Македонија
ВМРО-ДПМНЕ: Народот не сака враќање во транзицијата
Народ кој не сака враќање на полошо, на времето на транзиционата приватизација, ТАТ, богатење на поединци за време на ембаргото, владеењето без напредок и кошмарот од деведесеттите, рече на портпаролот на владејачката ВМРО-ДПМНЕ
Народ кој не сака враќање на полошо, на времето на транзиционата приватизација, ТАТ, богатење на поединци за време на ембаргото, владеењето без напредок и кошмарот од деведесеттите, рече на портпаролот на владејачката ВМРО-ДПМНЕНа прес-конференцијата портпаролот Александар Бичиклиски, го коментираше денешното објавување на кадровскиот состав на Советот на најголемата позициска партија СДСМ, во кој влегоа поранешни министри и високи државни функционери на социјалдемократите а го предводи архитектот Мирослав Грчев, поранешен градоначалник на скопската општина Центар.„Ако некој недостасуваше, денес е сигурно дека сите кадри од транзицијата СДСМ ги собра на едно место. Но треба да знаат дека старите транзициски политичари ангажирани од Црвенковски да му помогнат за враќање на власт заедно со Љубчо Георгиевски, ќе се соочат со новото време, со луѓе посветени на реформи и напредок, но ќе се соочат и со народ кој памeти и знае да прави разлика“, рече Бичиклиски. Тој смета дека со овој потег партијата СДСМ го навредила македонскиот народ, бидејќи, како што рече, „очигледно за да Бранко Црвенковски му додели функција на некого во СДСМ, потребно е да се исмејува сопствениот народ и сопствената историја’.Притоа Бичиклиски ја цитираше изјавата на Грчев дадена за една бугарска телевизија, при што за употребените термини од страна на Грчев како „будала и дилентант“ рече дека „не му личат на било кого, а најмалку на еден, поранешен градоначалник и функционер“.„Не се во прашање само ваквите зборови, туку и премолченото одобрување од СДСМ на ваквата изјава која ги навреди чувствата на илјадници и илјадници Македонци. Очигледно е дека на СДСМ не му смета исмевањето што Грчев го прави со сопствениот народ“, заклучи Бичиклиски./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници денеска го слават Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.
Македонија
Времето денеска сончево, од среда пороен дожд и грмежи
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени.
Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени.
Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”