Македонија
Врховниот суд поништил пресуда со која бранител треба да ги врати парите
Врховниот суд поништил пресуда со која бранител од конфликтот во 2001 година треба да ги врати парите, што со предходна судска пресуда му беа исплатени како одштета.Ова во неделата на прес конференција во Скопје го објави претседателот на здружението „Достоинство“, Стојанче Ангелов.
Врховниот суд поништил пресуда со која бранител од конфликтот во 2001 година треба да ги врати парите, што со предходна судска пресуда му беа исплатени како одштета.
Ова во неделата на прес конференција во Скопје го објави претседателот на здружението „Достоинство“, Стојанче Ангелов.
Тој на новинарите им ја покажа пресудата на Врховниот суд, по жалба на бранител од Прилеп, со која се поништува одлуката на пониските судски инстанци, според која бранителот треба да и ги врати парите на државата, што ги добил на име на одштета.
„Врховниот суд донесе одлука со која ја укина пресудата на Апелациониот суд во Битола и предметот го врати на второстепениот суд на повторно судење, рече Ангелов.
Притоа Врховниот суд констатирал дека второстепениот суд сторил суштествена повредена на членот 205 од законот за парнична постапка.
Врховниот суд упатил насока при повторената постапка да се има в предвид членот 205 од Законот за облигациони односи, односно дека не може да се бара враќање на неосновано платен износ на име надоместен на штета поради повреда на телото, нарушување на здравјето или смрт, доколку наплатата е извршена на совесен прибавувач.
Истовремено Врховниот суд побарал судот да има в предвид дека парите тужениот ги примил во извршна постапка врз основа на правосилна извршна пресуда.
Тоа значи дека Врховниот суд смета дека воените инвалиди и семејствата на загинатите не требале да земат оштета, но кога веќе ја земале оштетата, тие во согласност член 205 не треба да ја враќаат, бидејќи ја земале како надомест на штета, поради повреда на телото или смрт, рече Ангелов
Тој појасни дека втората причина поради која Врховниот суд смета дека бранителите не треба да ги вратата парите е дека тие биле совесни прибавувачи, бидејќи парите ги земале врз основа на правосилна судска пресуда.
„Забуна на целата ситуација претставува што Врховниот суд пред пет месеци ја донел оваа одлука. Поставуваме прашање што чекала Владата, кога знаела цело време дека има ваква пресуда“, изјави Ангелов.
Тој запраша дали владата тактизирала и се обидувала болката и страдањето на бранителите да ги употреби за истовремено да ги обештети ветераните на ОНА и изнесе претпоставка дека се работи за притисок на албанскиот коалициски партнери.
„Бидејќи Врховниот суд и ја заврши работата на владата ние сепак бараме владата да ги повлече преостанатите тужби како знак на добра воља и да се обештетат преостанатите бранители, кои не се обештетени“, рече Ангелов.
Тој додаде дека бранителите бараат од владата ги ослободи од плаќање на партиципација за здравствени услуги, можноста да се пензионираат пет години порано и предност при вработувањето./крај/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски во посета на Единицата за безбедност на сообраќајот на патиштата и Единицата за увид на место на настан и анализа: во фокусот проблемите на вработените
Министерот за внатрешни работи Панче Тошковски денес оствари работни посети на Единицата за безбедност на сообраќајот на патиштата и Единицата за увид на место на настан и анализа при Секторот за внатрешни работи Скопје каде одржа состаноци со раководствата.
„ЕБПС се соочува со голем недостаток на човечки ресурси и недостиг на возила и материјално-технички средства кои им се основна алатка за постапување и одржување на високо ниво на безбедност во патниот сообраќај. Исто така, беше посочено дека потребни се промени во законската и подзаконската регулатива со цел допрецизирање на одредбите кои ја регулираат оваа материја, а се со цел побезбеден сообраќај и помалку жртви.
ЕУМНА е една од круцијалните организациски единици кога се работи за ефикасно работење во делот на кривичната материја имајќи ја предвид природата на нивната работа. И во оваа Единица има голем недостаток на човечки ресурси, но и соодветни обуки кои ќе го подигнат нивото на квалитет на нивната работа, како и инвестирање во нова, пософистицирана опрема согласно најсовремените технологии и практики“ издвои Тошковски.
Македонија
Пендаровски: Давкова си закажала дебата сама со себе на МТВ
После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ, вели престедателскиот кандидат Стево Пендаровски отклако претходно неговата против кандидатка Гордана Силјановска Давкова објави коментар дека Пендаровски не се појавил на дебатата на националниот сервис МТВ.
„Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6ти мај, на телевизија Канал 5, е последна која е потврдена од двете страни.
И покрај ниските морални и етички стандарди кои ги поставија до сега во кампањата, ова е ново дно кое ВМРО-ДПМНЕ и Гордана Силјановска Давкова го достигнаа, што може да ги изненади само оние кои не го познаваат начинот на делување на ВМРО-ДПМНЕ и на нивната партиска кандидатка“, реагира Пендаровски на прозивките на Давкова.
Македонија
Сиљановска-Давкова до Пендаровски: Ќе дебатирам со празно столче, последната дебата е закажана за понеделник
Кандидатката за претседателка на ВМРО-ДПМНЕ, Гордана Сиљановска-Давкова со свој коментар на социјалната мрежа X, по повод отсуството на противкандидатот Стево Пендаровски на тв-дебата на Македонската телевизија.
“Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче“, напиша таа.
Не разбирам, вели Сиљановска-Давкова, зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
„Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија.
Основна задача на шефот на државата е да гради консензус преку дијалог со сите“, пишува Сиљановска-Давкова на социјалните мрежи.
Доби и одговор од нејзиниот против кандидат Стево Пендаровски.
„Давкова си закажала дебата сама со себе на МТВ“, реагира Пендаровски на социјалните мрежи.