Свет
Лавров: Русија не ja разбира логиката на земјите што ги повлекуваат амбасадорите од Сирија
Москва не ја разбира логиката на западните земји и државите од Персискиот залив, кои одлучија да ги повлечат своите амбасадори од Сирија, изјави рускиот министер за надворешни работи, Сергеј Лавров.
Москва не ја разбира логиката на западните земји и државите од Персискиот залив, кои одлучија да ги повлечат своите амбасадори од Сирија, изјави рускиот министер за надворешни работи, Сергеј Лавров.Одлуката на западните земји и земјите од Персискиот залив да ги повлечат амбасадорите од Сирија, не е адекватна за создавање услови за спроведување на мировната иницијатива на Арапската лига, изјави во средата во Москва рускиот министер за надворешни работи, Сергеј Лавров, по неговото враќање од Дамаск, каде што се сретна со сирискиот претседател Башар ал-Асад..„Не мислам дека отповикувањето на амбасадорите создава такви услови коишто ќе бидат полезни за реализацијата на иницијативата на Арапската лига“, рече шефот на руската дипломатија, пренесува РИА НовостиПрвиот човек на руското министерство за надворешни работи, вели дека за Москва не е, исто така, јасно решението за брзото замрзнување на активностите на набљудувачката мисија на Арапската лига во Сирија, која реално не постигнала многу, но сепак помогнала донекаде да се стабилизира ситуацијата во земјата.„Присуството на странските набљудувачи секогаш има одвратувачка улога. И не е јасно зошто некои држави од Персискиот залив ги повлекоа своите претставници од мисијата, и зошто таа мисија беше суспендирана во истиот момент кога нејзиниот извештај беше разгледуван во Советот за безбедност на Обединетите нации“, вели Лавров.Тој истакнува дека кога започнало разгледувањето на „мароканската“ нацрт резолуција во Советот за безбедност, Москва побарала во неа да се внесат конкретни барања за безбедносните сили, вооружените луѓе од градовите, а не таа да биде адресирана само на владините сили, туку и на вооружените групи кои се борат со владините сили.„Според мое мислење, тоа е логично, и фактот дека нашите колеги ко-автори на резолуцијата одбија да ги додадат овие барања коишто се однесуваа и на противниците на Асад, не знам како тоа може да се оправда, а потоа многу брзо да се инсистира дека со неприфаќањето на ова резолуција во Советот за безбедност, по вина на Русија и Кина, е испуштена можноста да се запре крвопролевањето. Ние ја пропушти можноста да им се обратиме на вооружените одреди, кои се борат против владините сили и заземаат градови и села. Оваа можност ние ја пропуштивме. Ако тоа беше целта на авторите на резолуцијата, би било исправно да се каже тоа“, изјави Лавров.Според Лавров, Русија, исто така, побарала да се вклучи во нацрт-резолуцијата точка за неопходноста да им се укаже на силите, или на оние кои имаат влијание врз нив, да ги повикаат опозициски групи на започнување национален дијалог. Меѓутоа, овој предлог беше одбиен, нагласува министерот за надворешни работи на Руската Федерација.Минатата седмица, Советот за соработка на арапските држави од Персискиот залив одлучи да ги повлече своите претставници од групата меѓународни набљудувачи во Сирија.Арапската лига ја испрати набљудувачката мисија во Сирија на 26-ти декември 2011 година по потпишувањето на сириско-арапскиот протокол за прием на набљудувачи на Лигата во земјата. На состанокот во Каиро на 23-ти јануари Арапската лига го продолжи мандатот на набљудувачката мисија во Сирија за еден месец, ветувајќи дека ќе ги прошири своите надлежности. Сириската влада се согласи со оваа одлука. Подоцна, сепак, Арапската лига ја суспендира работата на мисијата образложувајќи ја одлуката со „зголеменото ниво на насилство“ во земјата.Во Сирија, речиси една година не запираат анти-владините протести. Секојдневни се извештаите за десетици судири меѓу цивили и униформирани лица. Според извештајот на Обединетите нации, во 11-те месеци судири меѓу регуларните сили и одметнатите војници и опозициските групи загинале околу шест илјади луѓе. Властите на претседателот Башар ал-Асад против кого избија протестите кои преминаа во вооружени судири, тврди дека бројот жртви е околу 2.500, претежно припадници на полицијата и војската кои се напаѓани од „терористички групи оркестрирани однадвор“.Во саботата на 4-ти февруари, Русија и Кина со вложување вето го блокираа усвојувањето на резолуција за состојбите во Сирија од страна на Советот за безбедност на ОН. Русија и Кина, како постојани членки на Советот за безбедност, по вторпат во изминатите неколку месеци, го блокираа носењето резолуција за Сирија, сметајќи дека текстот е неприфатлив за нив. Во Москва и Пекинг стравуваат од повторување во Сирија „“либискиот сценарио“ со носењето на резолуцијата на Советот за безбедност, што овозможи странска воена интервенција со којашто беше соборен режимот на Моамер ел-Гадафи.Сирија претставува важен партнер на Русија на Блискиот исток и еден од најголемите купувачи на руско оружје во регионот./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Продолжуваат преговорите за прекин на огнот: Делегација на Хамас наскоро во Египет
Делегација на палестинското движење Хамас наскоро ќе го посети Египет за понатамошни преговори за прекин на огнот со Израел, се вели во денешното соопштение на милитантната група.
Во соопштението се додава дека лидерот на Хамас, Исмаил Ханије го потврдил „позитивниот дух на групата во проучувањето на предлогот за прекин на огнот“ во телефонски разговор со шефот на египетската разузнавачка служба Абас Камел, пренесе Ројтерс.
