Свет
Рубини предвидува распад на еврозоната
Песимистичка оценка за перспективата на Европската Унија и еврото даде професорот од њујоршкиот универзитет Нуриел Рубини на светскиот економски форум во Давос, јавуваат руските медиуми.
Песимистичка оценка за перспективата на Европската Унија и еврото даде професорот од њујоршкиот универзитет Нуриел Рубини на светскиот економски форум во Давос, јавуваат светските медиуми.
Рубини истакна дека Шпанија ја загрозува еврозоната повеќе и од Грција. Тој изјави дека во иднина може да се очекува распаѓање на монетарниот сојуз на ЕУ, а ризикот ваквата закана да стане реалност постојано расте.
Професорот оцени дека засега еврозоната ќе функционира со силен центар и послаба периферија и во даден момент некои од членките на ЕУ може да излезат од неа. Рубини, кој ја предвиде глобалната економска криза, рече дека тоа ќе биде прв испит за еврото како валута.
Шпанија и Грција се соочуваат со висок буџетски дефицит и пад на конкурентноста, а бидејќи се дел од еврозоната неможе да прибегнат кон девалвација и со извоз да го забрзаат излезот од рецесија. Минатата година буџетскиот дефицит на Грција беше четири пати поголем од утврдената квота од 3% од БДП. Долгот на Грција годинава може да достигне до 120% од БДП и ќе биде најголем меѓу земјите членки на ЕУ.
Шпанија, која исто така се соочува со растечки долг, претставува поголема закана од Грција бидејќи е четврта економија во регионот, оценува Рубини.
Од друга страна, првиот човек на Светската банка Жан Клод Трише изјави дека е апсурдно да се мисли дека еврозоната може да се распадне./крај/бе/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.