Тројца македонски државјани и еден Словак познати како „Банда која прави пари“ ограбиле вкупно 26 банки во Австрија за седум години, почнувајќи од 2004. Ова е рекорден број на грабежи на банки во историјата на Австрија.

Тројца македонски државјани и еден Словак познати како „Банда која прави пари“ ограбиле вкупно 26 банки во Австрија за седум години, почнувајќи од 2004. Ова е рекорден број на грабежи на банки во историјата на Австрија.

Четири члената група била под водство на триесет и тригодишниот Нешати Нури  од Тетово кој бил познат под прекарот Лутка. Му помагале Вулнет Хамзаи и Хајредин Халиу, двајцата македонски државјани, и словачкиот државјанин, Марко Арслани. Парите ги краделе со црни најлонски масивни кеси, а најомилени им билe банките од групацијата „Шпаркасе“.

Од австриската полиција засега не знаат колку пари украла бандата. По водачот на озлогласената банда трагале сите европски полиции. На словачката полиција успеал да и избега во 2009 година давајќи и лажни документи.

Хрватската полиција го обезбедила неговиот прекар, по што по него почнала да трага и македонската полиција. Македонското МВР го идентификувало во јули 2009 година.

Конечно бил уапсен во Берлин во февруари годинава, а на 18 август бил екстрадиран во Австрија.

„Ова е најголемиот случај на грабеж на банки во историјата на Австрија“ изјави австриското полициско аташе Штефан Турнер.

Последниот грабеж бил направен на 31 јануари во Грац. Освен за насилни грабежи водачот на групата е обвинет и за обид за убиство врз чувар на банка.

Ова е втора голема соработка меѓу македонската и австриската полиција по акцијата „Диригент“ и по апсењето на Македонците, припадници на Франкфурт мафијата кои растураа дрога во Франкфурт и Виена. /крај/фф