Македонија
Груевски ќе се консултира со народот за секое сериозно решение

Премиерот Никола Груевски не сакаше да ја коментира колумната на својот коалиционен партнер Али Ахмети, но рече дека тој за сите сериозни прашања ќе се консултира со народот.
„Моја задача е да отворам очи и да внимавам што правам и за секое сериозно решение да се консултирам со народот”, рече Груевски.
Рече дека нема намера да спречи никого кој сака својот став да го изрази во колумна или јавно, но дека и тој ќе си ја исполни својата задача.
Според премиерот, секој може да го искаже своето мислење преку колумна, како Али Ахмети, Љубчо Георгиевски, Бранко Црвенковски и претставници на меѓународната заедница, но и дека и тој има право на свое мислење.
„Јас имам право на свое мислење, но имам и обврска пред граѓаните на Република Македонија, мојот став да не го спроведам без да ги прашам нив на референдум”, рече Груевски.
Али Ахмети во својата колумна вели дека е време за НАТО и време е Македонија да ги почне преговорите со Европската унија, а дека за тоа треба што поскоро да се најде решение на спорот со Грција, околу прашањето за името./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Објавени списоци на пренесените повредени во скопските болници

Објавен е список на пренесени повредени лица од дискотеката во Кочани во скопските болници.
Список од „8 Септеври“:
Список од Клинички центар:
Македонија
Герасимовски: Најдлабоко сочувство до семејствата на загинатите, Општина Центар стои на располагање да помогне на Општина Кочани и на сите граѓани

Градоначалникот Горан Герасимовски изразува најдлабоко сочувство до семејствата, роднините и пријателите на загинатите во големата трагедија во Кочани и истакнува дека Општина Центар стои на располагање за да помогне на Општина Кочани и на сите граѓани.
„Со голема тага и неверување утринава ја примив веста за трагедијата во Кочани, во која млади животи беа прерано згаснати. Најдлабоко сочувствувам со семејствата, роднините и пријателите на загинатите во оваа страшна несреќа. Ова е ненадоместлива загуба, болка што ја чувствува цела Македонија. На повредените лица, кои се под медицинска нега, им посакувам брзо и целосно закрепнување. Во моменти на ваква тага, најважно е да бидеме заедно, да се поддржуваме и да си помагаме. Општина Центар стои на располагање за да помогне на Општина Кочани и на сите граѓани на кои е потребно. Солидарноста е неопходна во овие тешки моменти. Нашите срца и мисли се со вас“, вели Герасимовски.
Македонија
Агелер изрази сочувство за настраданите во Кочани

Амбасадорката на САД, Анџела Агелер, изрази сочувство на семејствата на настраданите во пожарот во дискотеката „Пулс“ во Кочани, а на премиерот Мицкоски му понуди помош.
„Срцето ми се кине за многуте жртви во синоќешниот пожар во ноќен клуб во Кочани. Нашето најдлабоко сочувство за жртвите и нивните најблиски во ова страшно време, а на повредените им посакуваме брзо закрепнување. Загубата на толку многу млади животи во една заедница е страшна трагедија. На премиерот Христијан Мицкоски му понудив помош и сите ресурси на Амбасадата на САД, како и нашите молитви за сите оние кои страдаат денес,“ напиша Агелер.