Македонија
Макрадули: Јанкулоска ќе биде запаметена по инсталирањето полициска држава
Пратеникот Јани Макрадули образложувајќи ја интерпелацијата за министерот за внатрешни работи Гордана Јанкуловска, во петок рече дека таа ќе биде запаметена по периодот во кој во „Македонија се инсталирала полициска држава“.
Пратеникот Јани Макрадули образложувајќи ја интерпелацијата за министерот за внатрешни работи Гордана Јанкуловска, во петок рече дека таа ќе биде запаметена по периодот во кој во „Македонија се инсталирала полициска држава“.
Повод за поднесената интерпелација од страна на опозициските СДСМ и НСДП е инцидентот што се случи во Собранието на 1 јули.
„Вие ни пресудивте уште пред 1.јули, белешките беа напишани уште пред да почне расправата, а за што? За да го сокријат срамот од лажните ветувања пратениците од ВМРО –ДПМНЕ го викнаа партискиот дел од МВР да ги брани од сопствениот народ. Упадот на полиција во нормална демократија значи оставка за една Влада“, рече Макрадули.
Според него, МВР е главен трошок на Буџетот, а се занимава со газење на стечајци, со сатанизација на роднини на пратеници од СДСМ, со рекетирање на успешни бизнис компании, а Јанкуловска е присутна буквално секаде.
„Министерке, вас ве има како мирудија во секоја недемократска манџа во која се кршат основните човекови права и слободи веќе четири години во Република Македонија“, рече Макрадули, обраќајќи и се на министерката Јанкулоска.
Тој ги повика пратениците од владејачкото мнозинство да гласаат за интерпелацијата.
„Почитувани пратеници од ВМРО-ДПМНЕ, денеска пробајте да гласате да можете слободно да зборувате на телефон. Денеска пробајте да гласате да престанете да шепотите. Денеска пробајте да гласате за да престанете да ја вртите наназад главата кога разговарате со опозицијата. Гласајте и кажете не за полициска држава и гласајте за да направите нешто за Македонија“, рече Макрадули.
Министерката Јанкулоска на почетокот од одговорот им се заблагодари на потписниците на интерпелацијата за, како што рече, можноста да се расветли инцидентот.
„Доволно е да се погледнат снимките и фотографиите. На нив јасно е видливо колку тајниот снимател е прикриен. Впрочем „тајниот“ снимател е истиот оној човек кој надворешно физички го обезбедуваше домот на поранешниот премиер Бучковски. На фотографиите јасно е видлива издржаноста на манипулациите кои имаше обид да бидат протнати во јавноста дека „дел од пратеничката група на СДСМ била нападната“ или дека на пратениците им било ограничувано движењето. Единствено што мене не ми е јасно, тоа е чувството на пратениците чии раце може да ги видиме на фотографијата како туркаат и влечат“, рече министерката Јанкулоска образложувајќи го одговорот на интерпелацијата.
Таа ги праша пратениците од опозицијата дали имаат совест и намера да испратат извинување до, како што рече, човекот што беше понижен.
„Вољата да се прифати одговорноста е извор на себепочитувањето. Доколку постоеше барем малку воља, тогаш полициските службеници немаше да се прогласуваат за силеџии, вандали или дури и жртви на мобинг кои биле принудени на нешто. Доколку постоеше малку воља ќе запреа манипулациите во јавноста и ќе беше почитувана реакцијата на полицискиот синдикат кој најостро го осуди нападот врз полицискиот службеник и инсистираше одговорните да понесат соодветни санкции, бидејќи според синдикатот, како што полициската значка не смее да биде заштита од одговорност, исто така и пратеничкиот имунитет не може и не смее да биде дозвола и амнестија за какво било вандалско однесување“, рече Јанкулоска.
Пратениците во Собранието на Република Македонија во петок во рамки на 116-та седница расправаат по интерпелацијата за работата на министерот за внатрешни работи Гордана Јанкулоска.
Директен повод за поднесување на интерпелацијата за работата на Јанкулоска од страна на опозициските СДСМ и НСДП е инцидентот што се случи во Собранието на 1 јули годинава.
Според собранискиот Деловник, интерпелацијата се поднесува до претседателот на Собранието, кој веднаш ја доставува до оној на кого му е упатена и до пратениците, а претресот трае најмногу еден работен ден./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Грозоморен напад врз словачкиот премиер, се молиме за негово здравје
Македонската претседателка Гордана Силјановска Давкова реагираше на веста за атентатот врз словачкиот премиер Роберт Фицо.
„Бев длабоко шокирана кога ја слушнав веста за грозоморниот напад врз словачкиот премиер Роберт Фицо. Се молиме за негово здравје и брзо закрепнување! Нашите мисли се со неговото семејство и со народот на Словачка“, напиша Силјановска Давкова.
I was deeply shocked to hear the news of the heinous attack against the Slovak Prime Minister Robert Fico. We pray for his health and swift recovery! Our thoughts are with his family and the people of Slovakia.
— Гордана Силјановска Давкова (Gordana Siljanovska) (@gogamkd) May 15, 2024
Словачкиот премиер Роберт Фицо е затрелан по владин состанок, околу 150 километри североисточно од Братислава.
Обидот за атентат се случил кога Фицо отишол меѓу насобраните луѓе.
Според информациите, премиерот на Словачка бил застрелан со два до три куршуми во градите и стомакот. Со хеликоптер итно бил пренесен во болница во Братислава.
Напаѓачот е уапсен на самото место.
Словачките медиуми јавуваат дека состојбата му е многу тешка и ќе биде опериран.
Македонија
Министерство за правда изрази благодарност до турските власти за екстрадицијата на Палевски
Министерството за правда изрази благодарност до турските власти за преземањето на сите неопходни мерки за екстрадицијата на Љупчо Палевски-Палчо, кој вечерва од Турција е пренесен во земјава и спроведен во истражниот затвор Шутка.
– Министерството за правда и министерот Кренар Лога изразуваат голема благодарност до турските власти, особено до министерот за правда на Република Турција, Јилмаз Тунч за нивната брза реакција и преземањето на сите мерки за екстрадиција на Љупчо Палевски. Целата постапка се спроведе во релативно краток период за неполни пет месеци. Ова е добар знак за општеството и порака дека правдата ќе ве стигне, каде и да сте, стои во објавата на Министерството за правда.
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција.
Палевски со возила без полициски ознаки пристигна во истражниот затвор Скопје затоа што во отсуство му е одредена мерка притвор.
Македонија
Палевски екстрадиран, по пет месеци, стигна во Шутка
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција.
Палевски со возила без полициски ознаки пристигна во истражниот затвор Скопје затоа што во отсуство му е одредена мерка притвор.
Претходно неговата партја Десна објави на „Фејсбук“ дека тој слетал во Скопје.
И Министерството за внатрешни работи потврди дека Палевски стигна во затворот во Шутка.
„Министерството за внатрешни работи ја известува јавноста дека денеска (15.05.2024) полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница за истрага за кривични дела „грабнување” и “убиство“ по издадена наредба XV KO бр 3047/23 од Основното јавно обвинителство Скопје. Лицето е пренесено во КПУ Затвор Скопје“, велат од МВР.
Палевски е првоосомничен за убиството на Вања Ѓорчевска од Скопје и Панче Жежовски од Велес.