Македонија
Прекинат меѓународен шверцерски канал за дрога
Македонската полиција прекина меѓународен шверцерски канал за дрога, при што две лица се уапсени и се запленети над девет килограми хероин, вреден
Македонската полиција прекина меѓународен шверцерски канал за дрога, при што две лица се уапсени и се запленети над девет килограми хероин, вреден над милион евра.
Како што соопшти МВР, полицијата, во координација со Турската служба за борба против дрога, реализираше меѓународна операција под оперативно име „Босфор” за откривање и пресекување на меѓународен канал за недозволена трговија со наркотична дрога хероин од блискиот исток кон западноевропските земји.
Во акцијата беа приведени Ф.С.(34) и Е.А.(21) од Скопје, познати на полицијата и претходно.
Дрогата била пронајдена во три јутени вреќи во такси возило “Фолксваген Кеди” со скопски регистерски ознаки, во кои имало платно за фармерки обвиткани во ролни, наменети за фиктивна фирма “ФАТИТЕКС”.
Двајцата осомничени, кои претходно се идентификувани како нарачатели на пратката хероин, на лице место се лишени од слобода, додека за возачот на таксито е утврдено дека бил ангажиран по пријателска линија без да знае што пренесувал.
Полицијата дополнително извршила претрес на домовите на приведените, при што е пронајден еден пиштол ТТ калибар 7,62 мм.
Двацата со соодветни кривични пријави и доказниот материјал во текот на денов ќе бидат изведени пред Основно Јавно обвинителство за организиран криминал и корупција. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.
Македонија
Православните верници денеска слават втор ден Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.
Македонија
Времето денеска сончево, од среда пороен дожд и грмежи
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени.
Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени.
Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.