Свет
Во Дурбан заврши Конференцијата за климатските промени

Учесниците на Меѓународната конференција на Обединетите нации за климатските промени која во неделата заврши во Друбан, ги усвоија насоките за дејствување кои би требале да доведат до постигнување заеднички договор на сите земји во светот до 2015 година
Учесниците на Меѓународната конференција на Обединетите нации за климатските промени која во неделата заврши во Друбан, ги усвоија насоките за дејствување кои би требалo да доведат до постигнување заеднички договор на сите земји во светот до 2015 година за намалување на емисијата на штетните гасови, но експертите сметаат дека планот не е доволно агресивен.Целта на договорот, чијашто правна страна сѐ уште не е дефинирана, треба на сила да стапи до 2020 година.Меѓународната задница се обидува да го ограничи зголемувањето на температурата на планетата на два Целзиусови степена, но празните ветувања на некои земји дека ќе се ангажираат на намалувањето на штетните гасови не придонесува за остварување на оваа цел. Истражувањето коешто им беше претставено на учесниците на годинешната конференција, покажа дека планетата Земја е на добар пат да се соочи со зголемување на глобалната температура за 3,5 отсто.Учесниците на собирот по 14 дена преговори а требаше да заврши на 9-ти декември, во ноќта кон неделата по 24 часовни интензивни преговори, успеаја да се договорат за продолжување на Протоколот од Кјото, единствениот глобален договор со кој се пропишува намалувањето на емисијата на штетните гасови, а чиј прв период на примена завршува кон крајот на 2012 година. Одлуката за иднината на овој протокол, единствениот обврзувачки правен документ кој во повеќето индустриски развиени земји ја ограничува емисијата на штетните гасови, е еден од клучните резултати постигнати на конференцијата.На конференцијата во Јужноафриканската Република, е одлучено и да се преземе и втората обврзувачка фаза од Протоколот. Таа би се однесувала на земјите од Европската унија, а Канада, Јапонија и Русија, веќе претходно се изјаснија дека не сакаат повторно да се обврзуваат на овој начин. „Успеавме да постигнеме САД, Индија и Кина да им се приклучат на насоките за дејствувањето, што ќе го гарантира глобалниот договор“, изјави британскиот министер за енергетика и климатски промени, Крист Хјун.Според текстот на документот, учесниците одлучија да „го започнат процесот на развој на протоколот, правен инструмент или договорен исходот од преговорите кој ќе ја има силата на правно обврзувачки документ, што се применува од сите страни“, за чија цел се формира и работна група на Дурбанската платформа за активизација на дејствијата (AWG- DPEA).Учесниците на конференцијата не можеа да се согласат два дена како да се именува работната група. Првичната верзија на текстот ја предлагаше формулацијата „правен рамковен документ“, но ЕУ, малите островски држави од асоцијацијата (АОSIS) и најмалку развиените земји (LDC) се спротивставија на формуалцијата, нарекувајќи ја премногу мека.Како одговор на овие забелешки во текстот е ставена формулацијата „протокол или друг правен инструмент“, но таквата формулација, пак, не беше прифатлива за САД, Кина, Индија и Бразил, а потоа и како трета опција во него е додадено „правниот исход од преговорите“.По повеќе од еден час разговари за формулацијата на отворен состанок на маргините од конфренцијата, претставниците на Европската унија, Кина, Индија и САД се согласија за конечниот формулација, која потоа е одобрена.Според Акциониот план, новата група треба да ја заврши својата работа „што е можно поскоро, но не подоцна од 2015 година“, така што договорот треба да биде донесен на 21-та сесија на преговорите меѓу земјите во 2015 година а да стапи на сила во 2020 година.Покрај тоа, со одлука на конференцијата е формиран работен план за подобрување на исполнувањето на обврските за намалување на емисиите на штетните гасови. Во преамбулата се констатира „значаен јаз“ меѓу сегашното ниво на посветеност и она што е потребно да се стори со цел да се намали зголемувањето на просечната глобална температура во распонот од 2 или 1,5 Целзиусови степени. Развојот на овој работен план ќе треба да се спроведува во 2012 година.Според планот, новата работна група ќе ја почне својата работа во следните шест месеци. Актуелниот орган на конвенцијата, одговорен за развојот на „пост-Кјото“ режимот – работната група за долгорочна соработка (AWG-LCA), формирана во 2007 година, ќе ја заврши својата работа до крајот на годината, а потоа ќе биде распуштена./крај/афп/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп укинува 3,3 милиони евра помош за ЛГБТ заедницата на Балканот

