Црна хроника
Пронајдени 21 мигрант кои се шверцувале во две возила „ауди“
Полицијата открила вкупно 21 мигрант кои се шверцувале во две одделни возила марка „ауди“ кај селото Удово. Едниот од возачите кои шверцувал мигранти е фатен, додека другиот избегал.
Во петокот околу 16.30 часот на клучката кај село Удово полицајците забележале „ауди“ со скопски регистерски таблици полно со мигранти и уште едно возило „фолксваген пфаетон“, исто така со скопски регистерски ознаки, кое попречувало да извршат престигнување „аудито“.
Кај клучката кај Демир Капија „аудито“ се исклучило од автопатот и застанало, а возачот го оставил возилото со мигранти и избегал. Непосредно по напуштањето на возилот, полицајците од Полициската станица Михајлово го фатиле.
Во возилото пронајдени биле 16 мигранти од кои пет малолетни и 11 полнолетни лица. Од нив 10 лица се од Авганистан, едно чице Пакистан и пет лица од Ирак. Возачот на „аудито“ во кое се превезувале мигранти е идентификуван и се работи за дваесет и седумгодишен скопјанец.
Во 18.35 часот полицајците го забележале автомобилот „фолксваген пфаетон“ и биле легитимирани две лица А.Б.(26) и С.Д.(28) двајцата од село Арачиново, скопско. Поради сомнение дека се работи за организирана група на криумчарење на мигранти, лицата се приведени и задржани во Полициската станица Неготино.
Против македонските државјани ќе биде поднесена кривична пријава и во текот на денешниот ден ќе бидат спроведени до основниот суд Скопје-1 во Скопје.
Ноќеска околу 2 часот, по полноќ полицајци исто така кај село Удово забележале друго „ауди“ со скопски регистарски ознаки со мигранти, по што возачот ја зголемил брзината и околу 3 часот кај исклучок од автопат Гевгелија кон Скопје, кон стариот пат за Градско, возачот на возилото излегол и избегал.
Во возилото затекнати биле пет лица илегални мигранти и тоа три од Пакистан и две од Авганистан.
Возачот на возилото во кое се откриени мигрантите не е пронајден, а илегалните мигранти биле однесени во Полициската станица Велес.
За настанот известен бил дежурниот јавен обвинител од кој дадени биле насоки да се продолжи со потрагата по возачот, а илегалните мигранти да бидат сместени во Прифатниот центар за странци на МВР./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.