Свет
Ѓулер Сулејмани осудена на четири месеци условно

Основниот суд во Тетово ги осуди Сулејмани и Садат Самии поради кражба на цевки за наводнување, ваги и штици од дворот на комбинатот.
Основниот суд во Тетово ги осуди Сулејмани и Садат Самии поради кражба на цевки за наводнување, ваги и штици од дворот на комбинатот.
Основниот суд во Тетово ја осуди на условна затворска казна од четири месеци Ѓулер Сулејмани, која претставувајќи се лажно дека е сопственик на „Тетово табак“ крадела и продавала предмети од поранешниот Монопол. Судот го осуди на иста затворска казна поради кражба и второобвинетиот Садат Самии. Според одлуката на судскиот совет, Сулејмани и Самии ќе ја одлежат затворската казна ако во периодот од четири месеци по правосилноста на казната направат какво било кривично дело. Пред да бидат донесени пресудите, застапникот на обвинителството изврши преквалификација на обвинителниот акт од кривично дело „несекојдневна кражба, која отстапува од вообичаеното однесување на извршителите“ во кривично дело кражба. Обвинителството образложи дека преквалификацијата е поради тоа што кражбата не била извршена на дрзок начин.
Одбраната на обвинетите се повика на фактот дека како акционер во друштвото Сулејмани имала право да отуѓува предмети, но имотната корист не ја присвојувала, туку ја давала за плати на вработените.
– Сите знаат дека Монополот требаше да се пренамени, а сега е виновна само Ѓулиер Сулејмани – изјави нејзината адвокатка Дивна Павловска.
Според обвинението, Сулејмани лажно се претставила дека е сопственичка на поранешен Монопол и контактирала со тетовецот Јовица С., кому му продала најлонски фолии и четири ваги. Таа му продала 15 цевки за наводнување на скопјанецот Роберт П., а кои противправно ги присвоила од Друштвото во јули 2003 година.
Сулејмани пред судот ги негираше обвинувањата, тврдејќи дека по продажбата на предметите парите ги земале чуварите. Во истрагата Сулејмани го отфрлила кривичното дело тврдејќи дека не го познава Јовица. Сведокот изјавил дека Сулејмани се претставила како сопственичка и му ја понудила фолијата за 118.000 денари. Парите ги уплатил на фирмата „Леон стил“ во Скопје. Тој за вагите платил 90.000 денари, кои му ги дал лично на Сулејмани.
Второобвинетиот Самии беше обвинет дека незаконски одзел два кубни метра штици од дворот на монополот, во вредност од над 22.000 денари. Самии исто така ја негираше вината, тврдејќи дека не ги украл штиците бидејќи ги нашол во дворот и ги зел, а само десетина од штиците биле употребливи. Тој рече дека штиците ги однесол во селото Шемшово за да прави гулабарник.
На вчерашното рочиште сведочеше и тогашниот стечаен управник на „Тетово табак“, Ѓоко Стојкоски, кој изјави дека не знаел за кражбата бидејќи акционерите не му дозволувале пристап во Монополот.
Судскиот процес против Сулејмани почна во ноември лани, но главниот распит неколку пати беше одложуван поради недоаѓањето на обвинетата.
(Д.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.