Судии, обвинители, претставници од МВР, адвокати, односно сите субјекти кои ќе учествуваат во имплементацијата на новиот Закон за кривична постапка, започнаа со базични обуки за негово спроведување.

Судии, обвинители, претставници од МВР, адвокати, односно сите субјекти кои ќе учествуваат во имплементацијата на новиот Закон за кривична постапка, започнаа со базични обуки за негово спроведување. Според директорката на академијата за судии и јавни обвинители Анета Арнаудовска, новиот закон воведува сосема нов концепт на кривичната процедура, што ќе значи нов систем на воспоставување на односи меѓу сите учесници во постапката. Целта на овој закон е да овозможи водечка улога на јавниот обвинител во истражната постапка, систем на односи меѓу обвинителот и правосудната полиција, нова улога на судот во текот на истрагата и нова улога во текот на судењето.„Целиот систем на кривична постапка е изменет со цел да се зголеми ефикасноста на постапката, меѓутоа со истовремено зајакнување на правата и слободите и поголема еднаквост помеѓу странките. Воведени се нови мерки во поглед на зајакнувањето на улогата на одбраната, која уште за време на истрагата може да спроведува сопствени докази во корист на својот обвинет. Целиот систем на постапката  ќе биде во текот на истрагата да се напушти улогата на истражниот судија, да се воведе судија на претходна постапка, што ќе се грижи за заштитата на човековите права и ќе врши контрола врз работата на обвинителот и правосудната полиција“, изјави Арнаудовска.Министерот за правда Михајло Маневски вели дека се создадени сите услови за примена на новиот ЗКП со темелни и обемни подготовки. „Секој учесник во спроведувањето на ЗКП мора да биде запознаен со своите овластувања“, вели Маневски.На отворањето на обуката беше присутен и шефот на мисијата на ОБСЕ во Скопје амбасадорот Ралф Брет, кој вели дека се уште има одредени предизвици во системот со кои треба да се соочиме, а тоа се неефикасните правни процедури и недостатокот на доверба во фер и независно судство. Новиот Закон за кривична постапка беше донесен минатата година, а неговата имплементација ќе започне во 2012 година. /крај/фф