Свет
Разузнавачи предвреме стокмени за пензија
Власта сака да ги тргне разузнавачите пред избори за да може да ги контролира разузнавачките капацитети, тврдат воени извори кои инсистираат на анонимност
КАДРОВСКИ РАЗМЕСТУВАЊА ВО АРМ
Власта сака да ги тргне разузнавачите пред избори за да може да ги контролира разузнавачките капацитети, тврдат воени извори кои инсистираат на анонимност
Седуммина воени разузнавачи се разрешени од функциите и поставени на други работни места. Воени извори сметаат дека со тоа власта сака да го контролира разузнавањето пред изборите. Во Генералштабот на АРМ тврдат дека досегашните разузнавачи наскоро ќе заминат во предвремена пензија и затоа се распоредени на „други проекти“. Со последниот бран пензионирања според новите услови во Законот за служба во АРМ, војската ја напушта и полковник Благоја Марковски, армискиот портпарол од конфликтот во 2001 година.
– Седуммина безбедњаци се разрешени од должностите во Г2-секторот за воено разузнавање и преместени по командите, на сосема несоодветни работни места кои немаат врска со нивната специјалност. Еден од нив е магистер на науки. Очигледно, власта сака да ги тргне пред изборите за да може да ги контролира разузнавачките капацитети – тврдат воени извори кои инсистираат на анонимност.
Во Генералштабот ги демантираат обвинувањата.
– Старешините кои се прераспределени на нови должности ги исполнуваат условите за предвремено пензионирање. Додека не бидат пензионирани, упатени се на работа на други проекти. Тие ги исполнуваат условите за пензионирање со 25 години стаж, а освен тоа, безбедњаците имаат бенефициран стаж – тврдат во Генералштабот.
Со последниот бран пензионирања Армијата ја напушта и полковник Благоја Марковски. За време на конфликтот во 2001 година тој беше портпарол на АРМ. По конфликтот, Марковски го заврши воениот колеџ „Раковски“ во Бугарија, каде што доби и титула доктор на воени науки. Потоа беше назначен за советник на министерот за одбрана за воено-политички прашања, но немаше конкретен ангажман. Тој командуваше и со единствената акција за доброволно предавање на нелегалното оружје во Македонија.
– Сега подготвувам книга, на иста тема како и докторскиот труд, „Можности за решавање внатрешни кризи во услови на транзиција“. Ќе им ја понудам на министерствата за одбрана, за внатрешни и за надворешни работи, на Центарот за управување со кризи и на Дирекцијата за заштита и спасување, кои се бават со таа проблематика – вели Марковски.
Со новите услови за пензионирање, АРМ досега ја напуштија повеќе од сто офицери и подофицери, а до крајот на годината ќе заминат уште петстотини. На работа со 25 години стаж ќе останат само старешините декларирани како клучен персонал во Армијата.
(И.К.И.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.