Во вториот напад оваа седмица на американско беспилотно летало биле убиени најмалку осум милитанти во северозападен Пакистан, на границата so Авганистан, а во престрелки се убиени пет пакистански војници, потврдија воените власти

Пакистанските разузнавачи потврдиле дека американското летало истрелало два проектила во објект кој се сметал за скривалиште на талибаните во близина градот Мир Али во Северен Вазиристан. Според нивните информации, куќата била сосема уништена, а од уратините биle извлечени осум тела, додека други двајца милитанти биле ранети. Куќата во селото Шаквади била сопственост на двајца браќа, а разунавачите претходно дознале дека таа е често посетувана од талибаните и муслимански милитанти. Во претходен ракетен напад на беспилотно летало на САД пред изгрејсонце, во Шана Кувара исто во Северен Вазиристан биле убиени тројца талибански бунтовници, потврдиле пакистански официјали извори. Американските официјални претставници во Пакистан, како и при претходни случаи на вакви ракетни напади не даваат изјави, само потврдуваат дека многу од бунтовници кои бегаат од офанзивата на пакистанската армија се кријат и притајуваат во пакистанско-авганистанскиот пограничен регион.Петмина пакистански војници загинале во судирите доцна навечер во четвртокот во области од кои претходно се сметаше дека се избркани милитантите, потврдила армијата. Пакистанската влада јавно ги осудува ваквите напади од страна на воената авијација на САД како нарушување на нејзиниот суверенитет, но многу аналитичари сметаат дека двете држави имаат таен договор кој го овозможува ова, а ваквите изјави на Исламабад се за да се амортизира антиамериканското расположение кое постои кај добар дел од исламското население во Пакистан.Пакистанската армија ја започна својата офанзива против талибаните во Јужен Вазиристан во средината на октомври, северозападен планински паштунски регион на границата со Авганситан, каде се претпоставува дека има упоришта и тренинг-кампови за обука на талибаните и странски борци на Ал Каеда. Владата во Исламабад верува дека најголемиот дел од милитантите побегнале на север за да ги избегнат борбите.