Македонија
„Разбуди се“ бара и aлбански споменици на скопскиот плоштад
Граѓанското движење “РАЗБУДИ СЕ!” и сите други албански невладини организации бараат споменици на истакнати Албанци на скопскиот плоштадот.
Граѓанското движење “РАЗБУДИ СЕ!” и сите други албански невладини организации бараат споменици на истакнати Албанци на скопскиот плоштадот.
Тие исто така предлагаат Владата и град Скопје да изградат автентична куќа на Мајка Тереза на местото на спомен – плочата каде се наоѓала куќата на семејството Бојаџиу, стои во соопштението на “РАЗБУДИ СЕ!”.Барањето следи по интервјуто на министерката за култура Елизабета Канческа- Милевска на телевизија А1 во саботата, за проектот “Скопје 2014”.
„ Министерката за Култура на Република Македонија Елизабета Канческа-Милевска нагласи дека стои на располагање да прифати иницијативи од Албанската заедница како и другите за дополнување на проектот “Скопје 2014”.
Поздравувајќи ја готовноста на Министерката, Граѓанското Движење “РАЗБУДИ СЕ!” има чест да испрати барање за вклучување на Албански споменици на плоштадот на град Скопје при што центарот ќе го краси мултиетнички, мултиконфесионален и мултикултурен дух кој што ја карактеризира државата“, пишува во соопштението на граѓанското движење .
Од РАЗБУДИ СЕ! предлагаат изградба на Џамијата Бурмали, споменик на Адем Јашари, 28 Ноември, 17 Февруари, нападнатите борци на ОНА од 2001, на паднатите борци Албанци од Македонија на ОВК, на жртвата на Државниот Универзитет во Тетово Абдулселам, Хасан Приштина, Исмаил Ќемали, Иса Болетини, Призренската Лига, Јашар Бег Шкупи, Мит’хат Фрашери, Сестрите Чириази, Ибрахим Ругова, Ферид Мурати, Луан Харадинај, Албанската Кула и многу други предлози кои што ќе ви ги доставиме дополнително за другите градови низ цела Македонија. Сето ова во комбинација ќе заличи на традиционалната манџа “турлитава” што најубаво ќе го отслика општеството на денешна Македонија, се наведува во соопштението на РАЗБУДИ СЕ. /крај/со/ит/. Copyright 2010 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај утре во Скопје поради денот на полицијата
Министерството за внатрешни работи ги известува граѓаните на Скопје дека утре поради одржување на настан за одбележување „7 Мај – Ден на полиција“, во периодот од 08.00 до 18.00 часот за сообраќај ќе биде затворен бул.„АСНОМ“ на потегот од крстосница со бул.„Србија“ до крстосница со бул.„Февруарски поход“. Единицата за безбедност на патниот сообраќај при СВР Скопје ќе преземе мерки за пренасочување на сообраќајот.
Секторот за внатрешни работи Скопје апелира до сите учесници во сообраќајот да се почитуваат наредбите кои ќе ги даваат полициските службеници.
Македонија
Снопче ја праша ДУИ: Со која партија ќе формирате влада и зошто не го поддржувате Пендаровски во вториот круг
Кандидатот за пратеник од коалицијата ВЛЕН Халил Снопче изјави дека „Европски фронт“ не може да се промовира со старата гарда на Груевски.
„Велиме дека Груевски бил најкриминализирана сила. Не можете да го промовирате „Европскиот фронт“ со кандидат за пратеник на црната листа на Америка. Не можете да го промовирате „Европскиот фронт“ со целосно неприродна соработка. Мендух Тачи го нарече Али Ахмети, убиец. Зијадин Села пак, рече дека тој бил организатор на 27 април, дека Али Ахмети ја нарачал неговата елиминација а сега ги здружуваат силите“, рече Снопче.
Според него, ДУИ се уште не се изјасниле со која партија ќе коалицираат во идната влада.
„ДУИ мора да каже. Ако сака да биде во владата, со која партија ќе коалицира. Не се изјаснија“, рече Снопче.
Снопче додаде дека ДУИ од една страна ја критикува ВМРО, а од друга страна ги моли оние што ги критикуваат.
„Следната влада ќе се создаде со 61 пратеник, затоа ја прашувам ДУИ со која партија ќе формира влада. Според резултатите од 24 април, ако ги претвориме во мандати, СДСМ ќе добие 24 пратеници. Максим Димитриевски рече дек не влегува во влада со ДУИ. ДУИ може да формира влада само со ВМРО, додека ВМРО изрази дека нема место за ДУИ во следната влада”, рече Снопче, апелирајќи до ДУИ да посочи со која партија ќе формира Влада.
Снопче на крајот ја праша и ДУИ зошто не го поддржуваат Стево Пендаровски во вториот круг како што го поддржаа на претседателските избори во 2019 година како консензуален кандидат.
Македонија
(Видео) Ковачки: За два дена граѓаните ќе имаат можност да избираат помеѓу Македонија понижена, ограбена, и Македонија горда
За два дена од денеска, во среда се гласа. За два дена граѓаните ќе имаат можност да избираат помеѓу Македонија понижена, ограбена, опустошена, опљачкана и Македонија горда, достоинствена, Македонија која што се гради и во која што важат законите за сите подеднакво, изјави Драган Ковачки, носител на изборна единица 3.
– Затоа од овде, од патриотско Карбинци повикувам на сплотеност, на обединетост, на семакедонско единство, на се општествено единство, на национално единство. Да бидеме горди и да бидеме достоинствени. Да си ја вратиме Македонија во рацете на граѓаните. Ве повикувам сите заеднички да излеземе и да гласаме за бројот 2 – рече Ковачки.