Многу практично би било Македонија да ги почне преговорите за членство во Европската Унија заедно со Исланд, вели еврокомесарот за пррошируваше Штефан Филе, но додава дека за тоа одлучува Советот на ЕУ, a не ЕК

Според него тоа ќе ја зајакне нејзината европска перспектива, но Европската комисија нема институционална одговорност да одлучува за старт на преговорите, туку тоа е одлука на Советот на ЕУОва е наведено во одговорот што еврокомесарот за проширување Штефан Филе на писмото што до него претходно го испрати словенечкиот европратеник и потпретседател на делегацијата на ЕП за југоисточна Европа, Јелко Кацин.Покрај тоа, Филе во писмото наведува дека преговорите кои се водат под покровителство на ОН околу спорот за официјалното име на Македонија „остануваат клучни за успешно продолжување на европските интеграции на земјата“. Словенечкиот пратеник Кацин официјалното писмо до Штефан Филе го испрати на 23-ти март по најавата дека Исланд ќе добие датум за почеток на преговорите за членство во ЕУ, во кое тој предложи истовремено да и биде доделен датум и на Република Македонија. Кацин бара земјава да ги почне преговорите истовремено со Исланд, со што Комисијата би демонстрирала „практичен и ефикасен пристап“. Потсетувајќи дека „политиката за проширување се има покажано како една од најуспешните достигнувања на ЕУ“, Кацин порачува дека отварањето на преговорите со Македонија ќе доведе до „подобрување на економската и политичката клима во земјата, што ќе има значајно позитивно влијание на поширокиот регион, вклучувајќи ја и Грција“.Кацин потсетува дека на 14 октомври 2009 г., Комисијата му препорача на Советот ма Европа врз основа на успешните реформи и политичките критериуми да се отворат преговори за членство со Македонија и дека било договорено за ова прашање да се расправа во текот на Шпанското претседателство со ЕУ.