Македонија
Делегација од Московската духовна академија во Македонија
Висока делегација од Московската духовна академија (МДУ) од понеделник до петок (9-13 јуни) ќе престојува во Македонија, на покана на ректорот на Универзитетот „Св. Кирил и Методиј” во Скопје, Велимир Стојковски.
Делегацијата ја предводи Архиепископот Верејскиј г. Евгениј, ректор на МДУ, кој со ректорот на УКИМ потпишаа договор за соработка, во јануари 2013 година.
Во понеделеник во Ректоратот на УКИМ делегацијата од МДУ ќе се сретне со ректорот на УКИМ и деканот на Православно-богословскиот факултет проф. д-р Ацо Гиревски.
Во текот на престојот во Македонија, Архиепископот г. Евгениј ќе посети повеќе цркви, манастири и културно-историски споменици.
Посетата на делегацијата на МДУ е од големо значење, не само за Универзитетот, туку и пошироко, во насока на зацврстување на македонско-руските пријателски односи, се наведува во соопштението на УКИМ.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стоилковски: Дали има бактерија МРСА во хируршките сали на „Клиника“?
„Ќе даде ли некој одговор од Владата или од ДУИ и СДС што се случува во хирургија, наместо да се префрла топката од здравството кон ЈО“, праша Наум Стоилковски, портпаролот на ВМРО-ДПМНЕ.
Македонија
Скопскиот булевар „Кочо Рацин“ во мрак, луѓето со блиц од мобилен минуваат на пешачки (ВИДЕО)
Скопскиот булевар „Кочо Рацин“, на кој се наоѓа автобуската станица „Југодрво“, веќе неколку денови е во мрак. Уличните светла долж булеварот не работат, а улиците околу булеварот исто така не се осветлени – единственото светло на него доаѓа од становите на соседните згради.
Мракот ја загрозува безбедноста на пешаците и велосипедистите кои ги преминуваат пешачките премини и кој светат со блиц од мобилните за да поминат.
Граѓанската иницијатива „Шанса за центар“ ги повикуваат Град Скопје и градоначалничката Данела Арсовска да го вратат осветлувањето на булеварот, но досега нема никаква реакција од нив.
Оттаму, „Шанса за центар“ синоќа постави трепкачи за велосипед кај пешачките премини на „Кочо Рацин“, за да привремено „малку од малку“ ја подобрат состојбата на улицата.
Македонија
Обвинителството истражува дали има кривична одговорност за затворените хируршки сали и смрдеата во „Клинички“
Министерството за здравство прати известување до Обвинителството за затворените хируршки сали во Клиничкиот центар „Мајка Тереза“, кое е примено и распоредено кај јавен обвинител. Ќе се преземат дејствија за да се провери дали во настанот воопшто има елементи на кривично дело, соопштуваат од ОЈО Скопје.
Од ОЈО посочуваат дека Обвинителството постапува и гони само доколку има кривично дело.
Како што вчера објавивме, само во три сали во комплексот клиники „Мајка Тереза„ во моментов се извршуваат исклучително итни операции. Останатите сали веќе 7-ми ден се затворени, поради ширеење на непријатна миризба.
За состојбите на клинички центар вчера на прес-конференција реагираше портпарол на ВМРО-ДПМНЕ, Наум Стоилковски, кој рече дека цела недела, од минатата сабота трае проблемот со системот односно цевководот за кислород до операциски сали, цела недела нема испитување што е, што мириса, дали е загадено, дали навистина има јаглерод диоксид, како и дека во меѓувреме, со потпис со лична согласност, луѓе се оперираат на сопствен ризик.