Македонија
Анкета: Високо ниво на „етнички нарцисизам“ во Македонија
Постои генерално високо ниво на „етнички нарцисизам“ и перцепција на сопствената етничка група како доминантна во споредба со останатите, покажуваат резултатите од најновата анкета на Центарот за истражување и креирање политики.Со реченицата „Нашата етничка група е супериорна споредено со останатите етнички групи и нации“ целосно се согласуваат 52,6 отсто од анкетираните а 3,7 отсто делумно се согласуваат. Тврдењето дека „некои етнички групи никогаш нема целосно да се интегрираат во нашето општество“, за 42,6 отсто од испитаниците е целосно точно и 4,9 отсто од нив делумно се согласуваат со него. Повеќе од три четвртини од испитаниците пак, воопшто не се согласуваат со тврдењето дека случајноста на фактот што некој е роден во дадената држава е доволна причина за тој/таа да не биде горд на неа.„Постои парадоксално откритие од ова истражување дека женските испитаници, почесто од машките, се согласуваат со идејата абортусот да биде забранет, а испитаниците Албанци и Роми се најголеми поддржувачи на идејата за забранет абортус,“ рече Анастас Вангели од Центарот за истражување и креирање политики.Интересно во истражувањето е тоа што повеќе од половина испитаници се согласуваат со тврдењето дека „мајките може да имаат своја кариера, но нивна прва должност е да бидат домаќинки“, а од друга страна повеќе од 90 отсто од анкетираните сметаат дека жените треба да имаат иста плата за иста работа како и мажите.Хомосексуалните бракови генерално имаат ниска поддршка помеѓу населението односно околу 14,2 отсто целосно ги поддржуваат истополовите бракови, 2,2 отсто делумно ги поддржуваат а 5,5 отсто се неутрални по ова прашање.Повеќе од 80 отсто од вкупниот број на испитаници делумно или целосно се согласуваат со либералистичката максима дека „колку е послободен пазарот, толку е послободен народот“. Во исто време, околу 80 отсто од вкупниот број на испитаници се согласуваат дека секој треба да работи според можностите а да добива според потребите.Речиси две третини од испитаниците (64.6 отсто) целосно или делумно се согласуваат дека животот во минатиот режим бил подобар од животот денес, а речиси 60 отсто од испитаниците се согласуваат со идејата дека имале повеќе слободи во југословенското време.Анкетата, која треба да послужи за споредување на ставовите на јавноста со ставовите на јавноста со ставовите на политичката, економската и академско-културната елита во Македонија, била спроведена на репрезентативен примерок од 1094 испитаници, во периодот од 24-28 октомври. Примерокот бил составен од 45.4 отсто машки испитаници, 54,5 женски испитаници и еден испитаник кој не го обзнанил својот пол. Етничката структура на примерокот била составена од 65.8 отсто етнички Македонци, 24,7 отсто Албанци, 4 отсто Турци, 2.7 отсто Роми, 1.6 отсто Срби, 0.6 отсто Бошњаци, 0.1 отсто Власи и 0.4 отсто припадници на другите етнички заедници./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова по повод Светскиот ден на ромскиот јазик прими припадници на ромската заедница
По повод 5 Ноември, Светскиот ден на ромскиот јазик, претседателката Сиљановска-Давкова, денеска прими претставници на Ромите: средношколци од Скопје, медиумски и просветни работници, како и поети.
Соговорниците постигнаа консензус за потребата од кодификација на ромскиот јазик, отворање катедра за ромски јазик и овозможување на учениците Роми, да го изучуваат ромскиот јазик не само во училиштата во Скопје, туку и ширум републиката.
На настанот беше прочитан дел од предговорот од првата ромска граматика од Шаип Јусуф. Исто така, беа прочитани стихови од делото „Бели патишта“ на авторот Селим Азис. Авторот Сафет Камбер прочита стихови од делото ,,Слово на душата”, меѓу кои: „Kana ka dikhe chorole sijam, numaj ki atma phiravaja barvalipe. Kamipe bizo sharti isi amen thaj sakoneske daja ole“. („Сиромашни сме по изглед, но во душата носиме богатство. Љубов безусловна имаме и секому ја даруваме”).
Претседателката изрази особено задоволство што првата граматика на ромски јазик, којашто е од непроценлива вредност за милиони Роми ширум светот, е создадена на македонско тло од професорот Шаип Јусуф.
Таа упати порака учениците да си го сакаат, почитуваат и учат ромскиот јазик, како незаменлива ромска татковина.
Македонија
Алиу: Континуирано ги унапредуваме здравствените услуги во Клиничката болница во Битола
Министерот за здравство Азир Алиу денеска беше во посета на Клиничката болница „Д-р Трифун Пановски“–Битола.
Со цел обезбедување квалитетна и достапна здравствена грижа, во болницата се вработени четворица нови специјалисти кои од приватниот сектор преминаа во јавното здравство – интервентен кардиолог, инфектолог, интернист и дерматовенеролог. Со тоа е комплетиран тимот за кардиологија, а во план е развој на клиничка електрофизиологија со имплантација на пејсмејкери, соопштија надлежните.
– Битола е првата болница во државата која почна со децентрализација на онколошката терапија – секоја недела лекар од Клиниката за радиотерапија и онкологија работи со пациентите во Битола, со што се намалува потребата тие да патуваат во Скопје за консултации и контроли. Во рамки на поддршката од Владата и Министерството за здравство, болницата е зајакната со нова медицинска опрема, меѓу која нов дигитален рендген апарат, биохемиски и имунолошки анализатори, современ апарат за ФАКО метода и нов ехо апарат за офталмологија, како и нов дигестор за одделот за патологија“, посочи Алиу.
Во изминатиот период, како што беше истакнато, примени се 11 приватни специјализанти, а целосно е реализиран и огласот за вработување на 53 лица медицински персонал, со што се подобрува функционалноста на сите оддели и одговорот на потребите на пациентите.
-Нашата цел е секој регион да добие болница со современи услови, мотивиран кадар и највисок стандард на здравствена грижа. Клиничката болница во Битола е пример како со посветеност, вложувања и стратегија, можеме да создадеме модерен регионален центар кој е поблиску до граѓаните и ги нуди сите потребни услуги на место, изјави Алиу.
Со овие инвестиции, велат од министерството, Клиничка болница „Д-р Трифун Пановски“–Битола станува модерен регионален центар, со силен кадар, современа опрема и системска грижа која ја приближува здравствената услуга до секој пациент.
Македонија
Утре променливо облачно со сончеви периоди, во вечерните часови ќе има повремени локални врнежи од дожд
Времето утре, променливо облачно со сончеви периоди. Во вечерните часови и во текот на ноќта во северните делови ќе има повремени локални врнежи од дожд. Ќе дува слаб променлив ветер. Минималната температура ќе биде во интервал од 4 до 9, а максималната ќе достигне од 11 до 17 степени.
Во Скопје, ќе биде променливо облачно, во вечерните часови и во текот на ноќта ќе има повремен дожд. Ќе дува слаб северен ветер.
Минималната температура ќе се спушти до 7, а максималната ќе достигне до 15 степени.
Под влијание на серија влажни воздушни бранови од утре во вечерните часови до понеделник следува период на променливо облачно време со повремени локални врнежи од дожд. Наместа врнежите ќе бидат поројни и пообилни и во текот на 24 часа се очекува да наврне поголема количина дожд (над 30 l/m²).

