Македонија
Ленка и ССНМ оспорија пред Уставен неколку членови од Законот за работни односи
Движењето за социјална правда Ленка и Самостојниот синдикат на новинарите и медиумските работници ССНМ покренуваат Иницијатива пред Уставен суд за поведување постапка за оценување на уставноста и укинување на дел од одредбите за утврдување репрезентативност на синдикатите во Законот за работни односи.
Станува збор за одредбата (Член 213-в, ст.2, ал.2 и ст.3–4 од ЗРО) која што налага синдикатите за да добијат репрезентативност мора да поднесат „список на членовите кои плаќаат членарина заверен од страна наовластен претставник на синдикатот и работодавачот“ како и одредбата „Работодавачот е должен, на барање на синдикатот, да издаде потврда со списокот на членовите на синдикатот кои се вработени кај него и плаќаатчленарина.“
„Овие одредби кои наложуваат списокот на синдикалните членови дополнително да се верификува и од страна на работодавачот претставуваат директно мешање во внатрешните работи на синдикатот и се неспоиви со начелата на „слободно синдикално здружување“ и „дискретно [тајно] синдикално членство“ и како такви е во директна спротивност со уставот на Република Македонија, со самиот Закон за работни односи, но и со редица меѓународни конвенции и стандарди на Обединетите нации, Советот на Европа и Меѓународната организација на трудот (МОТ)“ реагираат од организациите.
Кон оваа Иницијатива за оценување на уставноста и бришење на спорните одредби од Законот за работни односи како потписници се приклучуваат и Синдикатот на вработените во управата, правосудството и здруженијата на граѓани (УПОЗ) како и Самостојниот синдикат на клиничките центри (ССКЦ) .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.