Македонија
Средба Мулен-Стојановски: Продолжува армиската поддршка од САД
Македонија не запрела со армиските реформи, му порачал началникот на Генералштабот на АРМ на својот американски колега, јавува Гласот на Америка на македонски јазик. Македонија изразила благодарност за американската поддршка на сите полиња, а пред се` на армиското. На получасовната средба во Пентагон со началникот на Здружениот штаб на вооружените сили на САД, адмиралот Мајкл Мулен, началникот на Генералштабот на АРМ, генерал-потполковникот Мирослав Стојановски нагласил дека има унапредување на воената соработка во регионот преку разни форми на конференции и средби, соопшти аташето за одбрана на Република Македонија во САД полковникот Јорданчо Миладиновски за Гласот на Америка на македонски.Стојановски му порачал на Мулен дека Македонија не запрела со армиските реформи и дека продолжува трансформацијата на АРМ во мала и компактна армија која ќе одговори на предизвиците од 21-от век. Миладиновски вели и дека Стојановски на домаќинот Мулен му пренел дека стратегијата за одбрана на Република Македонија на среднорочен рок е веќе потпишана од претседателот Иванов во ноември 2010-та.Стојановски потенцирал дека за Македонија како приоритетно прашање останува проблемот со името на политички план, дека тоа е чувствителен проблем што задира во идентитетот на македонски народ, потоа дека земјата ја чувствува економската криза и дека таа има одредено влијание врз структурите на одбраната. Според аташето за одбрана на Република Македонија во САД, Мулен изразил разбирање за проблемот со името, ја повторил досегашната поддршка од САД и повторил дека очекува членство во НАТО – и тоа набрзо. Мулен пренесол порака дека и врховниот командант на силите на НАТО во Европа Џејмс Ставридис изразил целосна поддршка за членството на Македонија во Алијансата.Мулен се интересирал и каков би бил степенот на армиска подготвеност, со цел Македонија рамноправно да ги преземе сите одговорности кои следуваат со членството во НАТО. Стојановски го уверил дека постојано се врши проценка на декларираните македонски единици за НАТО и оти нивната подготвеност е на највисоко ниво, информира Миладиновски.На средбата била поздравена добрата соработката на АРМ со армијата на Вермонт. Стојановски искажал благодарност за можноста Македонија да учествува во мировната мисија во Авганистан, од каде армијата црпела искуство за идно учество во сојузнички акции. Во моментот има 10-тина македонски офицери на обука во САД и таа ќе продолжи и во иднина, информираше аташето Миладиновски, кој вели дека на средбата во Вашингтон се разговарало и за воена вежба во 2012-та на армискиот полигон во Криволак, под покровителство на Националната гарда на САД, а во која би се вклучени и други земји од регионот. Началникот на Генералштабот на АРМ, кој се наоѓа во неколкудневна посета на САД, претходно престојуваше во Канзас, каде го посети Центарот за обука и симулации на американската армија. /крај/voa/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници денеска го слават Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.
Македонија
Времето денеска сончево, од среда пороен дожд и грмежи
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени.
Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени.
Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”