Свет
Снежно невреме ја парализира Боливија
Најсилната снежна бура во последните 20 години ја погоди Боливија и остави завеани илјадници луѓе, јавува БиБиСи.
Најсилната снежна бура во последните 20 години ја погоди Боливија и остави завеани илјадници луѓе, јавува БиБиСи. Снегот најмногу ги изненадил земјоделците и туристите, во вообичаено сушните предели на висорамнината Потоси, голема област на југо западот на земјата. Боливиската влада побара помош од соседните земји. БиБиСи јавува дека владата во Ла Паз побарала хеликоптери, со кои би ја доставиле помошта во завејаните области, и тешка механизација за чистење на патиштата. Боливиската влада располага со само два хеликоптери. Дописникот на БиБиСи од Ла Паз јавува дека снежното невреме зафатило огромна површина во земјата и дека ќе биде исклучително тешко да се исчистат патиштата пред да стигне ново невреме. Метеоролозите прогнозираат обилни снежни врнежи и во наредните денови. Боливија се граничи со Бразил на север и исток, Парагвај и Аргентина на југ и југоисток, и Чиле и Перу на запад. крај/т/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.