Свет
Азиските земји мора да добијат повеќе моќ
Економиите во пораст од Далечниот исток би требало да добијат повеќе моќ во глобалните финансиски институции, кои се традиционално доминирани од западните земји, изјави кинескиот премиер Вен Џиабао на отворањето на евро-азискиот самит денеска во Брисел
Економиите во пораст од Далечниот исток би требало да добијат повеќе моќ во глобалните финансиски институции, кои се традиционално доминирани од западните земји, изјави кинескиот премиер Вен Џиабао на отворањето на евро-азискиот самит денеска во БриселПочетокот на 48-часовната средба, која се одржува во позлатениот раскош на белгиската Кралска палата и под огромно обезбедување, уште еднаш го истакна барањето на азиските нации за ребалансирање на меѓународните структури, во момент кога токму тие го предводат извлекувањето на светот од глобалната рецесија. Вен, исто така, истакна дека азиските лидери очекуваат Европа да се откаже од дел од седиштата кои ги држи во меѓународниот монетарен фонд. „Потребно е да ги подобриме процесите и механизмите на носење на одлуки во меѓународните финансиски институции, да го зголемиме претставувањето и гласот на земјите во развој, да охрабриме пошироко учество во овие организации“, им рече Вен на другите лидери, собрани околу овалната маса во палатата. „Мораме да воведеме многу поефективен глобален систем за економско управување“, заклучи тој и уште еднаш истакна дека Кина и останатите азиски земји ќе почнат својот огромен економски раст да го наметнуваат на глобалната сцена.Претседателот на Камбоџа, пак, Хун Сен, побара на азиските економии да им се признае дека се предводници на глобалното економско заздравување. Иако до скоро побарувачката во ЕУ и во САД беше главен двигател на развојот на овие економии,. Сега таа побарувачка е во пад и е многу помала од побарувачката во самите азиски економии. Битката за седишта во ММФ сега се претвора во симболично натпреварување за глобалната економска превласт. Минатата недела, ЕУ соопшти дека е подготвена да се откаже од дел од својата база во ММФ, во корист на земјите во развој. Тоа ќе ја чини ЕУ две седиште во бордот на директори на ММФ и правото директор на организацијата со седиште во Вашингтон да биде Европеец. Во моментов, ЕУ држи 24 седишта во ММФ. „Фактот дека Европејците покажуваат флексибилност и волја за преговори е многу важен.. За нас реформите на квотите во ММФ се многу важни и многу симболични“, вели Ри Чанг-јонг, јужнокорејски делегат чија изјава точно го отсликува азискиот сентимент за тоа дека нивниот економ ски напредок треба да им даде поголема тежина на меѓународната сцена. Конечниот договор за ова треба да биде постигна на средбата на групата 20 развиени и економии во развој, кеја ќе се одржи во Јужна Кореја идниот месец.Сите заедно, 48-те земји кој учествуваат на евро-азискиот самит во Брисел сочинуваат околу половина од глобалниот економски аутпут и 60 проценти од глобалната трговија. Минатата недела, ММФ излезе со оценка дека на земјите од Азија и од Латинска Америка им оди добро, што не би можело да се каже за повеќе европски земји, особено за Грција. Од друга страна, многу европски држави се жалат дека Кина ја држи својата валута потценета, за да можат нејзините извозници да постигнат нефер ценовна предност на меѓународните пазари, додека истовремено Кина го затвора својот пазар и не им дозволува влез на европските бизниси. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали од пропаднатиот мировен договор меѓу Русија и Украина: „Киев да гарантира трајна неутралност, а Москва да не напаѓа“
Русија и Украина беа блиску до постигнување мировен договор во пролетта 2022 година, според кој Киев бил подготвен да се посвети на неутралност, пренесува „Велт“ повикувајќи се на нацрт-договорот.
Повикувајќи се на документ од 17 страници од 15 април 2022 година, германскиот весник наведува дека Москва и Киев постигнале начелен договор и дека преостанатите разлики ќе бидат „измазнети“ на самитот меѓу претседателите на Русија и Украина, Владимир Путин и Володимир Зеленски.
Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји.
За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки.
„Велт“ наведува и дека договорот го исклучил рускиот полуостров Крим, како и делови од Донбас од какви било безбедносни гаранции дадени на Украина.
Сепак, не е јасно кои делови на Донбас беа опфатени со клаузулата. Весникот наведува дека иако Русија сакала да се утврдат точните граници на самитот Путин-Зеленски, Киев одбил, инсистирајќи дека тие се засновани на украинско толкување.
Во исто време, Москва наводно сигнализирала дека е подготвена да ги повлече своите војници од украинска територија, но не и од Крим и Донбас. И тоа требаше да разговараат Путин и Зеленски.
Двете страни, исто така, наводно имале големи несогласувања околу големината на украинската војска, бидејќи Киев сакал да задржи многу повеќе војници отколку што Москва била подготвена да дозволи.
„Велт“ објави дека Москва бара рускиот да стане втор официјален јазик во Украина. Русија, наводно, побарала укинување на сите меѓусебни санкции и отфрлање на тужбите, истовремено повикувајќи го Киев да го забрани нацизмот и „агресивниот национализам“. Украина ги одби тие барања, пишува весникот.
Коментирајќи го сега пропаднатиот договор, еден украински преговарач за „Велт“ изјави: „Тоа беше најдобриот договор што можевме да го постигнеме“. Преговарачот исто така изјави дека Киев бил во посилна преговарачка позиција во 2022 година отколку сега.
Руските власти претходно потврдија дека Украина и Русија се блиску до мировен договор, но тврдеа дека напредокот е закочен од тогашниот британски премиер Борис Џонсон, кој наводно го советувал Киев да продолжи со борбите. Џонсон ги отфрли обвинувањата.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.