проценти.
Завршната сметка на Буџетот за 2009 година покажува дека вкупните приходи достигнуваат 128, 4 милијарди денари, а расходите 138,3 милијарди денари, што подразбира дефицит од 2,7 проценти.
За министерот за финансии Зоран Ставревски ваквиот буџетски дефицит покажува дека Македонија добро се справи со светската економска криза минатата година, додека пак за опозицијата рецесијата е само оправдување за незаконското и неправилното трошење на државните пари.
„Со оглед на тоа дека светската економија западна во рецесија, нагло се намали побарувачката за извоз и условите за бизнис се влошија. Неминовно беше и тоа да се одрази врз македонското стопанство, кое доста се бореше со светската економска криза„ смета Ставрески.
Според него Македонија е една од ретките земји во Европа каде стапката на невработеност остана на исто ниво како и пред светската рецесија иако тоа останува клучен социјален проблем во земјава.
Ставревски смета дека Владата во целост го реализира планираниот таргет и остана во планираниот буџетски дефицит.
„Постигнато е да се задржи фискалната стабилност на државата во услови на големи потреси, значајно е барем еден сегмент од економијата да биде стабилен. И во тој дел на остварување на низок буџетски дефицит е добар сигнал за стопанството дека Владата цврсто ја држи контролата врз јавната потрошувачка“ – смета Ставрески.
Тој вели дека Македонија остварила лани многу подобри резултати од речиси сите Европски држави, во однос на буџетскиот дефицит.
„Во Европа има само една земја која имаше помал буџетски дефицит од нас сите други имаат трговски дефицит над три проценти и тоа покажува дека Македонија со вкупното салдо останува во зоната на низок трговски дефицит при што обезбедува фискална стабилност“ смета Ставрески.
Според него, реализацијата на буџетот се одвиваше согласно планираната динамика. Финансирањето беше обезбедено со задолжување со кредит од Светската банка и еврообврзницата, како и преку домашно задолжување.
Во рамки на вкупните приходи, даночните приходи беа реализирани во износ од 71, 2 милијарда денари, што претставува 97 проценти од планот.
Даноците бележат подобра реализација од два проценти, што според министерот за финансии се должи на реформите што беа преземени во делот на интегрираната наплата на придонеси и персонален данок и воведувањето на концептот на бруто плата. За опозицијата, пак токму даноците и новите давачки и казни се единствените приходи во буџетот.
Расправата во Собранието главно се водеше околу ревизорскиот извештај за завршната сметка, особено во извештајот за новите вработувања.Пратениците од опозицијата побараа од министерот Ставревски да каже колку точно согласности дал за нови вработувања минатата година, што според министерот Ставревски таа бројка изнесува 4 900 лица со привремен договор.
Според пратеникот Јован Манасиевски од ЛДП лани е постигнат најнизок степен реализација за капитални расходи.
Маријанчо Николовски од СДСМ смета дека во Македонија никогаш не владеела поголема сиромаштија, а сивата економија се уште цвета.крај/кс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски најави нова обиколница во Штип следната година
Премиерот Христијан Мицкоски најави нова обиколница во Штип следната година.
„Обиколницата е проект којшто во оваа фаза ќе биде со вредност нешто помала од 2 милиони евра, но затоа на почетокот од следната година повторно планираме сериозни инвестиции во општините и повторно ќе има јавен повик преку Министерството за локална самоуправа и тука очекувам дополнителни проекти за штипјани, коишто ќе произлезат од страна на Општината, а знам дека и градоначалникот и советниците и администрацијата и пратениците од овде од Штип работат многу, работат заеднички и знам дека такви проекти веќе се подготвени и чекаат практично на реализација“, рече Мицкоски.
Премиерот денеска присуствуваше на Пастрмајлијадата во Штип. Истакна дека се очекува голема потрошувачка на штипскиот специјалитет, а граѓаните да си поминат убаво. Сите оние коишто овој викенд имаат дилема како да го поминат, Мицкоски ги покани во Штип на уживање во штипскиот специјалитет и убава музика.
Македонија
(Видео) Мицкоски: Да не влегуваме во замката на бугарската предизборна кампања
Потпретседателот Александар Николоски даде одговор на тезата на Борисов, јас немам што повеќе да додадам, кажа премиерот Христијан Мицкоски од Штип во одговор на новинарското прашање како го коментира барањето на Борисов за оставка на министерот Николоски.
„Ќе треба да си го гледаме нашиот интерес како држава, да не влегуваме во замката на нивната предизборна кампања и реториката која што е дел од предизборната кампања во Бугарија. Жалам што во отсуство на сериозна визија, проекти, стратегија и политики, главна тема во Бугарија сакаат да биде Македонија и македонското прашање, но тоа е нивен избор, не е наш избор“, рече Мицкоски.
Тој им посака успешна кампања и избор на стабилна влада.
„Конечно по седми пат да изберат стабилна политичка влада со која што ние како македонска влада ќе можеме да градиме вистински добрососедски односни и заеднички да чекориме кон патот на целосна интеграција на нашата земја во рамките на ЕУ. Тоа се очекува од добри соседи и затоа постои договор кој што е наречен добрососедски договор“, додаде премиерот.
Македонија
(Видео) Мицкоски за барањето на Ковачев ВМРО-ДПМНЕ да се исклучи од ЕНП: Тоа би била добра првоаприлска шега
Премиерот Христијан Мицкоски денеска од Штип го искоментира барањето на европратеникот од ГЕРБ, Андреј Ковачев да се исклучи партијата ВМРО-ДПМНЕ од Европската народна партија.
„Не е април. Тоа би била добра првоаприлска шега“, рече Мицкоски.
Европратеникот од ГЕРБ, Андреј Ковачев за БНТ изјави дека ја информирале „Европската народна партија за однесувањето на ВМРО-ДПМНЕ“ и ќе побараат да се иницира процедура за исклучување на таа партија од ЕНП.