Претседателот на САД, Доналд Трамп, сака да откаже речиси 4,3 милијарди евра средства за странска помош и мировни мисии одобрени од Конгресот на САД, вклучувајќи 3,3 милиони евра за „промоција на демократијата меѓу ЛГБТ луѓето на Западен Балкан“, пишува „Њујорк пост“.
Трамп планира да го направи ова преку ретка постапка наречена „џебно повлекување“, правно сомнителна мерка која не е користена 48 години.
Овие средства беа наменети за разни невладини организации и странски влади, а претходно оваа година беа запрени од Канцеларијата за управување со буџетот на Белата куќа (WHOMB), по што беа заглавени во правно „чистилиште“ поради тужба поднесена од Глобалниот совет за здравје, водечката светска организација-членка посветена на унапредување на глобалното здравје.
Како што пишува „Њујорк пост“, администрацијата на Трамп ги истакна трошоците за кои тврди дека се непотребни.
Тие вклучуваат 21 милион евра за „отпорност на климатските промени“ во Хондурас, 2,31 милиони евра за фондацијата „Јужноафриканска демократија“, која „објави радикални расистички статии“, вклучувајќи статија насловена како „Проблемот со белите луѓе“, и 1,3 милиони евра за промоција на уметнички дела од украински сликарки.
Меѓу другите значајни трошоци се 3,3 милиони евра за промоција на демократијата меѓу ЛГБТ луѓето во Западен Балкан.
Што е „џебно повлекување“?
„Џебно повлекување“, како што објаснува Канцеларијата за одговорност на владата на САД (GAO), се случува кога претседателот бара од Конгресот да ги прекине (или поништи) средствата многу блиску до крајот на фискалната година – толку блиску што тие средства истекуваат пред да можат да се користат за нови обврски.
„Џебното повлекување“ во суштина го заобиколува авторитетот на Конгресот врз буџетот, според GAO.
Свет
(Видео) Украинците дигнаа во воздух два клучни руски моста

Украинските сили спроведоа генијална операција во која уништија два клучни моста на руска територија, користејќи евтини дронови за активирање на експлозиви што претходно биле поставени таму од самите руски сили. Мостовите во близина на границата со регионот Харков биле користени за снабдување на руските трупи, а Русите ги минирале како мерка на претпазливост во случај на ненадеен украински пробив, пишува CNN.
Уништувањето на клучната инфраструктура на сопствената територија за да се забави непријателот е вообичаена воена тактика. Самата Украина го направи ова на почетокот на инвазијата во февруари 2022 година, кога го забави рускиот напредок кон Киев со уништување на мостови и одбрана на главниот град. Сепак, овој пат Украинците ја насочија руската мерка на претпазливост против себе.
💥 The Russians mined a bridge in the Belgorod region, piling TM-62M anti-tank mines under the structure.
Ukrainian drone operators decided it was worth helping the Russians carry out their plan. The bridge exploded with festive fireworks. pic.twitter.com/cKGWGdAICM
— MAKS 25 🇺🇦👀 (@Maks_NAFO_FELLA) August 24, 2025
Членовите на 58-та Одделна моторизирана стрелачка бригада, кои ја спроведоа операцијата, за CNN изјавија дека забележале необична активност околу еден од мостовите.
„Стана јасно дека нешто се случува таму. Не можевме да летаме со обичен извидувачки дрон под мостот бидејќи сигналот едноставно ќе исчезнеше, па затоа летавме со дрон опремен со оптички влакна“, рече портпаролот на бригадата.
Снимките од дрон открија куп противтенковски мини и друга муниција скриена под мостот.
„Ги видовме мините и удривме“, додадоа тие. Видеото нагло се прекинува во моментот на ударот, додека друга камера од далечина покажува силна експлозија.
Украинците, исто така, проверија уште еден мост во близина. „Откривме дека и тој е миниран и удривме. Видовме можност и ја искористивме“, рече портпаролот на бригадата.
Портпаролот на бригадата потврди за CNN дека дроновите што се користеле во нападот чинеле помеѓу 600 и 725 долари, што ја прави операцијата исклучително исплатлива. Рушењето на мост вообичаено бара скапа водечка муниција испукана од софистицирани системи како што се ракетни лансери или авиони.
Свет
Израелска армија: Подготвени сме да ја започнеме офанзивата врз Газа

Израелската армија спроведува подготвителни операции во предградијата на градот Газа, објави денес портпаролот на Израелските одбранбени сили (ИДФ) Авичај Адрае, сигнализирајќи дека Израел е подготвен да започне офанзива насочена кон освојување на тој град на север од палестинската енклава.
„ИДФ работи многу интензивно во предградијата на Газа“, рече Адрае. Израел планира целосно да го окупира градот, иако претходно објави дека ќе премести речиси милион луѓе од него на југ од Појасот Газа.
„Ќе ги интензивираме нападите“, додаде портпаролот, нагласувајќи дека целта на операцијата е да се ослободат сите заложници и да се елиминира палестинската милитантна група Хамас.
Жителите потврдија за агенцијата ДПА дека армијата денес ги интензивирала нападите врз Газа. Најмалку 48 лица беа убиени, вклучувајќи 20 во северна Газа, соопштија медицински извори.
Фото: ЕПА