Бројот на загинати во земјотресот во Нов Зеланд се зголеми на 145 лица, додека повеќе од 200 лица се водат како исчезнати, но мали се шансите да бидат пронајдени, соопштија властите

Земјотресот со јачина од 6,3 степени по Рихтеровата скала го погоди Крајстчерч на новозеландскиот Јужен остров во вторникот на 22 февруари.Премиерот на Нов Зеланд, Џон Ки изјави дека владата во понеделник ќе претстави пакет помош за околу 50 илјади лица кои ќе останат без работа поради ситуацијата во градот и повика на двеминутно молчење во спомен на загинатите и во чест на преживеаните.„Ова е најверојатно најтрагичниот настан во историјата на Нов Зеланд“, рече Ки.Боб Паркер, градоначалник на Крајстчерч, град со околу 400 илјади жители, додаде дека властите прават се за да бидат сите спасени.Дополнителни потреси ја отежнуваат работата на спасувачките екипи, 600 спасувачи кои дојдоа на помош од странство ноќта меѓу петокот и саботата не пронајдоа ниту еден преживеан,Од катастрофалниот земјотрес речиси е срамнет со земјата централниот дел на градот. Уништени се голем број згради, централната катедрала, а во неколку области нема ниту основни услови за. Според сеизмолозите, земјотресот со магнитуда од 6,3 степени по Рихтер имал епицентар во близина на градот, а бил на длабочина само од четири километри. Земјотресот  е најсмртоносниот во последните 80 години што го погодил Нов Зеланд.Во Нов Зеланд е прогласена вонредна состојба, а во самиот град Кеајсчр е прогласен полициски час. Економска штета предизвикана од земјотресот, првично се проценува на 12 милијарди долари. Според локалните власти тоа бил „најцрниот ден во историјата на земјата“.Во земјотрес со магнитуда од 7,1 степен во септември минатата година што го погоди истиот град беше причинета само материјална штета, без човечки жртви.Нов Зеланд се наоѓа над место каде се судираат две тектонски плочи. Во оваа земја годишно се бележат повеќе од 14 илјади земјотреси, но само околу 150 од ги чувствуваат жителите, а помалку од десет прават некоја штета.Во Крајсчрч живеат само неколку македонски семејства, кои, според информациите на македонскиот амбасадор во Австралија, ниеден од нив не е загинат, повреден или се води како исчезнат.