Македонија
Потенцијалот на руско-македонската соработка да се искористи во целост
Постепениот развој на билатералната соработка меѓу Русија и Република Македонија во повеќе правци го одбележа почетокот на 2012 година.
Постепениот развој на билатералната соработка меѓу Русија и Република Македонија во повеќе правци го одбележа почетокот на 2012 година. Македонското раководството повеќе пати истакнуваше дека потенцијалот на руско-македонските односи продолжува да се зацврстува во интерес на народите на двете земји, пишува во вторникот руската агенција ИТАР-ТАСС во опсежниот текст за македонско-руските економски односи. Министерот за надворешни работи на РМ Никола Попоски изрази задоволство од „постојаното проширување на контактите меѓу владите на нашите држави “. Тој ја подвлече „динамичната соработка во областа на образованието, културата и туризмот“. Според него, Македонија му придава особено значење на градењето, развојот и зацврстувањето на пријателските односи со Руската Федерација и “тоа е поврзано не само со улогата што ја игра РФ на меѓународната арена, туку и со тоа што Русија претставува традиционален партнер на РМ“.„Во периодот што претстои ние планираме да го концентрираме своето внимание кон интензивирањето на економската соработка со РФ и кон привлекување на руски инвеститори во Македонија“ посочи Попоски. Тој додава дека потенцијалот на билатералните односи со Русија сé уште докрај не е реализиран. „Ние имаме намера да вложиме напори за зацврстување на трговските односи со РФ“, рече Попоски.Шефот на македонската дипломатија изјави дека годинава се планирани посети на највисокото раководството на Македонија во Русија „во текот на кои, покрај политичките прашања, детално ќе бидат разгледани и перспективите на економската соработка меѓу двете земји“. „Планирани се исто така и посети на ниво на министерства и други владини институции, како резултат на кои треба да бидат потпишани договори за отворање на културно-информативни центри во Москва и во Скопје, а исто така и за меѓусебно признавање на дипломите од високите образовни институции“, додаде тој.Лидерот на Демократската партија на Србите во Македонија /ДПСМ/, кој е и претседател на македонската парламентарна група за врски со руската државна ДУМА, Иван Стоиљковиќ, смета дека „треба поактивно да се искористат контактите меѓу законодавните органи на двете земји, зацврстувајќи го нивото на билатерална соработка и разменувајќи го насобраното искуство“. „Во 2012 година јас планирам да ги вложам сите свои усилби во воспоставувањето на одржлива соработка со колегите од РФ“, рече тој.Министерот за земјоделство, шумарство и водостопанство на РМ, Љупчо Димовски, кој ја предводеше македонската делегација на московскиот саем “ПРОДЕКСПО-2012“ во средината на февруари годинава, разговараше со својата руска колешка Елена Скриник. Соговорниците се договорија да создадат работна група во сферата на земјоделството која ќе биде дел од Меѓувладината руско -македонска комисија за трговско-економска и научно-техничка соработка .Димовски подвлече дека „македонските земјоделци се заинтересирани за пласман на своите стоки на руските пазари, и наша задача претставува да им укажеме соодветна помош“. “Потоа исто така да привлечеме руски капитал во РМ со цел создавање на големи трговски центри за купување, сортирање и транспорт на земјоделски производи во РФ, –продолжи министерот. – Ако ги заинтересираме руските инвеститори, ние ќе им обезбедиме транспарентност на целиот циклус на производство на стоките, што ќе стане гаранција на неговиот квалитет и еколошка исправност“.Според мислењето на директорот на Македонско-руската стопанска комора, Дејан Бешлиев за активирање на билатералната соработка во областа на земјоделството „треба поактивно да се рекламираат македонските достигнувања во оваа сфера, користејќи ги притоа сите механизми кои ги поседува државата“. Според него тоа се „спроведување на маркетиншки истражувања, целисходни посети на специјализираните саеми во Русија, покана во Македонија на специјалисти и заинтересирани лица од Русија, објавување на рекламни материјали на руски јазик“.