Свет
Убиството на ал-Мабух раскара неколку држави
Дипломатскиот бес околу убиството на командантот на Хамас во хотел во Дубаи стигна и до Австралија, денеска, откако израелскиот амбасадор објави дека убијците користеле фалсификувани австралиски пасоши
Надлежните во Дубаи идентификуваа 26 осомичени за учество во убистовото на Махмуд ал-Мабух, од кои тројца користеле лажни австралиски пасоши. „Секоја земја што е вмешана во злоупотреба на австралискиот пасошки систем, и на тој начин придонесла за извршување убиство, се заканува да ја презира Австралија и ќе има соодветен одговор од австралиската влада“, вели премиерот на Австралија, Кевин Руд, без објаснување.Мабух беше убиен минатиот месец во неговата хотелска соба за што полицијата во Дубаи рече дека речиси се сигурни дека нападот го извршила разузнавачката служба на Израел, Мосад.Полицијата на Дубаи додаде нови 15 имиња, во средата, на листата на осомничени за убиството. Шестмина од нив имале британски пасоши, по тројца австралиски, ирски и француски, соопштуваат надлежните во Дубаи.Меѓу останатите осомничени 11 мина патувале со лажни британски, ирски, француски и гермаски пасоши за да го убијат мабух. Шестмина од нив се британци кои живеат во Израел и негираат каква било вмешаност во убиството, а тврдат дека идентитетите им се украдени.„Истрагата во Дубаи не ја исклучува можноста за вмешаност и на други лица во случајот“, се вели во изјавата на надлежните на Дубаи.Австралиската влада остро реагира н употребата на австралиски пасоши на луѓето кои може да се вмешани во убиството, па на Израел му е јасно ставно до знаење дека доколку истрагата покаже дека злоупотребата на нивните пасоши, на некој начин е спонзорирано од израелските надлежни, одговорот нема да биде пријателски. И другите земји, чии пасоши се појавуваат кај осомничените ги повикале на разговор амбасадорите од Израел во нивните земји.Според австралискиот премиер Руд, фалсификуваните пасоши се причин за длабока загриженост и го става под знак прашалник интегритетот на целокупниот пасошки систем, акко во Австралија, така и секаде во светот. Израел ниту ја потврдува, ниту ја негира вмешаноста, но нивниот министер за надворешни работи вели дека тоа не може да се поврзи со убиството. САД, молчат по ова прашање. Изралскиот амбасадор во САД, Мајкл Орен, вели дека ни една друга земја, освен Дубаи не го обвинила Израел за вмешаност. „Јас лично, не знам ништо за тоа“, вели Орен за Ројтерс. Мабух, роден во појасот Газа, живеел во Сирија од 1989 година и израелските и палестинските извори велат дела играл улога на шверцер на иранско оружје за милитантите во Газа. Хамас, исто така, вели дека тој бил мозокот во заробувањето и убиството на двајца израелски војници за време на палестинската револуција во осумдесетите.Според полицијата во Дубаи, осомничените за убиството пристигнале од Париз, Рим, Милано и од Хонг Конг, а по убиството се рсштркале по светот. Двајца од нив заминале за Иран со брод.Убиството на Мабух е едно од трите убиства на важни лица во последните две години во Дубаи, еден од седумте емирати на Обединетите Арапски Емирати, каде насилството е реткост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали од пропаднатиот мировен договор меѓу Русија и Украина: „Киев да гарантира трајна неутралност, а Москва да не напаѓа“
Русија и Украина беа блиску до постигнување мировен договор во пролетта 2022 година, според кој Киев бил подготвен да се посвети на неутралност, пренесува „Велт“ повикувајќи се на нацрт-договорот.
Повикувајќи се на документ од 17 страници од 15 април 2022 година, германскиот весник наведува дека Москва и Киев постигнале начелен договор и дека преостанатите разлики ќе бидат „измазнети“ на самитот меѓу претседателите на Русија и Украина, Владимир Путин и Володимир Зеленски.
Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји.
За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки.
„Велт“ наведува и дека договорот го исклучил рускиот полуостров Крим, како и делови од Донбас од какви било безбедносни гаранции дадени на Украина.
Сепак, не е јасно кои делови на Донбас беа опфатени со клаузулата. Весникот наведува дека иако Русија сакала да се утврдат точните граници на самитот Путин-Зеленски, Киев одбил, инсистирајќи дека тие се засновани на украинско толкување.
Во исто време, Москва наводно сигнализирала дека е подготвена да ги повлече своите војници од украинска територија, но не и од Крим и Донбас. И тоа требаше да разговараат Путин и Зеленски.
Двете страни, исто така, наводно имале големи несогласувања околу големината на украинската војска, бидејќи Киев сакал да задржи многу повеќе војници отколку што Москва била подготвена да дозволи.
„Велт“ објави дека Москва бара рускиот да стане втор официјален јазик во Украина. Русија, наводно, побарала укинување на сите меѓусебни санкции и отфрлање на тужбите, истовремено повикувајќи го Киев да го забрани нацизмот и „агресивниот национализам“. Украина ги одби тие барања, пишува весникот.
Коментирајќи го сега пропаднатиот договор, еден украински преговарач за „Велт“ изјави: „Тоа беше најдобриот договор што можевме да го постигнеме“. Преговарачот исто така изјави дека Киев бил во посилна преговарачка позиција во 2022 година отколку сега.
Руските власти претходно потврдија дека Украина и Русија се блиску до мировен договор, но тврдеа дека напредокот е закочен од тогашниот британски премиер Борис Џонсон, кој наводно го советувал Киев да продолжи со борбите. Џонсон ги отфрли обвинувањата.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.