Свет
Телеком ја штител Македонија од лоши инвеститори
Претставникот на Телеком пред Европската комисија во Брисел тврдел дека освен Телеком Македонија не може да привлече друг голем странски инвеститор зашто пазарот е мал.
ОДБРАНА ВО БРИСЕЛ
Претставникот на Телеком пред Европската комисија во Брисел тврдел дека освен Телеком Македонија не може да привлече друг голем странски инвеститор зашто пазарот е мал. Извори од Комисијата велат дека од она што завчера претставникот на Македонски те
"Македонски телекомуникации" подготвува одговор на жалбата од словенечката "Актон комуникации", кој соодветно ќе биде доставен до надлежните во земјава, како и до Европската комисија, ова го потврдуваат од Комисијата по завчерашната средба во Брисел со претставниците од македонската компанија.
"Ние веќе ја истражуваме работата на словенечката компанија и имаме сознанија дека не е толку голема, колку што се претставува и дека не оперира на тамошниот пазар", изјавил Дејан Силјановски, директор за регулатива во "Македонски телекомункации" и двајцата претставници од унгарската консалтинг фирма ТГГ. Тие веќе доставиле копија од жалбата и до вицепремиерката Радмила Шекеринска, како и до Агенцијата за електронски комуникации. На состанокот е изнесен и фактот дека "Мактел" треба да продолжи со досегашниот начин на работа, како единствен сериозен инвеститор во доменот на телекомуникациите во земјава. Според Силјановски, пазарот е мал за било кој голем стратески инвеститор да се заинтересира за него. Мегутоа, од Комисијата сметаат дека доколку во Македонија нема ефективна конкуренција, тогаш треба да се ослободи пазарот за компаниите кои би можеле да дејствуваат од соседните земји. "Од она што беше презентирано од претставниците од ‘Мактел’, сметаме дека тие не се расположени да го дадат својот дел од колачот. Тоа го заклучивме по изложувањето на аргументите". Комисијата е на мислење дека единствениот начин да се поправи пропустот во либерализацијата на македонскиот пазар е донесувањето на подзаконските акти, кои од македонска страна, на вчерашниот состанок биле ветени за неколку месеци. Валентин Нешовски од секторот за Евроинтергации во Владата потврдува дека на 31 октомври годинава ја добиле реакцијата од словенечката фирма "Актон комуникации" и регирале во Агенцијата за електронски комуникации. "Побаравме и очекуваме од Агенцијата да добиеме мислење за наводите на ‘Актон комуникации’", вели Нешовски, не прецизирајќи до кога ќе ја чекаат Агенцијата да им одговори. Директорот на Агенцијата Коста Трпковски е во Тунис на службен пат и ни порача да се воздржиме со прашањата додека да се врати на работа. Добро упатени извори велат дека службените патувања на Трпковски е една од причините што регулаторот потфрла, а Телеком користи. Трпковски за Тунис заминал само што се вратил од Германија, а нашол време да скокне и до Словенија. Неофицијално дознаваме дека роковите за донесување на подзаконските акти истекуваат до крајот на годинава, а колку и што е сработено ќе се знае откако Трпковски ќе се врати во земјава.(С.С.-Т.Ј.)* * * Телеком се премисли Во "Македонски телекомуникации" потврдуваат дека нивна делегација неделава е во Брисел, но, целта на посетата не била реакцијата од "Актон комуникации". "Престојот на Дејан Силјановски во Брисел е со цел да присуствува на состанокот на ниво на ‘Дојче телеком" Групацијата. Остварени се неофицијални средби со Европската комисија. Таа не ги третира случаите во земји кои не се членки на ЕУ, тие се во надлежност на домашните институции", велат од Телеком. Досега ниедна домашна институција не ги контактирала за жалбите од странските инвеститори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Руски хеликоптери уништија дронови на украинската морнарица, следуваше одговор, пишува Форбс
Украински експлозивни автономни пловни објекти или поморски беспилотни летала напаѓаат и потонуваат руски воени бродови во Црното Море од минатата есен, а сега руската Црноморска флота одлучи да возврати, и тоа од воздух, пишува Форбс.
Руски бомбардери, летечки бродови и хеликоптери патролираа на рутите до пристаништата, каде што е закотвена Црноморската флота, барајќи знаци за приближување на автономните бродови, кои ги гаѓаа со ракети и куршуми. Меѓутоа, во војната – како и во физиката – секоја акција има своја реакција. И така, сега украинските автономни бродови добија проектили земја-воздух, кои можеби веќе ги испалуваат руските авиони.
Снимките од Црното Море направени во неделата или понеделникот покажуваат како хеликоптер Камов Ка-29 кружи околу украинскиот брод и пука во него. Можно е овој напад да е поврзан со украинскиот напад на Црноморската флота на Крим овој викенд. Пловилата, наводно, потопиле руски патролен брод.
Ова не е прв пат руско летало да уништи украински автономен брод (УСВ). Но, тој конкретен УСВ се издвојуваше затоа што беше опремен со ракетни фрлачи и инфрацрвена ракета Р-73. Се чини дека некои украински бродови сега имаат свои противвоздушни ракети.
