Црвенковски е клучен играч од македонската независност и ќе продолжи да биде значајна сила во македонската политика. Тој е единствена шанса за СДСМ да се врати на власт. Ако СДСМ се издигне од пепелта, ние очекуваме евроатланската интеграција да остане во фокусот на партијата.

Црвенковски е клучен играч од македонската независност и ќе продолжи да биде значајна сила во македонската политика. Тој е единствена шанса за СДСМ да се врати на власт. Ако СДСМ се издигне од пепелта, ние очекуваме евроатланската интеграција да остане во фокусот на партијата.

Ова го напишал екс американскиот амбасадор Филип Рикер во земјава во 2009 година, сега висок функционер во Стејт Департментот во документот кој го објави Викиликс.

Тој додава дека пристапот на Црвенковски кон Грција и спорот со името е стратешки поразбирлив и помалку провокативен од оној на ВМРО-ДПМНЕ.

Во мај 2009 та, по завршување на претседателскиот мандат на Црвенковски, Филип Рикер испратил доверлив документ во Стејт Департмент, во кој го анализира неговото владеење, но дава и лични квалификации за македонските политичари .

„Амбасадата имаше одлични односи со Црвенковски, кој генерално се докажа како поразумен и пософистициран од Груевски, особено во однос на стратешко размислување за надворешните работи“, напишал Рикер.

Неговиот впечаток, како што се наведува во депешата, е дека за целиот свој мандат Црвенковски му бил трн во око на Груевски и наместо да работат на унапредување на целите на Македонија, двајцата политичари, како што пишува, меѓусебно се докажувале.

Во врска со ставовите за спорот со името, Рикер анализирал дека Црвенковски имал постратешки пристап од Груевски.

„Претседателот Црвенковски генерално има постратешки пристап од Премиерот Груевски, слушајќи го нашиот совет и охрабрувајќи го Груевски да не кажува НЕ на предлозите на Нимиц, дури и на оние најлошите“, пишува Рикер.

За претседателот Ѓорѓе Иванов, по неговиот избор, вели дека е без политичко искуство и харизма.

„Тој е академик без познавање на надворешните работи. Пред изборите многу ретко се среќаваше со претставници од меѓународната зедница, и тоа без да го земе со себе вицепремиерот и негов поранешен студент Ивица Боцевски. Со Иванов не можеше да се разговара за ништо суштинско и само кимаше со главата кога Амбасадорот му сугерираше да се посвети и на оние кои не гласале за него, за етничките Албанци и да ги вклучи и нив во неговиот кабинет. Иванов не е способен да ги остави оние импресии како Црвенковски кој е искусен политичар и има смисла за начинот на кој светот функционира“, вели Рикер./крај/бд