Македонија
Полицаец пукал во крадци зошто не застанале на неговите предупредувања
Пукање во центарот на Велес. Синоќа околу еден часот по полноќ три засега непознати и маскирани лица извршиле грабеж во продавница за компјутери и друга техничка стока. При обидот за кражба тие биле забележани од полициски службеник кој во тој момент не бил на должност туку бил дома, во стан над ограбената продавница..Полицаецот ги видел како украдената стока ја ставаат во багажник од автомобил по што ги предупредил да застанат, но крадците продолжиле и тој испукал неколку куршуми во воздух , а откако се посомневал дека од возилото кон него е вперена пушка стрелал и кон автомобилот.„Полицаецот е на должност 24 часа. Неговата постапка да пука е сосема исправна ,ако се знае дека за ова дело тешка кражба предвидена е поголема затворска казна од четири години„ вели Анита П. Стојановска портпарол во СВР Велес.Крадците се уште се во бегство. Според исказот на полицаецот, кој е очевидец на настанот, тие возеле автомобил без регистарски таблички и биле маскирани. Истрагата засега сомничи неколку лица, но со сигурност не може да се потврди.„Според пријавата крадците украле осум лап – топ компјутери и два LCD телевизори. Тоа е штетата која ја направиле и таа е потврдена од сопственикот“ вели Стојановска.Од полицијата велат дека возилото со кое побегнале крадците е забележано на сигурносната камера од бензинската пумпа која е оддалечена стотина метри од местото на настанот. Во последно време продавниците со ваква стока се редовна мета на крадците, затоа што таа најлесно може да се продаде на црниот пазар. /крај/лисица/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.