Свет
Пожарот во ноќниот клуб за Медведев е тешко криминално дело

Тешко криминално дело претставува пожарот во ноќниот клуб во рускиот град Прем во кој загинаа најмалку 112 лица за претседателот Дмитриј Медведев,иако министерот за внатрешни работи тврди дека нема елементи за криминал во несреќата
Како за тешко криминално дело Медведев побара казнување на виновниците, вклучувајќи го и сопственикот на локалот.Медведев ова го кажал во видеоврската со министрите за вонредни состојби, Сергеј Шојгу, за внатрешни работи, Рашид Нургалиев и за здравство и социјален развој Татјана Голикова, кои се наоѓаат во Перм.Министерот за внатрешни работи Нургалиев, пак, изјави дека засега нема докази дека станува збор за криминално дело и оти досегашната истрага укажува дека несреќата е последица на невнимание.„Не можам да се согласам со тоа. Се што се случи може да биде означено само како криминал“, пресекол Медведев.Тој напомена дека напорите во моментов треба да се насочат кон медицинска помош на повредените, затоа што 88 од околу 130-те повредени лица се наоѓаат во критична состојба.„Во клубот немало експлозија и пожарот е предизвикан од невнимателно користење на пиротехнички материјали“, изјавил пред новинарите министерот Шојгу.Околу 200 лица, главно персоналот на клубот Куциот коњ, нивни роднини и пријатели ја одбележувале осумгодишнината од работењето на локалот, пред да избувне пожарот. Во еден момент се истрелани неколку ракети за огномет, при што една од нив го погодила пластичниот таван, по што избувнал пожар.На местото на несреќата пристигна авион на Министерството за вонредни состојби со лекари и психолози и специјални направи за превезување на настраданите.Во меѓувреме, полицијата го приведе сопственикот на ноќниот клуб, Анатолиј Зак.Локалните власти соопштија дека семејствата на секој од загинатите ќе добијат компензација од по 3.400 долари, одлука донесена на вонредниот состанок на градската управа на Перм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Никола и Марта исчезнаа на патот кон Грција: „По втората рампа повеќе не ги видовме“

Никола Стефановиќ (31) и Марта Илиќ (19) исчезнаа патувајќи на одмор во Грција, како што потврди за „Блиц“ Јелена Стојиљковиќ, ќерката на нивниот пријател, со кого го напуштиле Лесковац.
„Тие отидоа со нас во Грција, требаше да прстојуваме стан до стан на истото место. Никола е пријател на татко ми, го замолил да оди пред него, да го следи, не го знаел патот. Сè беше во ред низ Србија и Северна Македонија, влеговме во Грција“, вели Јелена Стојиљковиќ за „Блиц“.
Откако направиле пауза на бензинска пумпа во Грција, го продолжиле своето патување.
Кога стигнале до втората рампа на автопатот кон Олимпик бич, Никола и Марта исчезнале.
„Тато ги набљудуваше цело време во ретровизорот. По таа втора рампа, повеќе не ги видовме. Потоа тато доби порака од бројот на Никола „Брат, те молам јави ми се“, што и го стори. И тој и таа беа недостапни“, изјави Јелена за „Блиц“.
Како што истакна, Марта и Никола не контактирале со никого од вчера и сите се многу загрижени.
„Се надеваме дека се е добро и дека ќе се појават, сите сме многу загрижени за нив“, рече таа на крајот од интервјуто за „Блиц“.
Патем, судејќи според информациите објавени на Фејсбук страницата „Во живо од Грција“, автомобилот со кој Никола и Марта патувале во Грција е син металик опел со лесковачки регистарски таблички LE 164 LB.
Исчезнатиот Никола Стефановиќ живее во селото Богојевце во близина на Лесковац, а Марта Илиќ живее во селото Бунушки Чифлук.
Свет
Трамп разговараше со Лукашенко: „Имавме одличен разговор“

Претседателот на САД, Доналд Трамп, имаше телефонски разговор со белорускиот претседател Александар Лукашенко, објави белоруската новинска агенција Белта.
Разговорот го потврди и Трамп.
„Имав одличен разговор со високо почитуваниот претседател на Белорусија, Александар Лукашенко. Целта на повикот беше да му се заблагодарам за ослободувањето на 16 затвореници. Разговаравме и за ослободувањето на дополнителни 1.300 затвореници. Нашиот разговор беше многу добар. Разговаравме за многу теми, вклучувајќи ја и посетата на претседателот Путин на Алјаска. Со нетрпение очекувам да се сретнам со претседателот Лукашенко во иднина. Ви благодарам за вашето внимание на ова прашање!“, напиша тој.
Свет
Киев: Путин носи карти за самитот, ќе се обидат да ја претстават Украина како вештачка држава

Рускиот претседател Владимир Путин наводно ќе му претстави на американскиот претседател Доналд Трамп историски материјали на самитот во Алјаска, со кои сака да ја прикаже Украина како вештачка држава, тврди украинскиот центар за борба против дезинформации.
Според Центарот, објавено од „Киев индепендент“, пакетот вклучува географски карти кои се обидуваат да ги оправдаат руските територијални претензии и континуираната воена агресија врз Украина.
Тврдењето доаѓа пред првата средба лице в лице меѓу Путин и Трамп од почетокот на вториот претседателски мандат на Трамп. Белата куќа ги опишува разговорите како дел од напорите на САД за ставање крај на војната во Украина.
„Кремљ редовно користи искривени историски наративи“
Центарот за борба против дезинформациите предупредува дека Кремљ редовно користи искривени историски наративи за да ги оправда своите постапки, прикажувајќи ја Украина како историски зависна од Русија и доведувајќи го во прашање легитимитетот на нејзиниот суверенитет.
Путин постојано јавно користел вакви псевдоисториски аргументи, според „Киев Индепендент“. Во интервју од 2024 година со американскиот десничарски коментатор Такер Карлсон, тој одржа 30-минутен монолог за историјата на Русија и Украина полн со неточности и искривени тврдења, според Украинците.
„Историските факти, а особено псевдоисториските фантазии, не можат да бидат основа за територијални претензии или да оправдаат вооружена агресија против други земји“, соопшти Центарот за сузбивање на дезинформациите.
„Прекинот на огнот ќе биде еден од приоритетите“
Трамп ги нарече разговорите во Алјаска „пробен период“ и за време на телефонскиот разговор на 13 август со украинскиот претседател Володимир Зеленски и европските лидери, вети дека прекинот на огнот ќе биде еден од приоритетите во разговорите со Путин.
Американскиот претседател, исто така, посочи дека секој мировен договор ќе бара од двете страни да „разменуваат“ територии, што предизвика загриженост во Киев и европските престолнини. Не е прецизирано што се подразбира под „размена на територии“.
Русија го анектираше украинскиот Крим во 2014 година, а потоа и делови од регионите Донецк, Луганск, Запорожје и Херсон во 2022 година.
Според извор од Кабинетот на украинскиот претседател, предлогот на Москва ќе бара од Киев да се повлече од делови од регионите Донецк и Луганск под украинска контрола во замена за повлекување на Русија од делови од регионите Суми и Харков.
Путин, исто така, бара Украина да се повлече од деловите од регионите Херсон и Запорожје, контролирани од Украина, и да се согласи на забрана за влез во НАТО како предуслов за мир.
Овие барања, повторени за време на украинско-руските мировни преговори во Истанбул, беа решително отфрлени од Зеленски, кој инсистира на прекин на огнот како прв чекор кон преговорите, што е поддржано од европските партнери на Украина.