Македонија
Бубрежните заболувања во пораст – годишно 50 нови случаи
Во моментов 1.360 бубрежно болни се лекуваат со хемодијализа, покажуваат податоците од Фондот за здравство соопштени на денешното одбележување на Светскиот ден на бубрегот.
Во моментов 1.360 бубрежно болни се лекуваат со хемодијализа, покажуваат податоците од Фондот за здравство соопштени на денешното одбележување на Светскиот ден на бубрегот.
Претседателката на Регистарот за бубрежни заболувања, Оливера Стојчева, рече дека бројот на заболени рапидно расте и секоја година може да се очекуваат нови 50 заболени кои ќе се лекуваат со хемодијализа.
„Од 2008 година кај нас доминираат хипертензија и шеќерна болест, особено кај младата популација а тој број ќе биде поголем доколку не се работи на превенција и едукација на населението“, рече Стојчева.
Таа додаде дека Македонија е на средно ниво по бројот на заболени додека Хрватска и Грција се водечки во регионот.
„Раното откривање и терапија на хроничната бубрежна болест ќе го забави и запре развојот на крајниот стадиум на болеста, и ќе ја намали појавата на кардиоваскуларната болест, која денеска е најчеста причина за прерана смрт ширум светот“, велат од „Нефрон“
Здружението на бубрежно болни „Нефрон“ , денеска укажа на проблемите со центрите за дијализа, состојбата со апаратите кои се користат за лекување, како и недостатокот на одредени лекови.
„Ако конечно кај нас почне трансплантација на бубрезите со кадавер (од починато лице) ќе се намали бројот на пациенти кои ќе се лекуваат со хемодијализа која е скапа“, рече Љупчо Трпеновски, претседателот на „Нефрон“.
Заменик министерот за здравство, Владимир Поповски, рече дека Владата одвојува 20 милиони денари за превентивни програми меѓу кои е и онаа за бубрежно болните.
Во изминатите неколку недели спроведена е контрола на здравствените услуги, амортизираноста на апаратите , состојбата на пациентите и тимот кој работи со нив.
Директорката на ФЗОМ , Маја Парнаџиева Змејкова најави контрола и во центрите за дијализа во другите градови./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.