Свет
Над 2,2 милиони луѓе останаа без струја во САД
Повеќе од 2,2 милиони луѓе во 11 сојузни држави на истокот и североистокот од САД останаа без снабдување со електрична енергија по налетот на ураганот Сенди, кој според предвидениот термин во понеделник навечер по локално време го погоди американскиот источен брег.
„Во зоната која е под удар на стихијата, без електрична енергија остана повеќе од 2,2 милиони луѓе. Далноводите се уриваат од ветрот и од скршените дрвја“, јавува телевизијата CNN.
Во Њујорк енергокомпанијата „Konedison“ објави дека од безбедносни причини ја исклучила електричната енергија во пониските области на Менхетен во поплавените зони, обрабени со облакодерите на овој финансиски центар. Во долниот дел на Менхетен околу 6,5 илјади луѓе останаа без електрична енергија, јавува телевизијата CBS.
Американскиот Национален центар за урагани ја преквалификуваше Сенди при движењето во насока на Њујорк од ураган во екстратропска бура или постотропски циклон, но оваа терминологија е само од технички карактер, бидејќи фактички Сенди не слабее. Класификацијата значи дека Сенди и натаму ја има силата на ураган, но ги загубила другите карактеристики на тропска бура, во прв ред температурата во нејзиниот центар. Таа е една од најголемите во историјата што ги погодиле САД. На копното пристигна на околу 10 километри југозападно од Атлантик Сити, во брзина на ветровите од 129 километри на час.
Во Њујорк во вторникот е суспендиран јавниот сообраќај, не работат образовните како и другите јавни институции и компании
Покрај, тоа во областа на американската престолнина Вашингтон, без струја се околу 140 илјади луѓе. Според извештајот на компанијата „Pepco“, во дистриктот Колумбија и неколку окрузи во државата Мериленд, без електрична енергија за околу 20 илјади корисници.
Компанијата „ Dominion Power“ од државата Вирџинија извести дека се исклучени 75 илјади нејзини корисници, компанијата „Baltimore Gas and Electric“ од Мериленд исклучила околу 26 илјади корисници, а компанијата NOVEC од Вирџинија не им испорачува електрична енергија на околу 15 илјади свои клиенти, а „Rappahannock“ во Вирџинија на пет илјади домаќинства.
И пред да стигне на копното Сенди без струја остави поради кинење на кабли три милиона луѓе на источниот брег, каде околу милион луѓе во секој момент чекаат наредба за евакуација. Бурата натаму се движи кон Њујорк, Вашингтон, Балтимор и Филаделфија во област во којашто живеат околу 60 милиони луѓе.
Ноќта кон вторникот по македонско време, властите на округот Ферфакс во Вирџинија објавија евакуација на две области поради опасност од поплави. Се планира да се евакуираат околу 125 приватни домови. Ова е прва област во предградието на Вашингтон, која објави делумна евакуација на жителите.
Така масивната бура Сенди во осум часот навечер во понеделникот по локално време стигна до источниот американски брег на јужниот дел од сојузната држава Њи Џерси.
Засега бурата се поврзува со пет смртни случаи, во Мериленд, Пенсилванија, Конектикат и Њујорк. Меѓу нив се две лица врз кои паднале стебла.
На патот кон копното Сенди ќе се спои со студениот фронт од западот и ќе се претвори во супербура, монструозен хибрид од тропска и зимска бура, којашто со себе носи голем врнежи од дожд и од снег.
Досега воздухопловните компании соопштија за 12 илјади откажани летови, јавниот сообраќај на источниот брег е целосно запрен, а штетите од бурите првично се предвидуваат на 10 до 20 милијарди долари. Доколку се покажат точни овие процени, Сенди ќе стане една од „најскапите“ природни катастрофи во американската историја.
Њујоршкиот градоначалник Мајкл Блумберг на прес-конференција во понеделникот навечер по локално време изјави дека градот добро се подготвил за бурата и дека не очекува оти штетите ќе бидат преголеми. Претходно беше сопран јавниот сообраќај, и затворени сите мостови. Од областа на Мехнетен и другое зони покрај реките Хадсон и Ист коишто почнале да се прелеваат преку насипите, евакуирани се 375 илјади жители. Во ноќта кон вторникот во системот на подземната железница почнал да продира водениот бран кој стигнал со бурата и почнал да ги исполнува. Дефинитивно е потврдено дена берзата на Волстрит останува затворена и во вторник. Телевизијата CNN јави дека во историската зграда на берзата, во салта во којашто се одвива тргувањето има најмлаку еден метар вода./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.