Пред да биде убиен во акцијата на американските маринци во мај 2011 година, тогашниот лидер на глобалната терористичка организација Ал Каеда, Осама бин Ладен наредил терористички напад во кој ќе биде убиен американскиот претседател Барак Обама.

Пред да биде убиен во акцијата на американските маринци во мај 2011 година, тогашниот лидер на глобалната терористичка организација Ал Каеда, Осама бин Ладен наредил терористички напад во кој ќе биде убиен американскиот претседател Барак Обама.

Осама бин Ладен наредил на својата терористичка мрежа да организира посебни терористички ќелии во Авганистан и во Пакистан со задача да го урнат авионот на американскиот претседател Барак Обама и на генералот Дејвид Петраус,тогашниот командант на американските сили во Авганистан, сметајќи дека тоа ќе предизвика криза во самите САД, пишува во петокот весникот The Washington Post.

Според весникот на угледниот вашингтонски весник, кој се повикува на документацијата на Ал Каеда запленета во акцијата за ликвидација на бин Ладен, со убиството на Обама, автоматски должноста американски претседател би минала на потпретседателот Џозеф Бајден, којшто како што му рекол лидерот на Ал Каеда на еден од неговите терористички команданти, „целосно е неподготвен за таа функција“.

„Што се однесува до Петраус, тој е човек на моментот… и неговата ликвидација би го изменила текот на војната“, оценил тогаш бин Ладен, кој се надевал дека нападите врз Обама и Петраус би можеле да ги изврши пакистанскиот исламистички бунтовник и терорист Иљас Кашмири.

Еден месец по ликвидацијата на бин Ладен, во напад на беспилотно летало на САД во Пакистан беше убиен и самиот Кашмири.

Претставници на американската администрација тврдат дека заговорот за атентат врз претседателот Обама и генералот Петраус никогаш не претставувале сериозна закана/ Заговорот, како што оценуваат американските аналитичари за весникот, била повеќе самофалење отколку што и да е друго сериозно, бидејќи на Ал Каеда и’ недостига оружје за уривање на најбезбедниот авион во светот, но е морничав потсетник дека бин Ладен со ослабени моќи на неговата организација и во бегство, се уште размислувал да изведе уште еден масивен напад врз САД.

Лидерот на меѓународната терористичка мрежа Ал Каеда беше ликвидиран во ноќта на 2 мај од страна на американските командоси кои упаднаа во неговата утврдена куќа во градот Аботабад, шеесетина километри од пакистанската престолнина Исламабад. Телото на дотогаш најбараниот терорист на светот беше погребано со муслимански верски обреди во Арапското Море морето истиот ден.

Меѓутоа, на почетокот од март интернет ресурсот WikiLeaks објави наводно доверливи дописи во кои се открива дека телото на некогаш најбараниот терорист било префрлено е прво на институтот за патологија на американските воени сили во Бетезди во државата Мериленд, а потоа во Довер во државата Делавер.

Ресурсот објави мејлови кои Фред Бартон, потпретседателот на институтот за стратешки истражувања Stratfort ги испратил ден по убиството на бин Ладен во Пакистан, истиот ден кога беше објавено дека терористот е погребан со муслимански обичаи во море на непозната локација.

Од неговите пораки што ги разменил со централата и директорот на Стратфор, Џорџ Фридман се гледа дека Американците веднаш откако го убиле бин Ладен ги информирале пакистанските власти и дека го зеле неговото тело.

При пребарување на куќата во која престојувал бин Ладен со двете негови жени и неколкуте деца, беа пронајдени компјутери и разни датотеки на бин Ладен и неговите приврзаници, а беше запленет и со рака пишуваниот личен дневник на водачот на Ал Каеда./крај/мф/сн