„Македонско руската стопанска комора игра значајна улога во поставувањето и развојот на економските односи со Руската Федерација – подвлече Бешлиев. – Потврда на моите зборови може да служи и тоа што ние бевме вклучени во составот на Меѓувладината руско-македонска комисија за трговско-економска и научно-техничка соработка. Ние имаме договор за соработка со Стопанската комора на Македонија, а исто така и со коморите од Москва, Самара, Ростов, Липецк, Воронеж и Сочи. Со наше директно учество, македонските производители ја претставија својата продукција и изменија искуство со руските колеги за многубројните саеми, кои се одржуваа во различни региони на Русија. Затоа и можам со сигурност да изјавам дека Македонско-руската комора претставува катализатор на развојот на двостраната трговска соработка меѓу нашите пријателски земји“.Позитивен момент во билатералните односи стана и наградата што на 17 февруари годинава и беше доделена на почесниот конзул на РФ во Македонија, Даринка Крстанова – Орденот на пријателство. Претседателот на РФ Дмитриј Медведев и го врачи ова престижно признание во Кремљ за нејзиниот голем придонес во развојот на руско-македонската соработка./крај/итар-тасс/аб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лимани: Судот ја прифати жалбата на коалицијата ВЛЕН за „бугарскиот воз“ во Липково, се докажа изборниот инженеринг на ДУИ
Валбон Лимани од коалицијата ВЛЕН денеска на прес-конференција го презентираше решението на Управниот суд со кое се прифаќа жалбата на коалицијата ВЛЕН за полнење кутии во Липково.
„Управниот суд ја прифати жалбата на Коалицијата ВЛЕН за гласачко место во Липково, каде што имало полнење на кутија од страна на блиски луѓе на носителот на листа на ДУИ во оваа зона, со техника позната како „бугарски воз“. Во судската одлука стои дека тужбата на кандидатот на претседателските избори во 2024 година, Арбен Таравари, е прифатена“, рече Лимани.
Според Лиман, со ова се докажува изборниот инженеринг на ДУИ на претседателските избори на 24 април и ги повика надлежните институции да постапат за кражбата на гласови и чинителите да се изведат пред правдата.
„По парламентарните избори нод 8 мај, режимот на ДУИ ќе се сруши. Коалицијата ВЛЕН, како следна влада, ветува дека ќе го санкционира секој обид на владата во заминување да краде или купи гласови“, рече Лимани.
Македонија
Над 150 пијани возачи затекна полицијата на 1 Мај
Санкционирани се 157 возачи на територијата на целата држава, при полициски контроли за време на празничниот 1 Мај.
Од нив 41 на територија на СВР Куманово, по 34 на територија на СВР Битола, објави МВР.
За време на контролата санкционирани се и 183 други видови на сообраќајни прекршоци.
Сообраќајните контроли продолжуваат и во наредните денови. Се апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ, Бујар Османи.
На прес-конференција тој тврдеше дека не може да има Влада без двојно мнозинство, повикувајќи се на Рамковниот.
„Охридскиот рамковен доведе до две мнозинства, 61 и мнозинство по Бадентер. Забораваме и размислуваме само за едното мнозинство од 61. Едното секогаш оди со Бадентеровото. Ќе треба време за да ја сфатиме логиката на Охридскиот договор. Рамковниот договор има механизми за заштита на заедниците од надгласување, не е за заштита на мнозинската заедница. Затоа бара покрај 61 и Бадентерово мнозинство. Јалови се сите обиди да се потцени второто мнозинство при било кои избори по 2001 година“, рече Османи.
Тој упати низа обвинувања до ВМРО-ДПМНЕ, мѓу кои дека секојдневно рециклираат националистички тези, флертуваат со проруски интереси, отворено се закнуваат на, како што рече, славното востание од 2001, ги зголемуваат тензиите меѓу етничките и верските заедници, додека ДУИ гарантираат стабилност и соживот.
Во врска со тоа како ќе настапат во вториот круг од претседателските избори, односно дали и кој од двајцата кандидати ДУИ ќе го поддржат, одлуката ќе биде соопштена во наредните денови.