Свет
Уапсен еден од најголемите мексикански дилери на дрога
Мексиканските власти го уапсија озлогласениот шверцер на дрога наречен „Тигарот“, за кого велат дека пренесувал по половина тон дрога во САД секој месец и кој се подготвувал да го замени убиениот „капо“ на нарко-картелот „Синалуа“, јавува Assocaited Press
Маргарито Сото Рејес бил уапсен заедно си уште осум соработници во близина на градот Гвадалахара на запад на земјата, но полицијата не даде детаљи под какви околности бил уапсен 44-годишниот шверцер. Според полицијата, Сото Рејес тргувал и со синтетичка дрога по рутите кои ги воспоставил поранешниот лидер на „Синалуа“ Игнацио „Начо“ Коронел, кој во јули беше убиен при една престрелка со мексиканската армија. Полицијата при рацијата запленила дрога, оружје и пари. Меѓу уапсените бил човекот кој се претставувал како ветеринар за да набави хемикалии за прокурсори, потребни за изработка на синтетичките дроги како што е метаамфетаминот, како и две жени кои раководеле со лабораторијата. Полицијата соопшти и дека денеска во сојузната држава Чихуахуа, на северот на земјата, пронашла и тела на шестмина мажи, оставени џип покрај пат во една напуштена област. На сите м било стрелано во главата. Исто така, во пограничниот град Сиудад Хуарез од возило во движење на улица било исфрлено тело на мртов маж. Во градот Монтереј, пак, војниците од блиската база се нашле под оган кога отишле да проверат дојава дека еден ранч во близина бил окупирани од нарко-банда. Војниците возвратиле на оганот, при што убиле двајца од бандата, а потоа заплениле 12 пушки и преку 2.000 куршуми.Нарко-бандите честопати окупираат ранчеви во државите Нуево Леон и Тамаулипас на северот на земјата и потоа ги користат како тренинг-центри и прибежишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.