Македонија
ФЗОМ ветува доволно лекови на рецепт
Фондот за здравствено осигурување од петокот склучи договори со дополнителни 37 аптеки со што вкупната бројка изнесува 740 аптеки, соопштија денес од Фондот
Фондот има нов правилник за прераспределба на квоти на аптеките со кој се овозможува пореална распределба на парите по аптеки.Во соопштението од Фондот се вели дека за директна поткрепа на овој начин на дистрибуција, ФЗОМ одвои дополнителни 300 милиони денари на веќе одобрените две милијарди денари што претставува историски најголем буџет за лекови на рецепт во Македонија, а со цел максимална снабденост со лекови по аптеките.Скапите лекови не се сметаат во овој износ на квота.„ФЗОМ се надева дека осигурениците набрзо ќе ја почувствуваат оваа новина и повеќе нема да слушаат изговори од аптеките дека немаат квота за лек на рецепт“, велат од Фондот.Разликата во правилниците се состои во тоа да претходно парите се прераспределуваа по Подрачни служби, и отпосле по аптеките во Подрачната служба. Поради различниот број на аптеки по Подрачни служби и населението кое го покриваат постоеше голема разлика во реализацијата на квотите.„За надминување на ваквите состојби ФЗОМ во соработка со фармацевтската комора договори повеќе парите да не се распределуваат по подрачни служби на ФЗОМ туку Македонија да биде една територијална единица каде парите директно ќе се распределуваат по работни единици на ПЗУ АПТЕКИ а како критериуми ќе останат бројот на вработeни тимови и реализацијата на квотите“, се вели во соопштението на Фондот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: Усеини од ДУИ доби 500 000 евра од ДПМНЕ во Охрид
Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на изведувачот му се исплатени, а работата ни оддалеку не е завршена.
,,На изведувачот, само за реконструкција на дворот му се исплатени 230.000 евра од страна на Општина Охрид, за моментално оваа слика што ја гледате позади мене да биде ваква – грда, раскопана, каллива, нереконструирана…”, вели Носителот на ИЕ5 и Генерален секретар на Левица, Јована Мојсоска, од местото каде веќе цела година се одвиваат наводните градежни активности.
Според Мојсоска, баснословната сума и тендерот за овој цела година – раскопан двор по кој газат учениците од Охрид, повторно се во рацете на т.н. ,,локален шериф” од ДУИ.
,,Овој тендер заврши во рацете на познатиот Нефи Усеини, кој е рекордер по бројот на дивоградби тука во општина Охрид. Дополнително, истиот овој човек доби 80.000 евра тендер – повторно од Општина Охрид за реконструкција на оградата од дворот на истово училиште. И како тоа да не е доволно, токму Нефи Усеини за оваа иста гимназија доби 50.000 евра за електрична инсталација. Сè на сè, овој познат функционер, Нефи Усеини, доби, речиси, 500.000 евра од страна на власта на ВМРО – ДПМНЕ.
Мојсоска потсети дека во минатото, токму Нефи Усеини, беше симбол на неказнивоста на функционерите на ДУИ.
,,Нефи беше ослободен за нападот на советникот. Нефи Усеини беше ослободен од кривично гонење кога неговата фирма, директно, го загадуваше Охридското езеро. А како симбол на владеењето на овој градоначалник во сенка, остана познатата дивоградба, Пицерија во Чинарот. За жал, и тука се постави дека без разлика кој е на власт, повторно локалните функционери на ДУИ, никој не може да ги допре”, додава Носителот на ИЕ5, Јована Мојсоска.
Македонија
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните.
Кампањата за претседателските избори започна веднаш по првиот круг од изборите, додека дваесетдневната кампања за парламентарните избори на 18 април.
На полноќ започнува молкот пред изборите, кој завршува со затворањето на гласачките места на 8 мај во 19 часот.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.