Поранешниот воен командант на босанските Срби генералот и обвинет за воени злосторства во Хаг, Ратко Младиќ попладнево е превезен во зградата на Специјалниот суд во Белград, каде што ќе му биде прочитано обвинението и ќе биде испитан од истражен судија.

Поранешниот воен командант на босанските Срби генералот и обвинет за воени злосторства во Хаг, Ратко Младиќ попладнево е превезен во зградата на Специјалниот суд во Белград, каде што ќе му биде прочитано обвинението и ќе биде испитан од истражен судија.Најбараниот бегалец пред Меѓународниот кривичен суд за воени злосторства на територијата на поранешна Југославија, генералот Ратко Младиќ откако беше утрово уапсен, во четвртокот попладне од централата на Безбедносната воена агенција (БИА) е пренесен во Специјалниот суд во Белград. По сослушувањето истражниот судија од Одделот за воени злосторства на Вишиот суд во Белград ќе донесе одлука дали се исполнети претпоставките тој да биде екстрадиран на Хашкиот трибунал. На оваа одлука Младиќ и неговата одбрана имаат право да се жалат,а конечната одлука во тој случај треба да ја донесе министерството за правда на Србија.Спротивно на очекувањата во центарот на Белград се собра помала група млади луѓе кои протестираа против апсењето на Младиќ. Десетината момчиња не носеа никакви транспаренти, туку извикуваа разни слогани од кои покрај името на уапсениот поранешен воен командант на Република Српска најчесто беше извикуван слоганот „Нож, жица, Сребреница“. Исто така, протестот беше обезбедуван од неколку полицајци. Министерот за внатрешни работи на Србија, Ивица Дачиќ, на конференцијата за медиумите изјави дека при апсењето на Ратко Младиќ во селото Лазарево близу Зрењанин не било употребено огнено оружје бидејќи не бил пружен никаков отпор. А акцијата била спроведена заеднички од припадници на српското МВР и на разузнавачката агенција БИА.Апсењето на Ратко Младиќ во четвртокот попладне го поздравија и претседателот на Европскиот совет Херман ван Рампуј кој наведе дека станува збор за „пресвртница“ за Србија и за меѓународното право. Акцијата на Белград ја поздравија и претседателот на делегацијата на Европскиот парламент за југоисточна Европа, Едуард Кукан за кого апсењето на Младиќ е „позитивен развој за европските амбиции на Европа“. /крај/тан/афп/сн