Македонија
Руската амбасада со реакција до Утрински весник за написите за Пуси Рајот
Рускиот амбасадор во Македонија, Олег Шчербак, преку отворено писмо упати реакција до Утрински весник за написите поврзани со случајот на групата Пуси Рајот.
По написите во весникот „Путин jа претвора Русиjа во репресивна држава“, „Панкерки против Путин“, „Пуси рајот како во стариот комунизам“, рускиот амбасадор констатира дека „западните и македонските јавни гласила, изјавите на политичарите и на општествените дејци кои се поврзани со пресудата за учесничките на групата Пуси Рајот покажуваат неинформираност и се со површен приод на нивните автори“.
„Крајно неморални се и обидите да се претстави Пуси Рајот како жртва на политички репресии. Како прво, дури и при најбогата претстава, невозможно е пресудата да се нарече одмазда на претседателот Путин (ваквата интепретација особено им се допаднала на некои новинари). На крајот на краиштата, додека ‘панк-пејачките’ некако се обидуваа да се однесуваат пристојно според прифатените правила на пристојното општество, кон нив немаше никакви санкции, освен парични казни. А, токму Владимир Путин беше централната личност на нивната критика, бидејќи, според нивното мислење, тој е, цитирам: ‘симбол на патријархални погледи и на сексизам’. И сега темата за политички монтирана пресуда одново се дискутира, иако во текстот на пресудата се вели дека не постојат никакви претензии за содржината на перформансот на ‘Пуси Рајот’. Постојат жалби само за тоа каде и во кој облик ‘пан-пејачките’ ги обнародиле своите апели“, вели амбасадорот Шчербак во реакцијата до Главниот и одговорен уредник на Утрински весник, Соња Крамарска.
Изборот на Храмот на Христос Спасителот за т.н. панк-молебен, тие го објаснија со тоа што поглаварот на РПЦ, патријархот Кирил, го поддржал претседателот Владимир Путин. Но, токму Путин, по својата убедлива победа на изборите, го поддржаа водачите на сите религии во Русија, без исклучок! Така се наметнува и прашањето: што би се случило со ‘Пуси Рајот’ или со нивните поддржувачи, доколку тие би извршиле слично сквернавење во синагога, џамија или во хиндуистички храм? Впрочем, обидите да се навредат чувствата токму на православните верници и, во поширока смисла, чувствата на христијаните, се прават и сега од страна на адвокатите на Пуси Рајот. За тоа се зборува и во колумната на почитуваниот г. Чулев ‘Панкерки против Путин’, каде тој пишува за намерата на правниците да побараат ‘докази за постоењето на Богородица!’. Вам ваквото понижувачко барање ништо не ви кажува? Се враќаме ли на времето на прогон на христијаните, како што тоа се правело во епохата на Римската Империја или во периодот на гонењето на православната црква за време на болшевиците? Дали е возможен таквиот пристап во нашето време – време, кога терминот ‘човекови права’ доби конкретна правна смисла? Ако се придржуваме за вистинските вредности, за кои се зборува во друг материјал на ‘Утрински весник’ – ‘Пуси рајот како во стариот комунизам’, тогаш треба да се придржуваме и до слободата на совеста, т.е. слободата да се има какви било уверувања, вклучувајќи ги и религиозните, и да се почитуваат правата на верниците“, вели Шчербак во реакцијата.
„Како трето, сосема непристојно изгледаат обидите на некои медиуми да го уверат читателот во тоа дека Пуси Рајот имаат право, кога се подвлекува тоа дека во нивна одбрана застанале Мадона, Елтон Џон, групата КИСС итн. Секако, сите тие се мошне големи творечки личности и групи, кои оставиле своја трага во поп-музиката. Но, ако зборуваме отворено, тоа сосема не значи дека тие можат да претендираат за улогата на беспрекорни морални авторитети. И многу е тажно што овој свет засекогаш го напушти Мајка Тереза!“, вели рускиот амбасадор.
„Ќе бидам отворен и ќе кажам дека јас лично не би сакал некогаш бесни девојки, накитени со маски-гаќи, да направата баханалија пред олтарот на храмот Климент Охридски или во Мустафапашината џамија. Сигурен сум, г-ѓо Крамарска, дека и Вие не го посакувате тоа. Дали тоа ќе биде така, зависи од позицијата на секој од нас, вклучително и од весникот Утрински весник“, прашува рускиот амбсадор.
