Македонија
Судски совет одреди колку судиите месечно минимум предмети мора да сработат
Судскиот совет на Република Македонија одржа седница на која го утврди бројот на минимум решени предмети по судија за еден месец.
Судскиот совет на Република Македонија одржа седница на која го утврди бројот на минимум решени предмети по судија за еден месец. Според одлуката кривичарите мора да сработат 17 предмети додека граѓанските судии во зависност од спорот се движи и бројката на задолжително решени предмети. Кривичарите кои работат со малолетни мора да решат три предмети повеќе од нивните колеги односно 20 , а од истите судови во одделот за прекршоци секој судија мора да затвори 150 предмети. Учеството на судиите во работата на кривичниот совет на судот исто така ќе се вреднува и тоа на 50 предмети како член на советот на судијата ќе му се пресметува еден. Истражните судии како и кривичарите ќе мора месечно да истражат и комплетираат 17 предмети. Судскиот совет донесе одлука и за судиите во Врховен , Управен и Виш управен суд. Просечно управните судии треба да затворат 40 предмети, врховните по 16. Исто така е предвидено судиите кои работат на предметите во кои се одлучува за право на судење во разумен рок мора да решат 20. Судскиот совет е надлежен за мониторинг на работата на судиите и по прибирањето на вкупната оценка за работата на секој судија во предвид ќе биде земени и колку предмети решавал судијата месечно. За судиите кои нема да го достигнат минимумот се предвидени на санкции. Крај.км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.