Свет
Нов дух за решавање на спорот со името
Македонските власти презентирале нов дух за надминување на спорот со името со Грција.Со ваква констатација пред јавноста излезе германскиот европратеник Јорго Шацимаркакис по денешната средба на премиерот Никола Груевски и вицепремиерот Васко Наумовски со членовите на…
Македонските власти презентирале нов дух за надминување на спорот со името со Грција.
Со ваква констатација пред јавноста излезе германскиот европратеник Јорго Шацимаркакис по денешната средба на Премиерот Никола Груевски и вицепремиерот Васко Наумовски со членовите на мeшовитиот парламентарен комитет Македонија – Европска Унија.
„Многу ми е мило што видовме позитивна посветеност кај премиерот Груевски за надминување на спорот со името. Многу ми е мило за оваа нова идеја и се надеваме дека престојните недели ќе донесат резултат и тоа е многу важна порака“, рече Шацимаркакис, без конкретно да ги наведе “новите идеи“ презентирани од македонските власти, но со јасна констатација дека доколку се спроведат во пракса, ќе дојде до надминување на спорот со името со Грција и до старт на пристапните преговори на Македонија со ЕУ.
Европратениците побараа единство од македонските политичари во врска со прашањето со името.
„Ги повикуваме оние што донесуваат одлуки во Македонија поврзани со надворешниот свет да настапуваат во еден глас. Повикуваме да се изгради заеднички став меѓу Владата, опозицијата и другите делови од општеството и заеднички да се одреди позицијата на Македонија за прашањето за името и други прашања“, изјави словенечкиот европратеник и известувач за Македонија, Зоран Талер.
Делегацијата од Брисел недвосмилено потенцираше дека доколку не дојде до решавање на спорот со името и старт на преговорите со Унијата, тоа ќе има негативни последици врз Македонија и регионот.
„Неостварувањето на напредок нема да донесе проблеми само на вашата земја, туку на целокупното соседство и на Европската Унија како целина“, предупреди словенечкиот европратеник Алојз Петерле.
Од македонска страна, европратениците слушнале и цврста заложба за продолжување на реформите поврзани со европската интеграција.
„Во Европскиот Парламент гледаме, а се надевам и во иднина ќе гледаме цврст партнер за исполнување на сите услови со цел Република Македонија да стане полноправен член на Европската Унија“, изјави потпретседателот на Владата задолжен за европски прашања Васко Наумовски.
Европратениците навестија засилен притисок врз Скопје и Атина за надминување на спорот со името, констатирајќи дека „трпението на Европската Унија не е вечно“. Заеднички посакаа, наместо балканизација на Европа, да видат европеизација на Балканот. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Ако загубам во ноември, Евреите ќе изгубат многу
Поранешниот американски претседател и републикански кандидат на претстојните претседателски избори, Доналд Трамп, на настан во Вашингтон, чија цел е борба против антисемитизмот, изјави дека ако загуби во ноември, „Евреите ќе изгубат многу“.
„Нема смисла“, рече Трамп за Евреите кои гласаа за потпретседателката на САД и демократска кандидатка Камала Харис, објави Политико.
Трамп рече дека секој Евреин што гласа за неа треба да ја прегледа главата.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.
Свет
Германија планира да и даде на Украина уште 400 милиони евра воена помош
Германската влада има намера оваа година да одвои дополнителни 400 милиони евра за воена поддршка на Украина, се наведува во писмото на Министерството за финансии до Комисијата за буџет на Бундестагот.
„Германската влада планира краткорочно да одвои дополнителни 400 милиони евра за воена поддршка на Украина“, се наведува во писмото, пренесува Handelsblat.
Државниот секретар за финансии Флоријан Тонкар, кој го потпиша писмото, укажа на опасноста „Украина да претрпи пораз во одбранбената кампања без значително зголемена материјална поддршка“.