Македонија
Укинувањето на визите е за добро на ЕУ
Укинувањето на визите е за добро на Европската унија(ЕУ), која ќе биде посилна со вас отколку без вас
Укинувањето на визите за Македонија е за добро на Европската унија(ЕУ), која ќе биде посилна со вас отколку без вас.
Ова денеска во Скопје на трибината на тема „Визната либерализација и зголемена соработка помеѓу ЕУ и Македонија. Последна фаза!-Македонската младина сака да биде дел од Европа“ го изјави финскиот европратеник Хенрик Лакс.
Тој изрази загриженост во врска со спорот меѓу Македонија и Грција, но додаде дека тоа не би требало да ја загрози визната либерализација, бидејќи одлуката за укинување на визите се донесува со квалификувано мнозинство.
“Прашањето за името постои и за него треба да се дискутира на европско ниво“, рече Лакс, додавајќи дека добрососедските односи се и еден од условите за визна либерализација.
Македонија очекува на крајот на јуни или на почетокот на јули Европската комисија да донесе одлука за промена на визното законодавство со што би започнал правниот процес за укинување на визите за македонските граѓани со 25 држави од Европската унија, со исклучок на Велика Британија и Ирска, кои не се дел од шенген зоната.
Ова на трибината организирана од група на младински здруженија на граѓани и студентски организации „Виза?! Нема шанса!!!“, на која учествуваа и дипломатски претставници на Словенија, Германија и Холандија и на Секретаријатот за европски прашања, го изјави претставничката на Министерството за надворешни работи Агнеза Руси, додавајќи дека Македонија ги исполни сите услови и се очекува од почетокот на идната година македонските граѓани да патуваат во сите земји од шенген зоната без визи.
Таа појасни дека укинувањето на визите ќе важи и за Грција, бидејќи таа го има усвоено шенгенското законодавство. Сега македонските граѓани мора да имаат грчка виза за патување во Грција, и во случај да имаат шенгенска виза.
Исполнувањето на условите од визниот патоказ во изминатите 18 месеци покажаа дека целта и точно определените услови ги мотивираа институциите, рече претставничката на Секретаријатот за европски прашања Ана Ангеловска, додавајќи дека ова беше и вежба на Македонија за натамошните преговори за членство во Европската унија.
Германија, Холандија и Словенија ја поддржуваат визната либерализација на Македонија, оценија дипломатски претставници на овие држави во Скопје.
Словенија е најголем поддржувач на евроинтеграцијата на земјите од Западен Балкан, рече амбасадорот на Словенија Алан Бергант, и најави дека Љубљана подготвува нова стратегија за Западен Балкан за мобилност на студенти и професори.
Претставниците на младинските организации Мики Трајковски и Ивана Дамовска ја истакнаа фрустрацијата која имаат околу 50 илјади македонски студенти бидејќи не можат слободно да патуваат во Европската унија.
„Студентите не можат да сфатат зошто се дискриминирани и гетоизирани во Македонија веќе 18 години“, рече Дамовска на денешната трибина на тема „Визната либерализација и зголемена соработка помеѓу ЕУ и Македонија. Последна фаза!-Македонската младина сака да биде дел од Европа“./крај/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.