Рускиот канал Fighterbomber на Телеграм беше изненаден од ова: „Украинците некако успеаја да ја поврзат ракетата со системите за далечинско управување на УСВ“.
Проектилот Р-73 е чувствителен на извори на топлина како што се моторите на леталата. Не бара телеметрија за водење. Сепак, каналот Fighterbomber не греши кога се прашува како војниците кои управуваат со УСВ можат од далечина да ги нишанат и лансираат тие проектили.
Fighterbomber шпекулира дека украинските автономни пловила сè уште не ги испукале своите проектили, но вреди да се напомене дека УСВ што екипажот Камов го уништи во неделата или понеделникот имал два ракетни фрлачи, но само еден проектил.
Со опремувањето на УСВ со ракети Р-73, украинските сили додадоа уште една улога на нивните сè повеќе разновидни автономни пловила. Повеќето од нив се еднонасочни: тие се натоварени со експлозиви и удираат во руски воени бродови. Постои и верзија на поморскиот дрон Sea Baby, кој може да истрела ненаведувани проектили за напади со долг дострел, а можно е и најголемите УСВ во Украина да имаат и радио-попречувачи.
Постои шанса дека овие нови УСВ сепак веќе ги испукале своите проектили. Најмалку еден, а можеби и два руски хеликоптери наидоа на неволја над Црното Море на 9 и 10 април. Портпаролот на украинската морнарица Дмитро Плетенчук тврди дека рускиот Камов Ка-27 бил соборен на 9 април, а повеќе извори потврдуваат дека еден ден подоцна бил соборен уште еден хеликоптер Мил Ми-24.
Падот на Камов не е потврден, но интересно е тврдењето на Плетенчук дека руското летало „барало нешто“ и „го нашло“. Ако Русите навистина го загубија Ка-27 на 9 април, и ако тој хеликоптер навистина бараше УСВ, дали е можно дека пронашол УСВ вооружен со ракети земја-воздух?
Свет
Борел: Нема безбедна зона за цивилите во Газа
Високиот претставник на Европската Унија за надворешна политика и безбедност, Жозеп Борел, денеска изјави дека нема безбедна зона во Газа за палестинските цивили наведувајќи дека во Газа има 600.000 деца.
За време на состанокот на министрите на ЕУ одговорни за развој, Борел рече дека Израел почна копнена офанзива на Рафах на југот на Газа, без оглед на барањата на ЕУ и САД да не го сторат тоа, пренесува „Ал џезира“.
„И покрај овие предупредувања и барања, нападот беше извршен синоќа. Се плашам дека тоа повторно ќе предизвика многу цивилни жртви“, додаде Борел.
Израелската армија (ИДФ) денеска соопшти дека презела оперативна контрола над палестинската страна на јужниот премин Рафа во Газа, кој граничи со Египет, пренесува „Танјуг“.
Свет
Швајцарски весник: Џjинпинг вешто ја испланира својата посета за да го продлабочи јазот во Европа
Планот на посетата на Европа на кинескиот претседател Шји Џјинпинг на прв поглед можеби е изненадувачки, но фактот што тој за посета, покрај Франција, ги избра и Србија и Унгарија, покажува дека рутата била многу вешто избрана од кинеска перспектива, пишува швајцарскиот дневен весник „Тагес-анцајгер“.
„Режимот во Пекинг знае каде се линиите на раздор во Европа и го користи патувањето за уште повеќе да го продлабочи тој јаз“, пишува весникот истакнувајќи дека Шји не дошол во Европа со пријателски намери.
Весникот наведува дека Шји ќе се сретне со српскиот претседател Александар Вучиќ и со унгарскиот премиер Виктор Орбан, кои се „претставници на прорускиот табор на Путин во Европа“.
Посетата на Белград, потсетува весникот, се совпаѓа со 25-годишнината од бомбардирањето на кинеската амбасада во главниот град на Србија за време на воздушните напади на НАТО за што западната алијанса секогаш тврдеше дека е грешка.
„Сепак, Џјинпинг вешто ќе го искористи настапот на таа 25-годишнина за да го нагласи наративот за агресивен западен сојуз“, пишува „Тагес-анцајгер“.
Тој ќе биде пречекан во Будимпешта на 8 мај, на 20-годишнината од влезот на Унгарија во Европската Унија. „Во меѓувреме, таа земја се претвори во центар на руските и кинеските интереси“, пишува весникот.
Тој ќе најави изградба на голема кинеска фабрика за автомобили во Печ „точно на време за да се заобиколат казнените тарифи на Европската комисија поради инвазијата на електрични автомобили од Кина“.
Весникот забележува дека францускиот претседател Емануел Макрон неодамна го задоволил кинескиот моќник во Пекинг со изјавата дека Тајван е внатрешно кинеско прашање и дека Европа не смее да дозволи САД да го вовлечат во конфликтот, а исто така и со своите барања за поголема стратешка автономија за Европа.
„Сѐ што ја ослабува трансатлантската врска меѓу Американците и Европејците е во интерес на Кина“, пишува швајцарскиот дневен весник.
Гостин од Кина не доаѓа во Европа со пријателски намери“, заклучува весникот.