Свет
Украинец и скопска фирма сопственици на имотот од пет милиони евра
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2278.jpeg)
Непознат Украинец и една позната скопска фирма се крајните сопственици на денационализираното земјиште вредно пет милиони евра, дознава „Време“.
КОЈ СТОИ ЗАД МЕГАСКАНДАЛОТ ЗА ПРОДАЖБА НА ДРЖАВНО ЗЕМЈИШТЕМери Јордановска
Непознат Украинец и една позната скопска фирма се крајните сопственици на денационализираното земјиште вредно пет милиони евра, дознава „Време“. Според нашите извори, земјиштето наспроти Соборниот храм го добил извесен Украинец, а она во Градскиот парк и припаднало на позната скопска фирма блиска до опозициската СДСМ. Тројцата наводни сопственици, скопјаните Светлана Симоновска, Гроздана Манасиевска и Томислав Трајковски биле само една од последните алки на синџирот исплетен за вистинските сопственици на атрактивните локации во центарот на Скопје. Скопјаните го добиле државниот имот пред една година, а веднаш потоа преку хипотекарен договор за заем земјиштето им било пропишано на крајните корисници.
– На истиот начин преку невратен заем тројцата скопјани го дале земјиштето на Украинецот и на познатата скопска фирма која веќе поседува атрактивни локации во центарот на градот. Инаку смешно ќе беше целиот криминал да бил направен за некоја 25 годишна девојка да добие 170.000м2 државен имот. Сега со поништувањето на решенијата подолготраен ќе биде и процесот за враќање на земјата на државата затоа што треба да се оди повеќе чекори наназад – тврдат нашите извори.
Како што веќе обелодени државната комисија за спречување на корупцијата, второстепената владина комисија за денационализација минатата година за нива во Топанско Поле од 30.000м2 на пет скопјани без нивно знаење им доделила 177.000м2 државен имот во Центар, Карпош, Орешани и во Морани. Земјиштето преку невратен хипотекарен заем експресно им било пренесено на Симоновска, Манасиевска и на Трајковски, а потоа на крајните корисници – таинствениот Украинец и скопската фирма.
Сето ова било направено преку нотарите Никола Стојменовиќ и Гордана Ракочевиќ, екс директорката на катастарот и член на второстепената владина комисија Емилија Алексова, претседателот на Комисијата Саша Андоновски, адвокатката Ленче Димчевска и пензионерот Ордан Милановски. Сите тие се кријат од јавноста и одбиваат да дадат какво било објаснување за распродадениот државен имот.
Второстепената владина комисија по налог на поранешната влада во петокот ги поништи трите решенија и одлучи дека спорниот имот повторно треба да и се врати на државата. И покрај ваквата одлука, од антикорупциската комисија очекуваат казнена одговорност на сите инволвирани страни во мегаскандалот и негово целосно решавање.
КЛИНИЧКАТА БОЛНИЦА ВО БИТОЛА ПРЕД КОЛАПСДиректорот Ристевски до гуша во долгови и афери Пеце Стефановски
Директорот на Клиничката болница во Битола, д-р Дејан Ристевски, доби уште една кривична пријава, поради оштетување и повластување доверители на клиниката, со продажба на акциите и насочување на парите кон неповластени доверители. Тој во петокот беше викнат на информативен разговор, а потоа битолската полиција пријавата ја поднесе до обвинителството. Целата работа почна пред еден месец, кога со одлука на Управниот одбор клиниката ги продаде акциите од Стопанска банка АД Битола во вредност од 23 милиони денари. За тие акции клиниката секоја година се добиваше дивиденда од околу 1,2 милиони денари. Меѓутоа, без да се испочитува листата на приоритетни доверители за исплата и извршните судски решенија, директорот Ристевски на брокерот преку кој беше извршена трансакцијата, му наложил парите со цесија да се исплатат на неповластените доверители: „Авицена“, „Тосама“, „Промедика“, „Биомедика“ и др. Образложението било дека со продажба на овие акции долгот ќе се намали за 20 проценти, а со исплата на овие фирми да се овозможи набавка на неопходните материјали. Меѓутоа, веднаш следуваа реакции од акционерите, а пред неколку дена и на синдикатот со досега непотврдени обвинувања дека можеби се земени и провизии. Барем засега, пријавата се наоѓа во фиоката на јавниот обвинител и се очекуваат неговите идни потези. Претходно, во неговата фиока повеќе месеци собираше прав пријавата против директорот Ристевски, во која битолската полиција го товари за злоупотреба на службената положба и овластување по 12 кривични основи и поради злоупотреба на повеќе од осум милиони денари. Сега, оваа пријава конечно е предадена во истражна постапка.
Синдикалното раководство, кое претходно имаше коректна соработка со директорот Ристевски, па дури му овозможуваше финансиски трансакции преку синдикалната сметка поради постојаните финансиски блокади, на минатонеделната драматична средба целосно ги отвори картите и јавно проговори за финансиските дубиози во оваа здравствена установа. Поводот беше што синдикалната членарина не стаса на синдикалната сметка. Според финансискиот план на Фондот за здравство, Клиничката болница во Битола треба да добие 420 милиони денари, а за првото полугодие и беа префрлени 292 милиони денари. Дури во јуни пред изборите, иако месечната динамика на Фондот е проектирана на 35 милиони денари, Клиничката болница во Битола добила 78 милиони денари.