„Во секој случај, според резултатите на судскиот процес, руската јавност ја очекува прославата на правдината. Ќе биде ли ублажена пресудата или, напротив, ќе биде ли таа посурова, ќе реши судот. И јас сум уверен дека тоа ќе биде прослава на правото, а не «Пуси Рајот», што за мнозинството луѓе во Русија и надвор од неа стана синоним за творечка и морална деградација на личноста… “, се вели во рекацијата од руската амбасада. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Општина Бутел обезбеди еднократна финансиска помош за ранливи категории граѓани
Општина Бутел и оваа година обезбеди средства за исплата на еднократна финансиска помош за најранливите категории на граѓани.
Како што информираат од Општината, финансиската поддршка е дел од програмата за социјална заштита за 2026 година и произлегува од изборната програма на градоначалникот Дарко Костовски, која континуирано се спроведува веќе пет години.
Поддршката е наменета за граѓани со здравствени проблеми, како и за сите други ранливи категории граѓани. Од Општина Бутел истакнуваат дека оваа мерка претставува подадена рака и исполнување на дадените обврски кон граѓаните.
Во соопштението се наведува дека градоначалникот останува посветен на креирање политики кои обезбедуваат заштита на најранливите категории, како и создавање средина со еднакви можности за сите граѓани, при што се нагласува дека предизборните ветувања се реализираат во практика.
Македонија
(Видео) Фрчкоски од СДСМ обвинува: 51 тендер добила иста фирма по локалните избори
Антикорупцискиот тим на СДСМ денеска изнесе обвинувања за сомнителни тендери, посочувајќи дека фирма блиска до ВМРО-ДПМНЕ добила 51 тендер во вредност од околу 16 милиони евра.
На прес-конференција, членот на Извршниот одбор на СДСМ, Јон Фрчкоски, изјави дека станува збор за фирмата „Пирамид билдинг солушнс“, која, според тврдењата на СДСМ, од 2022 година, односно од периодот по локалните избори до денеска, добивала тендери во општини под контрола на ВМРО-ДПМНЕ.
Фрчкоски наведе дека само во општина Аеродром фирмата добила 22 тендери, во Гази Баба 10, како и во општините Ѓорче Петров, Прилеп, Битола и Гевгелија. Според СДСМ, дел од тендерите биле финансирани и со средства од унгарскиот кредит.
Како последен пример, од СДСМ го посочија тендерот од декември 2025 година со Град Скопје, во вредност од 320.000 евра, кој, според нив, бил доделен веднаш по преземањето на функцијата градоначалник од страна на Орце Ѓорѓиевски.
Македонија
Непознати глутници се појавија преку ноќ – пронајдени улични кучиња од Албанија во Скопје, се бара истрага и проверка на безбедносните камери
Здружението за заштита на животните Анима Мунди алармира и јавно бара итна, темелна и независна истрага поради сериозни индиции за организирано внесување и дислоцирање на кучиња во град Скопје, појава која, како што наведуваат, директно ја загрозува јавната безбедност, благосостојбата на животните и владеењето на правото.
Од здружението информираат дека во изминатите денови, на територијата на општина Карпош се појавила нова глутница кучиња кои се целосно непознати за локалното население и не се дел од постоечката улична популација. Според Анима Мунди, станува збор за нестерилизирани и необележани кучиња, што, како што наведуваат, исклучува можност за природен прираст и укажува на насилна дислокација.
Во соопштението се наведува дека јавното претпријатие ЈП Лајка нема оставено, ниту испуштено ваква бројка нестерилизирани и необележани животни на ниту една локација во Скопје, при што се посочува дека граѓаните со години ги познаваат уличните кучиња во своите маала, а овие животни не се дел од таа популација.
Анима Мунди информира дека на терен биле пронајдени и кучиња со ушни маркици од Република Албанија, што, како што наведуваат, отвора сериозни сомнежи за нелегален и можен прекуграничен транспорт и напуштање на животни.
Здружението бара целосна проверка на сите јавни и приватни безбедносни камери на локациите каде што кучињата се појавиле, како и на сите влезно-излезни правци кон Скопје. Се бара од Министерство за внатрешни работи и Јавно обвинителство да утврдат кој, како и од каде ги транспортира и истовара животните, наведувајќи дека, според нив, не станува збор за изолиран случај, туку за логистички организирана активност.
