Свет
Приватните ординации и болници ја крадат државата
Приватните здравствени организации кријат дека прават добивка од здравствените услуги и со тоа ја крадат државата. Во ниту една приватна ординација или болница во земјава за направените здравствени услуги на пациентите не им се издава фискална сметка.
Приватните здравствени организации кријат дека прават добивка од здравствените услуги и со тоа ја крадат државата. Во ниту една приватна ординација или болница во земјава за направените здравствени услуги на пациентите не им се издава фискална сметка. На овој начин државата нема увид во прометот и добивката што ја остваруваат приватните лекари и директно ја оштетуваат државната каса. Ништо подобри не се ни државните медицински установи. И кај нив за прегледите за кои се плаќа од сопствен џеб на болните не им се издава сметка со која би се водела евиденција за направениот профит.
Со оглед на тоа дека нема здравствена услуга која е поевтина од 1.000 денари, се проценува дека со неплаќање на данокот државата губи десетици милиони евра.
Но, државата по сж изгледа дека многу не се потресува за данокот од добивка по приватните ординации и болници. Во Управата за јавни приходи не сакаа да кажат дали и колку приватните здравствени организации плаќаат данок, зашто тие им гарантираат дискреција за прометот и профитот. Од Управата на Клиничкиот центар, пак, објаснуваат дека како државна институција здравствените услуги не подлежат на даночна обврска и затоа не се издава фискална сметка.
Во земјава, според податоците на Министерството за здравство, регистрирани се пет приватни болници и околу 1.000 ординации и друг вид приватни здравствени организации. Во ниедна од нив, барем според кажувањата на пациентите, за наплатената здравствена услуга не им се дава фискална сметка. „Каква фискална сметка. Добро е ако ни дадат и обична сметка или парагон-блокче", е најчестиот коментар на пациентите, кои многу не сакаат да зборуваат на оваа тема зашто, велат, дека кога човек има мака и кога станува збор за здравјето, не се гледа колку пари се даваат, па уште помалку дали лекарот им дал фискална сметка или не. Но, ако пациентите не ги интересира дали лекарот ч плаќа данок на државата за направениот профит, тогаш постојат државни институции кои треба да водат сметка за тоа дали се почитува даночната обврска.
А Управата за јавни приходи, која во овој случај е најповикана, остана без коментар и за тоа дали врши контрола во приватните здравствени организации дали имаат фискални каси. Според толкувањето од здравствениот сектор, здравствените услуги се ослободени од ДДВ и од данок на промет, но не се ослободени од данок на добивка кој лекарите треба да го пријавуваат на крајот на годината. Токму затоа, според даночната регулатива, приватните здравствени организации треба да поседуваат и фискални каси.
А цената на еден преглед или медицинска интервенција во приватните здравствени ординации не се воопшто мали и тие се движат од 500 денари до 1.000 и повеќе евра. Обичен преглед кај општ лекар или специјалист чини од 500 до 1.000 денари. Ехопрегледите се наплаќаат од 1.200 за гинеколошки до 5.000 денари за цело тело. Разните снимања, како што е компјутерска томографија, се наплаќа по најмалку 5.000-7.000 денари или за магнетна резонанца и по 18.000 денари. Кога сумите се толку големи не е можно да нема добивка, реагираат малостопанствениците кои прашуваат зошто ординациите кои се ослободени од другите даноци да бидат привилегирани и да не го плаќаат барем тоа што им е обврска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Руте: „НАТО не вети дека членството на Украина ќе биде загарантирано“
Генералниот секретар на НАТО, Марк Руте, денес изјави дека Алијансата не ветила дека членството на Украина во таа организација ќе биде загарантирано со мировен договор со Русија.
„Сите во НАТО се согласија дека патот на Украина кон НАТО ќе биде неповратен. Но, никогаш не се согласивме дека членството на Украина во НАТО ќе биде загарантирано во рамките на мировниот договор. Но, на долг рок, НАТО изјави дека ќе постои оваа перспектива за членство во НАТО. Ова е на долг рок, а не за мировните преговори што се во тек“, нагласи Руте.
