Претседателот на САД, Џо Бајден официјално го објави постигнувањето на договорот за прекин на огнот меѓу Израел и Хамас и постепеното ослободување на заложниците и палестинските затвореници.

„Ова е многу добро попладне, бидејќи конечно можам да објавам поститнување на прекин на огнот и договор за заложниците меѓу Израел и Хамас по повеќе од 15 месеци конфликт што започна со бруталниот масакр на Хезболах 7-ми октомври“, рече Бајден, погрешно наведувајќи која група го почна нападот на 7 октомври 2023 година, пренесе „Си-ен-ен“.

Тој додаде: „Повеќе од 15 месеци терор за заложниците, нивните семејства, израелскиот народ. Повеќе од 15 месеци страдање на невиниот народ во Газа. Борбите во Газа ќе престанат. И наскоро заложниците ќе се вратат дома кај нивните семејства“.

Претседателот Џо Бајден објасни дека преговорите ќе одат подалеку од привремениот прекин на огнот до втората фаза од договорот што може да вклучи траен крај на војната.

„Во текот на следните шест недели, Израел ќе преговара за втората фаза, што е траен крај на војната. Дозволете ми да повторам: траен крај на војната“, рече Бајден.

„Постојат голем број детали за преговарање, за преминување од првата фаза во втората фаза. Но според планот ако преговорите траат подолго од шест недели, прекинот на огнот ќе продолжи се додека траат преговорите“, додаде тој.

Бајден, исто така, потврди дека Американците ќе бидат дел од ослободувањето на заложници во првата фаза.

Според договорот, Хамас и неговите сојузнички милитантни групи се очекува да ослободат 33 израелски заложници заробени за време на нападите на 7 октомври 2023 година со што почна војната.

За возврат, Израел ќе ослободи стотици палестински затвореници и, според Бајден, „Палестинците исто така можат да се вратат во своите населби во сите области на Газа и ќе започне напливот на хуманитарна помош во Газа“.

Во потенцијалната трета фаза од договорот, телата на убиените заложници ќе бидат вратени на нивните семејства и ќе започне голем план за реконструкција на Газа, рече Бајден.

Прес-конференцијата на Бајден во Белата куќа, придружуван од потпретседателката Камала Харис и државниот секретар Ентони Блинкен, започна додека премиерот на Катар потврдуваше дека е постигнат договор кој ќе стапи во  сила в недела, на 19 јануари.

Катарскиот премиер Шеик Мохамед бин Абдулрахман Ал Тани одржа прес-конференција во Доха на која потврди дека е постигнат договор за прекин на огнот меѓу Израел и Хамас. Договорот ќе стапи на сила во недела на 19 јануари, рече тој.

Првата фаза од договорот за прекин на огнот, која ќе трае 42 дена, ќе вклучува ослободување на 33 израелски затвореници, вклучувајќи жени, деца, постари лица и цивили кои се ранети или болни. За возврат, Израел ќе ослободи одреден број затвореници кои се чуваат во израелските затвори, додаде тој.

Катарскиот премиер Шеик Мохамед бин Абдулрахман Ал Тани одржа прес-конференција во Доха на која потврди дека е постигнат договор

Фазата ќе вклучува враќање на раселените лица во нивните домови и ќе овозможи патување на ранетите и болните лица за да добијат медицинска помош.

Првата фаза ќе обезбеди и зголемен пристап до хуманитарна и друга помош до сите делови на Појасот Газа, како и реконструкција на болници, здравствени центри и пекари. Исто така, ќе се овозможи влез на гориво, опрема за цивилна заштита и основни потреби за раселените лица кои ги загубија своите домови за време на војната.

Веста за постигнатиот договор се слави во Газа

Што се однесува до втората и третата фаза, тој рече дека деталите ќе бидат финализирани откако првата фаза ќе биде успешно имплементирана.

Кабинетот на израелскиот премиер, Бенјамин Нетанјаху, објави дека сè уште има клаузули во договорот за прекин на огнот за заложниците кои допрва треба да се финализираат, објави „Тајмс оф Израел“.

Израел се надева дека „деталите ќе бидат финализирани вечерва“, велат од кабинетот на Нетанјаху.

Откако на помеѓу медиуми, меѓу кои „Си-ен-ен“, „Ројтерс“, „Тајмс од Израел“, попладнево одекна веста дека е постигант договор помеѓу Израел и Хамас почна славје на улиците во Тел Авив и Газа.

Celebrations erupt in Gaza’s streets after the ceasefire deal is reached.#Gaza #Hamas #GazaCeasefirepic.twitter.com/7RCQBW1Arm

— Muslim Voice (@MuslimVoice_eng) January 15, 2025

ख़ैबर ख़ैबर या यहूद
जैश-ए-मोह़म्मद सूफ यऊद

गज्जा की जंगबन्दी पर गज्जा वासियों की ख़ुशी. #Gaza
pic.twitter.com/K8kHsx8Cpz

— Tarique Anwar Champarni (@Champarni_Tariq) January 15, 2025

Веста за примирјето кусо по објавата ја потврди и новоизбраниот претседател на САД, Доналд Трамп.

Радост во Газа по веста за постигнатиот договор за прекин на огнот