Свет
Новите членки на ЕУ го отфрлаат предложениот договор за климата
Самитот на ЕУ кој почнува во Брисел ќе биде обележан со длабоки поделби, бидејќи девет нови држави членки од средна и Источна Европа и понатаму го отфрлаат планот на Унијата за борба со климатските промени, пренесуваат агенциите
„На новите членки не им се допаѓа, пред се’, финансирањето на мерките за намалување на емисијата на гасови кои го предизвикуваат ефектот на стаклена градина во најсиромашните држави во светот кои би требало да им помогнат на најсиромашните“, изјавил во Брисел, унгарскиот премиер Бањаи. Финансирање на климатски промени, Лисабонскиот договор и вработувањето се три важни теми за кои учесниците во дводневниот самит треба да постигнат договор. Последните преговори на министрите за финансии на ЕУ на таа тема во Луксембург пропаднаа и шведското претседателство не пронајде компромис што би бил прифатлив за сите држави. На новите држави членки не им се допаѓа механизмот според кој богатите држави со свои прилози треба да помогнат за сиромашните држави.Шведското претседателство предлага тие средства да се одредуваат според висината на БДП, но Чешка и други држави сметаат дека е подобро средствата да не се сметаат само според БДП-то, туку и според други показатели, сметајќи ги и приходите на домаќонствата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.