Претходно, германскиот канцелар Фридрих Мерц изјави дека Украина треба да биде суверена држава кога станува збор за донесување одлуки за политички и воени сојузи, како и дека земјата треба да се приклучи на ЕУ, пренесува „Униан“.
Тој процени дека пристапувањето на Украина во ЕУ ќе се случи пред членството во НАТО.
Свет
Фицо до Калас: Немате овластување да ја критикувате мојата посета на Москва
Словачкиот премиер Роберт Фицо денес ѝ порача на високата претставничка на ЕУ за надворешна политика и безбедност, Каја Калас, дека таа нема овластување да ја критикува неговата посета на Москва по повод Денот на победата.
„Како висок функционер на Европската комисија, немате апсолутно никаква надлежност да критикувате суверен премиер на суверена земја кој има конструктивен пристап кон целата европска агенда“, напиша Фицо на својата Фејсбук страница.
Тој потсети дека повеќе од 60.000 војници на Црвената армија загинале за време на ослободувањето на Словачка и истакна дека дошол во Москва за да им оддаде почит.
„Драга Каја, уште еднаш ги забележав вашите изјави упатени до мене во врска со денешната посета на Москва и најавената средба не само со претседателот на Русија Владимир Путин. Јасно е дека не сум на вистинската страна на историјата или други такви длабоки геополитички размислувања“, рече Фицо.
„Прво на сите, дојдов во Москва за да им оддадам почит на повеќе од 60.000 војници на Црвената армија кои загинаа ослободувајќи ја Словачка. Не ми е јасно каква врска имаат овие храбри луѓе со моменталната меѓународна ситуација“, рече премиерот на Словачка.
Тој праша како можат да функционираат дипломатијата и надворешната политика ако политичарите не треба да се среќаваат и да водат нормален дијалог за прашања за кои имаат различни мислења.
„Не се согласувам со политиката на новата железна завеса, на која толку напорно работите“, заклучи Фицо, обраќајќи и се на Калас.
Каја Калас претходно го критикуваше Фицо за присуството на Парадата на победата во Москва во чест на 80-годишнината од победата над фашизмот, тврдејќи дека словачкиот премиер е „на погрешната страна од историјата“, пренесува Танјуг.
Свет
(Видео) Силно невреме ја погоди Валенсија: улиците се претворија во реки, автомобилите затрупани од град
Силно невреме вчера го погоди шпанскиот регион Валенсија, претворајќи ги улиците во реки и покривајќи ги автомобилите со слоеви град. Градовите низ регионот беа погодени од ненадејни поројни дождови и град што го запре сообраќајот и ги принуди луѓето да бараат засолниште.
Heavy rains accompanied by hailstorm in Villar del Arzobispo of Valencia province, Spain 🇪🇸 (08.05.2025) pic.twitter.com/5XUhA2czoB
— Disaster News (@Top_Disaster) May 8, 2025
Драматичните снимки од социјалните медиуми покажуваат град и пороен дожд како носат сè на својот пат.
Улиците се претворија во потоци или реки, додека автомобилите останаа закопани под градот, а тротоарите изгледаа како да се покриени со снег. Повеќето луѓе останаа во затворен простор, додека на патиштата останаа само заглавени автомобили и купишта град.
Најпогодени места беа Гвадасекиес, Каљес, Вилар дел Арзобиспо и л’Олерија, каде што слоевите град беа толку дебели што делумно ги покрија возилата. Околу 1.000 лица од службите за итни случаи се вклучени во интервенцијата, отстранувајќи ги штетите и расчистувајќи ги патиштата.
Валенсија, добро познат туристички регион каде што вообичаено се очекува топло време во ова време од годината, сè уште се справува со последиците од претходните временски екстреми – околу 2.000 луѓе сè уште беа раселени од бурата на крајот на 2024 година.
Во октомври 2024 година, Валенсија беше погодена од разорна бура што предизвика катастрофални поплави и одзеде 228 животи. Тоа беше една од најсмртоносните природни катастрофи во поновата историја на Шпанија, а нејзините последици се почувствуваа месеци подоцна, со илјадници раселени лица и голема материјална штета.
