Македонија
Милошоски: Напредокот во спорот за името зависи од Македонија и Грција

Напредокот во спорот за името зависи од ангажманот на Македонија и на Грција.
Ова денеска го изјави Министерот за надворешни работи на Република Македонија Антонио Милошоски, додавајќи дека Република Македонија го дава својот максимум, но укажа на тоа дека Грција во изминативе 18 години нема покажано никаков сигнал што може да доведе до компромис и кој би бил прифатлив и за двете страни.
Што би можеле да очекуваме од Нимиц, зависи од него, рече Милошоски, додавајќи дека тоа е во негова надлежност и компетенција и во негова надлежност е какви мерки би можело да бидат употребени да се даде некој придонес во овој спор.
„Во Кордоба на министерскиот состанок што го организираше шпанското претседателство комесарот Фуле ме извести за неговиот интерес и за воспоставувањето на контакти со Нимиц. Немаме ништо против. Сметаме дека дополнителното информирање на врвните членови на Европската комисија во однос на овој билатерален спор што Грција го злоупотребува во контекст на европските интеграции во Македонија може да има само корист“, истакна министерот Милошоски, во врска со минатонеделниот неформален состанок на министрите за надворешни работи на земјите-членки на Европската унија во Кордоба.
Тој посочи дека ваквиот интерес е добар за Република Македонија, бидејќи како што рече Република Македонија нема што да крие во врска со овој спор.
Шефот на македонската дипломатија нагласи дека Македонија има конструктивен пристап за решавање на грчко-македонскиот спор, а истакна дека тоа може да биде посведочено и од посредникот Нимиц. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода денеска корисниците од улицата Црвена Скопска Општина

Од ЈП Водовод и Канализација добиено е известување дека денеска, поради дефект во шахта (промена на шибер во шахта ф 50 мм) на улицата Кеј Димитар Влахов бр.4, прекинато водоснабдување ќе имаат корисниците од улицата Црвена Скопска Општина (сите објекти кои се наоѓаат на истоимената улица).
Водоснабдувањето ќе биде прекинато од 09:00 часот до завршување на работата.
Македонија
На Богородица се чека околу 30 минути

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по претежно влажни коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Богородица времето на чекање е околу 30 минути, додека на останатите гранични премини од македонска страна нема подолги задржувања при влез или излез од државата.
Македонија
Променливо облачно со сончеви периоди, наместа нестабилна облачност со пороен дожд и грмежи

Времето денеска ќе биде променливо облачно со сончеви периоди. Наместа ќе има појава на нестабилна облачност со пороен дожд и грмежи. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 26 до 32 степена.
Во Скопје, променливо облачно со сончеви периоди, ќе дува слаб до умерен северен ветер. Минималната температура ќе се спушти до 18, а максималната ќе достигне до 32 степени.
Времето во наредните денови
Од среда до петок ќе преовладува претежно стабилно време со пораст на дневните температури. Во деновите од викендот повторно ќе има услови за повремени локални врнежи од дожд и ретки грмежи, а дневните температури ќе бидат во опаѓање.