Хамас во саботата соопшти дека ја добил најновата позиција на Израел и дека ќе ја проучи пред да одговори на неа. „Ал Кахера њуз“, кој е поврзан со египетската држава, пренесе изјава од неименуван висок египетски функционер кој рече дека делегација на Хамас ќе пристигне во Каиро во следните два дена.
Договорот предвидува 500 камиони, вклучително и 50 камиони со гориво, да влегуваат во Појасот Газа секој ден со залихи кои треба да донесат обновување на енклавата. Израел ќе го прекине воздушниот надзор на Појасот Газа за осум часа секој ден и за 10 часа во деновите кога ќе бидат ослободени заложниците.
Хамас во првата фаза ќе ослободи најмалку 33 затвореници – цивили и војници, деца до 19 години, постари, болни и ранети. За секоја ослободена жена и дете, Израел би ослободил 20 малолетници и палестински затвореници.
За секој ослободен постар, болен и повреден заложник, Израел би ослободил 20 затвореници на возраст над 50 години, кои исто така се болни и повредени и кои не отслужуваат казна подолга од 10 години.
За секоја ослободена жена војник, Израел би ослободил 20 затвореници кои отслужуваат доживотна затворска казна и уште 20 кои отслужуваат до 10 години затвор, кои можат да бидат ослободени во Газа или во странство. Хамас ќе поднесе листа на затвореници што сака да бидат ослободени, со најмногу 20 имиња, додека Израел ќе го задржи правото на вето на имињата што ги дава Хамас.
Од 16-тиот ден од примирјето, страните ќе започнат индиректни преговори за аранжман за враќање на одржливиот мир во Газа, се наведува во извештајот.
Втората фаза од договорот, која би траела 42 дена, би вклучувала комплетирање на договорите за одржлив мир. Во таа фаза, преостанатите израелски машки цивили и војници ќе бидат ослободени, во замена за одреден број палестински затвореници и целосно повлекување на ИДФ од Газа, пренесува медиумот.
Третата фаза, која би траела 42 дена, би вклучувала размена на тела од двете страни и имплементација на петгодишен план за рехабилитација на Газа, вклучувајќи и одредба дека Хамас не смее да ја обнови својата воена инфраструктура.
Свет
Драма на Крит: 18-годишно момче го обвини својот кум дека го силувал од 9-годишна возраст
18-годишно момче од Ираклион на Крит го пријавил својот кум (50) во полиција дека го силувал од девет до дванаесет години.
Полицијата извесно време го истражувала овој случај, а по прибирање докази уапсила 50-годишен маж.
Според сомнежите на полицијата, кумот под изговор дека „го учи музика“ успеал да остане сам со момчето.
Неименуваниот млад човек се пожалил во полиција дека неговиот кум, кој го познава цел живот, неверојатно го мачел кога имал неполни девет години.
Тинејџерот со години верувал дека тој предизвикал такво однесување, поради што му била дадена психолошка поддршка за да ги надмине бариерите и да стане посилен.
Кога нашол сила да признае се, го пријавил кумот во полиција.
Родителите на 18-годишното момче останале во шок откако слушнале дека нивниот син бил малтретиран од човек на кој слепо му верувале.
Свет
Ердоган: „Тие имаат само една цел – да не замолчат“
За западните демократии е срамно и скандалозно што екстремно десничарските движења во некои европски земји добиваат државна поддршка, изјави денеска турскиот претседател Реџеп Таип Ердоган.
„Фактот што во некои европски земји екстремно десничарските движења се поддржани од самата држава е трагедија, срамна и скандалозна за западните демократии“, рече Ердоган, пренесуваат тамошните медиуми.
Тој нагласи дека Турција не може да молчи пред „гнасните“ акти на расистички тероризам и укажа на убиството на десетици турски граѓани во странство.
„Како земја чии граѓани беа жртви на расистички терористички напади, не можеме да молчиме за таквите настани“, рече Ердоган.
Нагласувајќи дека светот не реагира на случаите на исламофобични и расистички напади на ист начин како и на антисемитските дејствија, Ердоган рече дека „оние кои мавтаат лево-десно со извештаи за човековите права тивко ја гледале смртта на 35.000 Палестинци, од кои 15.000 биле деца“. Тој рече дека речиси ниту еден западен лидер не одговорил на оваа бруталност, освен „неколку совесни државници“, додавајќи дека „ниту една храбра душа не се појавила да му каже на Израел: „Доста е“.
„Згрозени сме од лицемерната политика на западните лидери пред масакрот во Газа. Тие со години ни држат лекции за демократијата и слободата“, рече Ердоган.
Потврдувајќи ја посветеноста на Турција да го задржи фокусот на израелскиот геноцид врз народот во Газа и покрај притисокот од „глобалното ционистичко лоби“, тој рече дека „не случајно во последно време има зголемени кампањи насочени кон нив и нивната земја“.
„Овие кампањи имаат само една цел: да не замолчат“, додаде тој.
„Сметам дека е корисно да ги потсетам оние кои нè таргетираат дека не можат да стигнат никаде со претворање на Турција во непријател. Не можеме да бидеме етикетирани како антисемитисти. Ние го отфрламе антисемитизмот на ист начин како што се спротивставуваме на исламофобијата, ксенофобијата и сите форми на културниот расизам“, рече Ердоган.
„Израелските интереси ги исцртуваат границите на западната демократија. Сè што влијае на интересите на Израел е антидемократско и антисемитско во нивните очи“, заклучи Ердоган.