Меѓутоа, колку повеќе пари пристигнуваа, финансиските проблеми растеа се повеќе. Ако синдикалните пари се потрошија, ако фондовскиот лимит е пречекорен за 80 милиони денари, ако придонесите не се платени и здравствени картони нема, а платите доцнат повеќе од еден месец, тогаш како ќе биде во наредните месеци се прашуваат синдикалните активисти? Од нив никој не може да прогнозира кога и како ќе се земе јулската плата. Под постојана блокада на жиро сметката, Клиничката болница има вкупен долг од шест милиони евра, од кои половина ќе паднат на товар на Фондот за здравство. Покрај главниот долг од три милиони евра, 2,3 милиони денари не достасуваат за исплата на месечните плати, а не се платени и сметките за вода, струја и други комунални услуги. Храна за болните се обезбедува за атер, а нервозните доверители се колнат дека на болницата ќе и стават катанец и дека ќе ја доведат во класичен стечај.
Иако дел од финансиските дубиози директорот Ристевски ги наследи од своите претходници, сепак, покрај кривично правните расветлувања на неговото директорување врз кое осум месеци интензивно работи битолската полиција, во негово време се случија повеќе афери. Така поради расипани лифтови војниците на АРМ ги разнесуваа болните по скали. Аферата со неисправни крвни деривати остана недоразјаснета. Телефоните се исклучуваа поради неплатени сметки. Минатата зима на болните од дома им се носеа јамбојлии и термоси за да се стоплат поради немање греење. Во Клиничката болница владее хаос и паника меѓу вработените како никогаш досега.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Конзервираната храна со поминат рок ги труе жителите на Газа
![](https://makfax.com.mk/wp-content/uploads/2023/10/luge-gaza.jpg)
Јадењето конзервирана храна со поминат рок во Појасот Газа поради големиот недостиг на храна предизвика труење кај Палестинците, објави во понеделникот Канцеларијата за медиуми на владата на Газа.
Канцеларијата наведува дека „луѓето јадат конзервирана храна со истечен рок на траење, што предизвикува голем број труења“.
„Гладот и болестите се во пораст меѓу населението во Газа, особено на децата“, се додава во соопштението.
Канцеларијата го обвини Израел дека спроведува систематска политика на гладување и спречување на жителите на Газа да добијат медицински третман.
Исто така, се додава дека цел на израелските сили биле општинските екипи, кои се обидувале да ги обноват бунарите за вода во регионот.
„Израелската армија директно гаѓаше и тимови за цивилна заштита намерно онеспособувајќи ги“, се наведува во соопштението.
Поради војната и израелските ограничувања, кои го прекршуваат меѓународното право, Палестинците во Појасот Газа, особено во северните области, се соочуваат со екстремен недостиг на храна, вода и лекови, што доведува до гладување.
Мартин Грифитс, потсекретарот за хуманитарни прашања на Обединетите нации, на 12 јуни предвиде дека половина од населението на Појасот Газа ќе се соочи со смрт и глад до средината на јули доколку не се укине блокадата со хуманитарната помош.
Прекршувајќи ја резолуцијата на Советот за безбедност на Обединетите нации, со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Појасот Газа, почната по нападот на палестинската група на отпорот Хамас на 7 октомври минатата година.
Оттогаш повеќе од 37.500 Палестинци се убиени во Појасот Газа, повеќето жени и деца, а околу 86.000 се ранети, според локалните здравствени власти.
Израел е обвинет за геноцид пред Меѓународниот суд на правдата, чија последна одлука беше да им се нареди на израелските власти веднаш да ја прекинат воената операција во јужниот град Рафа.
Свет
Сестрата на кралот Чарлс итно примена во болница
![](https://makfax.com.mk/wp-content/uploads/2024/06/gfvdfvg.jpg)
Британската принцеза Ана добила лесни повреди и потрес на мозокот по инцидентот во нејзиниот имот во Геткомб парк минатата ноќ и моментно е во болница, соопшти Бакингемската палата.
„Принцезата Ана претрпе полесни повреди и потрес на мозокот по инцидентот во Геткомб парк вчеравечер. Нејзиното кралско височество останува во болницата ‘Саутмед’ во Бристол како мерка на претпазливост за набљудување и се очекува целосно и брзо закрепнување“, соопшти палатата.
Во соопштението се наведува дека кралот Чарлс е информиран за повредите на сестра си.
„Целото кралско семејство е со принцезата и се надеваат на нејзино брзо закрепнување“, заклучи Бакингемската палата.
Свет
Нетанјаху доби предупредување од комисијата што го истражува купувањето подморници од страна на владата
![](https://makfax.com.mk/wp-content/uploads/2024/01/netanjahu.jpg)
Израелската комисија, која спроведе истрага за сомневањата дека имало злоупотреби при владината набавка на подморници и ракетни бродови од Германија, денеска упати предупредување до израелскиот премиер Бенјамин Нетанјаху дека ја искористил својата позиција за да ја одобри набавката, без да ја следи пропишанота постапка.
Комисијата го информира Нетанјаху дека врз основа на собраните докази досега утврдила дека тој ја искористил својата позиција како премиер помеѓу 2009 и 2016 година за да добие зелено светло за купување, без да следи соодветна процедура, објави „Ројтерс“.
Израелскиот премиер Бенјамин Нетанјаху денеска изјави дека набавката на подморници од Германија е клучно прашање за безбедноста на Израел со цел да се одбрани од Иран, кој, како што наведе, се обидува да ја уништи еврејската држава.