Во соопштението се наведува дека масовното напуштање и дислоцирање кучиња претставува суровост и сериозна општа опасност, поради што Анима Мунди поднела конкретни предлози за измени на Законот за заштита и благосостојба на животните, како и предлог-измени на Кривичниот законик, со кои напуштањето миленик, суровоста и предизвикувањето општа опасност би се третирале како кривични дела, по примерот на Република Хрватска.
Истовремено, од здружението упатуваат итен јавен повик до ЗЕЛС ова прашање да се отвори и дискутира на ниво на сите градоначалници, нагласувајќи дека секоја општина мора хумано и законски да ја третира проблематиката со уличните кучиња, преку масовна стерилизација, јасна евиденција и најстроги санкции каде што ќе се утврди масовно дислоцирање.
„Ова не е проблем на една општина. Ова е системска злоупотреба и мора да биде санкционирана“, се наведува во соопштението, со барање за итна истрага, одговорност и преземање мерки за сторителите да бидат најстрого санкционирани согласно закон.
Фото: илустрација (pexels)
Водата се повлекува во повеќе региони, дел од патиштата затворени поради поплави, одрони и снег
Центарот за управување со кризи информира дека по обилните врнежи, состојбата на терен е стабилизирана во дел од регионите, а...
(Видео) Запленети 5050 штеки цигари и електронски цигари на ГП Стар Дојран, уапсен српски државјанин
Вчера во 17:53 часот на Граничен премин Стар Дојран, на излез од државата, полициски службеници од Полициската станица за граничен...
Генералниот секретар на ОН: Шокиран сум од насилството и прекумерната употреба на сила од страна на иранските власти
Генералниот секретар на ОН, Антонио Гутереш, во неделата ги повика иранските власти да „покажат максимална воздржаност“ по смртоносните протести што...
Иран најави враќање на интернетот и му порача на Трамп: Подготвени сме за војна, но и за дијалог
Интернетот наскоро повторно ќе биде достапен низ целиот Иран, објави иранскиот министер за надворешни работи, Абас Арагчи, објави Ал Џезира....
Алиу: Предлог-законот за заштита од пушење објавен на ЕНЕР, отвораме јавна расправа пред неговото усвојување
Министерството за здравство информира дека предлог-законот за заштита од пушење е објавен на електронскиот национален регистар на прописи (ЕНЕР), каде...
Минусни температури низ целата земја, на Попова Шапка измерени -16 степени
Утрово најстудено било на Попова Шапка кадешто се измерени -16 степени целзиусови, -14 било во Mаврови Анови, -13 во Kрушево,...
Трамп: Иран нè контактираше за преговори
Американскиот претседател Доналд Трамп во неделата изјави дека Иран побарал да започне разговори со САД, додека земјата се справува со...
Иранската револуционерна гарда му се закани на Трамп
Иранската револуционерна гарда јавно му се закани на Доналд Трамп поради неговото споменување на потенцијална американска воена акција против владата...
Телеграф: Лондон планира да испрати војници на Гренланд, Велика Британија: Тоа е поради Русија
Велика Британија вчера соопшти дека дискусиите со другите членки на НАТО за одбивање на руската активност на Арктикот се „рутински“,...
Почувствуван земјотрес во Прилеп и околината
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Русите го замрзнуваат Киев, Зеленски: Ситуацијата е исклучително тешка
Повеќе од 1.000 станбени згради во Киев остануваат без греење по разорниот руски напад во петок наутро, соопштија локалните власти....
(Видео) ДИК со првични неофицијални резултати од повторените локални избори во четири општини
Државната изборна комисија (ДИК) вечерва ги објави првичните, неофицијални резултати од повторените избори во општините Врапчиште, Гостивар, Маврово Ростуше и...
(Видео) Мицкоски: Победата во Маврово-Ростуше е знак дека граѓаните наградуваат резултати, а кланот на Филипче доживува нов дебакл
„Денешниот изборен ден во четирите општини помина во демократска, мирна и достоинствена атмосфера. И покрај тешките временски услови и одредени...
(Видео) Иран во пламен – објавени нови снимки од протестите, додека бројот на загинати надмина 500
Бројот на загинати во протестите во Иран се искачи на 538 лица, објави Ројтерс. Меѓу нив се 490 демонстранти и...
Трамп размислува за можна воена интервенција во Иран, вели Си-Ен-Ен
Претседателот на САД, Доналд Трамп, разгледува низа можни воени опции за Иран по смртоносните протести во земјата, изјавија двајца американски...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