Кон крајот на април, Шпанија и Португалија беа погодени од голем прекин на електричната енергија, што доведе до застој во сообраќајот, болниците и аеродромите.
Полскиот премиер: „Срамно е да се биде на парада во Москва и да му се аплаудира на Путин“
Полскиот премиер Доналд Туск изјави дека сите што присуствувале на воената парада во Москва на Денот на победата се посрамотија....
Измами со превозот на ученици – пријава против ексдиректорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука,...
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и...
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
Време е да сфатиме дека „Генералка викенд“ треба да прерасне во генералка 365 дена, вели претседателката Сиљановска-Давкова
Просторот околу скопскиот акведукт, кој со децении е депонија, треба да прерасне во парк, заклучија утрово претседателката Гордана Сиљановска-Давкова, министерот...
(Видео) Убиецот имал четворица помагачи, сите се oд Турција и се приведени
Четворица помагачи имал убиецот кој пукаше во кафуле во Штип. МВР соопшти дека било пукано кон Е.О.(25) од Република Турција, по...
Уапсен убиецот што вчера пукаше во Штип
Основното јавно обвинителство Штип е известено од МВР дека лицето по кое се трагаше во врска со вчерашниот оружен инцидент...
„Влен“: 9 и 10 мај – црни денови во Куманово, албанските куќи гореа додека министрите на ДУИ се чешлаа
„Во темната колективна меморија на Албанците во Северна Македонија, 9 и 10 мај 2015 година ќе останат засекогаш како денови...
Извршен увид по пукањето во Штип: убиениот и напаѓачот се странски државјани
Јавен обвинител од Основното јавно обвинителство Штип ноќеска вршеше увид на локација во кафе бар каде едно лице беше лишено...
Британскиот премиер: Ќе направиме сè за да ја уништиме операцијата на руската флота во сенка
Велика Британија објави дека ќе санкционира до 100 танкери за нафта од таканаречената руска флота во сенка, со цел да...
Џеј-Ди Венс: Војната меѓу Индија и Пакистан не е наша работа
Американскиот потпретседател Џеј Ди Венс изјави дека Индија и Пакистан треба да ги деескалираат тензиите, но додаде дека САД не...
Американци: Вистина е, Пакистан собори индиски „рафал“ со авион од кинеско производство
Борбен авион Ј-10 од кинеско производство, кој им припаѓал на пакистанските воздухопловни сили, собори најмалку два индиски воени авиони, потврдија...
Пукање во Штип, едно лице повредено
Едно лице е повредено во пукање што се случило вчера вечер во кафуле на градскиот плоштад „Слобода“ во Штип. Според...
(Видео) Папата Лав 14 го одржа првиот говор: „Бог нè сака сите, безусловно“
Новиот поглавар на Католичката црква, папата Лав 14, вечерва се појави на главниот балкон на базиликата „Свети Петар“ и го...
Набавена медицинска опрема вредна 13 милиони евра никогаш не е ставена во употреба
Медицинска опрема вредна 13 милиони евра не е ставена во употреба во медицинските установи, утврди Државниот завод за ревизија. Тоа најмногу...
Порака на Гаши од Рим: Без интеграција во ЕУ на Балканот, ризикуваме создавање на географски вакуум
Претседателот на Собранието, Африм Гаши и делегацијата во посета на Италиjа имаше средба со сенаторката Ема Паванели, која е и...
По десет години затвор за сопственикот и одговорниот во „Дурмо турс“: Апелација им ги зголеми казните на дел од обвинетите за несреќата кај Ласкарци
Апелациониот суд Скопје информира дека зголеми дел од казните на обвинетите за несреќата кај Ласкарци, која ја предизвика неисправниот автобус...
Дете натепано од соученик во Ѓорче, насилството снимано со телефон и објавено на социјална мрежа
Случај со малолетничко насилство во Скопје заврши во рацете на полицијата. Според пријавеното во МВР, пред два дена, на 6...
Коцевски тврди дека истрагата за Кочани не е селективна, а можно е да биде проширена
Jавниот обвинител Љупчо Коцевски тврди дека нема никаква селективност во истрагата што се води за трагедијата во дискотеката „Пулс“ во...
