Македонија
СДСМ го повика Шврговски да не потпаѓа под притисоци
СДСМ денеска ја поздравија одлуката на Јавното обвинителство да отвори предмет по прилогот на А1 телевизија за злоупотреба на слободата на изразување на граѓаните на изборите, притоа повикувајќи го обвинителот Шврговски да не потпаѓа под притисоци.
СДСМ денеска ја поздравија одлуката на Јавното обвинителство да отвори предмет по прилогот на А1 телевизија за злоупотреба на слободата на изразување на граѓаните на изборите, притоа повикувајќи го обвинителот Шврговски да не потпаѓа под притисоци.
„Македонија е пред избори, а злоупотребите се сериозни и можеби имаат влијание врз изборниот процес. Како што стојат работите, обвинителството во моментов е единствениот орган кој може да го врати изборниот процес во нормала. И покрај јавно декларираната блискост до власта, го повикуваме обвинителот Шврговски да не потпадне под притисоци, кои судејќи по минатите искуства, најверојатно нема ни овој пат да изостанат“, рече потпретседателот на СДСМ, Гордан Георгиев.
СДСМ сметаат дека премиерот Никола Груевски нешто крие и дека не се соочува со јавноста.
„Самиот факт што вчера Груевски се појави на неговата омилена телевизија да одговара на нарачани прашања наместо да се соочи со јавноста е доказ дека тој нешто крие. Во спротивно, доколку навистина станува збор за монтирана афера, немаше три дена да бега од новинарите, а неговата партија да се заканува со тужби. Како и милион пати претходно кога треба да се вади, Груевски „непланирано“ се појави на телевизијата на неговиот коалиционен партнер и во 30 минути се обиде безуспешно да ја растера маглата“, истакна потпретседателот на СДСМ.
Тој додаде дека Груевски вчера несвесно признал дека списоците за кои зборува А1 не се монтирани.
„И што е најстрашно од сè, се обиде вината да ја префрли на своите партиски војници во јавната администрација, на кои тој им наредил да уценуваат за сигурни гласови“, рече Георгиев./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
ВМРО-ДПМНЕ контра Кузеска: Оваа Влада вложува во модернизација, претходната потроши 5 милиони евра на службени возила
За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра, реагира ВМРО-ДПМНЕ на прес-конференцијата на портпаролката од СДСМ, Богданка Кузеска.
„Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе“, велат од ВМРО-ДПМНЕ.
Додаваат дека во буџетот за 2025 година предвидено е зголемување на средствата за модернизација на МВР, одбраната, здравството, земјоделието, односно предвидени се зголемени средства за набавка на опрема во сите институции.
Кузеска претходно денес на прес-конференција обвини дека власта ги одби амандманите за поголеми плати, а ќе троши на мебел и скапи автомобили за функционерите.